Стефани Одран
| Стефани Одран | |
|---|---|
 Стефани Одран во 1965 (Студио Харкорт) | |
| Роден(а) | Колет Сузан Жанин Дашевил 8 ноември 1932 Версај, Франција |
| Починал(а) | 27 март 2018 (возр. 85) Неји на Сени, Франција |
| Занимање | глумица |
| Активен период | 1955–2013 |
| Деца | Томас Шаброл |
Стефани Одран (родена Колет Сузан Жанин Дашевил; 8 ноември 1932 - 27 март 2018 )[1] — француска филмска актерка. Таа била позната по своите изведби во филмовите на нејзиниот сопруг Клод Шаброл, вклучувајќи ги „Месарот“ (1970), „Дискретниот шарм на буржоазијата“ (1972) на Луис Буњел и „ Бабетова гозба“ (1987) на Габриел Аксел.[2][3][4] Улогата со која најмногу се поврзувала била онаа на горделива буржоазиска жена.[1][5]
Биографија
[уреди | уреди извор]Одран била родена во Версај и одгледана од нејзината мајка откако нејзиниот татко, доктор, починал кога таа имала шест години.[4][6] Таа завршила средно уличиште во Ламартин,[1] студирала драма на Театарот „Шарл Далин“ во Париз.[5] Првпат се појавила на сцената, иако со мал успех,[4][6] и актерски дебитирала во краткиот филм „Играта на ноќта“ од 1957 година.[4] Нејзината прва соработка со режисерот Шаброл била „Братучедите“ од 1959 година, со кого снимила вкупно 25 филмови.[3] Претходно била во брак со актерот Жан-Луј Трентињан,[4] па се омажила за Шаброл во 1964 година.[3][6] Двојката имала еден син, актерот Томас Шаброл.[2]
Главните филмови на Одран заедно со Шаброл вклучуваат „Les Biches“, кој ѝ ја донело Сребрената мечка за најдобра актерка на 18 Берлински меѓународен филмски фестивал, „Месарот“, „Пред ноќта“ (1971) и „Виолет Розиер“ (1978), за кој ја освоила наградата „Цезар“ за најдобра споредна актерка.[2][3] Таа, исто така, глумела во филмот на Ерик Ромер од 1959 година „Знакот лав“ (објавен во 1962 година), „Дискретниот шарм на буржоазијата“, за кој ја добила наградата БАФТА за најдобра актерка во главна улога (заедно со „Пред ноќта“),[2][3] „Coup de Torchon“ на Бертран Таверние од 1981 година и нејзиниот меѓународно најпознат филм, „Бабетова гозба“.[6] Покрај тоа, Одран имала споредни улоги во три филма во режија на Семјуел Фулер.[1][4] На телевизија, таа се појавила во продукции како „Враќање во Брајдсхед“ (1981) и „Сонцето исто така изгрева“ (1984).
Одран и Шаброл се развеле во 1980 година, иако таа продолжила да се појавува во споредни улоги во неговите филмови.[1] Таа останала активна како актерка до крајот на 2000-тите. Починала на 27 март 2018 година, на 85-годишна возраст, по долго боледување. Нејзиниот син Томас изјавил дека неговата мајка била во болница десет дена пред таа да се врати дома, каде што починала.[2][4]
Наводи
[уреди | уреди извор]- 1 2 3 4 5 Bergan, Ronald (27 March 2018). „Stéphane Audran obituary“. The Guardian. Посетено на 7 May 2023.
- 1 2 3 4 5 Vlessing, Etan (27 March 2018). „Stephane Audran, Star of 'Babette's Feast,' Dies at 85“. The Hollywood Reporter. Посетено на 27 March 2018.
- 1 2 3 4 5 „French star Stephane Audran dies at 85“. BBC News. 27 March 2018. Посетено на 27 March 2018.
- 1 2 3 4 5 6 7 Héliot, Armelle (27 March 2018). „Mort de Stéphane Audran, la muse de Claude Chabrol“ [Death of Stéphane Audran, the muse of Claude Chabrol]. Le Figaro (француски). Посетено на 27 March 2018.
- 1 2 Vincendeau, Ginette (18 December 2019). „Stéphane Audran obituary: a new wave icon“. British Film Institute. Посетено на 8 May 2023.
- 1 2 3 4 Genzlinger, Neil (27 March 2018). „Stéphane Audran, Star in Oscar-Winning 'Babette's Feast,' Dies at 85“. The New York Times. Посетено на 30 March 2018.
Надворешни врски
[уреди | уреди извор]- Стефани Одран на
Семрежната филмска база на податоци (англиски)
|