Стреличарство на Летните олимписки игри 2004

Од Википедија — слободната енциклопедија
Прејди на прегледникот Прејди на пребарувањето
Стреличарство
на Летните олимписки игри 2004
ОдржувалиштеСтадион „Панатинаико“
Денови15–21 август
Натпреварувачи128 од 43 земји
«20002008»
Стреличарство на
Летните олимписки игри 2016

Archery pictogram.svg
Список на стреличари
Поединечно   мажи   жени
Екипно   мажи   жени

Стреличарство на Летните олимписки игри 2004 година — дисциплина која се одржала на стадионот „Панатинаико“ во Атина, Грција во периодот од 12 до 21 август. Сто дваесет и осум стрелци од четириесет и три нации се натпреварувале во четирите категории - индивидуални и екипни настапи за мажи и жени[1].

Стадионот, често наречен Калимармаро, е значаен како место на првите Олимписки игри. По налог на Џејмс Истон, претседател на Меѓународната федерација за стреличарство, настаните се одржале на историскиот стадион, со надеж дека неговата историја и природна убавина ќе ја привлечат јавноста кон овој спорт[2]. Лоренс Годфри, четвртопласираниот во индивидуална конкуренција за мажи, забележал дека стадионот инспирира гордост, додека Американецот Вик Вундерле зборувал за повеќето од стрелците велејќи: „Голема чест и привилегија е да може да се натпреварува во Олимпискиот стадион од 1896 година.[3]

Корејскиот тим освоил три од четирите златни медали. Четири олимписки рекорди и уште неколку светски рекорди биле срушени на овие игри, и покрај лошите временски услови за време на прелиминарните натпреварувачки рунди.

Квалификација и формат[уреди | уреди извор]

Натпревар во тек за време на 64 коло за жени на стадионот „Панатинаико“

Постоело четири начини Националните олимписки комитети (НОК) да ги квалификуваат индивидуалните стрелци за Олимпијадата во стреличарство. За секој пол, на нацијата домаќин (Грција) и биле загарантирани три места. Најдобрите 8 екипи во светот од 2003 година (не ја вклучувало земјата домаќин) добиле по три места, а 19-те највисоко рангирани стрелци по отстранувањето на квалификациите за екипите исто така добиле места. Петнаесет од преостанатите осумнаесет места биле поделени подеднакво меѓу петте олимписки континенти. Последните три места во секој пол биле утврдени од Трипартитната комисија. Шеесет и четири стрелци од секој пол учествувале на Олимписките игри, при што секој олимписки комитет можел да влезе со најмногу три стрелци.

За сите настани, стрелците стоеле на 70 метри растојание од нивната цел. Целта се состоела од концентрични кругови, со вкупен дијаметар од 122 см. Стрелците заработуваат поени врз основа на тоа во кој круг ќе ја погоди нивната стрела, со десет поени доделени за погодок во централниот круг и еден поен доделен за погодок во најоддалечениот круг. За време на рангирачките рунди, секој стрелец имал право на дванаесет стрелби или групи од по шест стрели на крај. Резултатот од тоа коло ги одредил натпреварите во елиминациските рунди, каде високо рангираните стрелци се соочиле со ниско рангираните стрелци[4].

Тринаесет машки и петнаесет женски екипи се натпреварувале во екипни натпреварувања. Екипите се состоеле од тројца стрелци на земјата од индивидуалниот круг, а првичниот ранг на тимот бил утврден со сумирање на резултатите на тројцата членови во индивидуалната рунда за рангирање. Секоја рунда на елиминации се состоела од тоа што секој тим имал по 27 стрели.

Шеста Олимпијада по ред, тимот на Јужна Кореја излегла како чист победник, освојувајќи три од четирите златни медали во Атина. Корејските стрелци поставиле нови светски рекорди во рангот на поединечно за жени (Парк Сунг-хиун) и екипно (Парк, Јун Ми-Џин и Ли Сунг-Џин) и поединечно за мажи (Лим Дон Хен), ниту еден од тие резултати не се сметал како олимписки рекорд бидејќи рангирањето се одржало пред свеченото отворање. Олимписките рекорди биле соборени и во машка и во женска комбинација.

Медали[уреди | уреди извор]

Настан Злато Сребро Бронза
Мажи поединечно
подробно
Марко Галацо
 Италија
Хироши Јамамото
 Јапонија
Тим Кадихи
 Австралија
Мажи екипно
подробно
 Јужна Кореја (KOR)
Лим Дон Хен
Чан ен Хо
Парк Кен Мо
 Кинески Тајпеј (TPE)
Чен Шу-јуан
Лу Мин-хуан
Ванг Ченг-панг
 Украина (UKR)
Дмитриј Грачев
Виктор Рубан
Александар Сердјук
Жени поединечно
подробно
Пак Сон Хен
 Јужна Кореја
Ли Сон Џин
 Јужна Кореја
Елисон Вилијамсон
 Велика Британија
Жени екипно
подробно
 Јужна Кореја (KOR)
Ли Сон Џин
Пак Сон Хен
Јун Ми Џин
 Кина (CHN)
Хи Ин
Лин Сан
Чан Џуанџуан
 Кинески Тајпеј (TPE)
Чен Ли-жу
У Хуи-жу
Јуан Шу-чи

Земји-учеснички[уреди | уреди извор]

Табела[уреди | уреди извор]

МестоЗемјаЗлатоСреброБронзаВкупно
1 Јужна Кореја (KOR)3104
2 Италија (ITA)1001
3 Кинески Тајпеј (TPE)0112
4 Јапонија (JPN)0101
 Кина (CHN)0101
6 Австралија (AUS)0011
 Велика Британија (GBR)0011
 Украина (UKR)0011
Вкупно44412

Наводи[уреди | уреди извор]

  1. Official Report of the XXVIII Olympiad (PDF). 2. Athens Organising Committee for the Olympic Games. November 2005. стр. 237–238. ISBN 960-88101-8-3. Архивирано од изворникот (pdf) на 19 August 2008. Посетено на 2008-08-02.
  2. Drape, Joe (2004-08-17). „It's Ready, Aim, Wait for the Mighty Wind Gusts to Die Down, and Fire“. The New York Times. Посетено на 2008-08-03.
  3. Berardino, Mike (2004-08-19). „Athens' 1896 Stadium is a Classic“. South Florida Sun-Sentinel. Посетено на 2008-08-03.
  4. „Beginner's Guide to Archery“. BBC Sport. 2004-04-23. Посетено на 2008-08-02.

Надворешни врски[уреди | уреди извор]