Стевен Краусвејк

Од Википедија — слободната енциклопедија
Прејди на прегледникот Прејди на пребарувањето
Стевен Краусвејк
Краусвејк на Трката околу Алберта 2014
Лични податоци
Цело имеСтевен Краусвејк
Прекар„Закачалка“ (De Kleerhanger)[1]
Роден7 јуни 1987 (1987-06-07) (32 г.)
Нуенен,  Холандија
Висина1,78 м
Маса66 кг
Податоци за клубот
Мом. клубЏамбо-Висма
ДисциплинаДрумски велосипедизам
УлогаСпецијалист за искачување
Аматерски клубови
2006
2007–2009
Ван Влит-ЕБХ Адвокатен
Рабобанк КТ
Професионални клубови
2010– Рабобанк
Последна промена
5 мај 2019

Стевен Краусвејк (холандски: Steven Kruijswijk; р. 7 јуни 1987 во Нуенен) — холандски професионален друмски велосипедист, кој вози за UCI World Tour екипата Џамбо-Висма.[2]

Краусвејк е најмногу познат по неговата вештина за качување на брда, со која има повеќе успеси. Има завршени меѓу првите пет на сите три големи трки и бил близу победа на Џиро д’Италија во 2016 година, но ги упропастил неговите шанси, кога удрил во снежен брег на претпоследната планинска етапа.

Кариера[уреди | уреди извор]

Рана кариера[уреди | уреди извор]

Во 2007 година, Краусвејк започнал да вози за развојната екипа на Рабобанк. Во 2009 го освоил холандското друмско првенство под 23 години.

Рабобанк (2010-)[уреди | уреди извор]

2011–2015[уреди | уреди извор]

Две години подоцна во 2011, Краусвејк завршил осми во генералниот пласман на Џиро д’Италија. Потоа, ја освоил шестата етапа на Тур де Свис и исто така завршил трет во генералниот пласман.

Во 2014 година, Краусвејк ја освоил Арктичката трка на Норвешка, негова прва победа во кариерата.

Краусвејк (лево) ја носи сината маичка на Џиро д’Италија 2015

Во 2015 година, Краусвејк ја предводел екипата на Џиро д’Италија. Иако изгубил време во првата недела, Краусвејк возел силно во вториот дел на трката, завршувајќи втор зад Микел Ланда на етапата 16, која била кралска етапа на трката, и на крајот завршил на седмото место, 10 минути и 53 секунди зад Алберто Контадор.[3] Краусвејк ја носел сината маичка како предводник во планинскиот пласман на етапите 16–18 и завршил трет во тој пласман зад Џовани Висконти.[4]

2016[уреди | уреди извор]

Краусвејк ја носи розевата маичка на Џиро д’Италија 2016

Во 2016 година, Краусвејк повторно возел на Џиро д’Италија, која започнала со три етапи во Холандија. На кралската етапа на трката, етапата 14, Краусвејк завршил втор зад Естебан Чавес (Орика-БајкЕксчејнџ) преземајќи го водството со 41 секунда од Винченцо Нибали (Астана).[5] На петнаесеттата етапа, планински хронометар, Краусвејк повторно завршил втор, овој пад зад Александар Фолифоров со што го зголемил своето водство на 2 минути и 12 секунди пред Чавес, додека Нибали имал механички проблеми и паднал на третото место, 2 минути и 51 секунда зад Краусвејк.[6] На шеснаесеттата етапа, Краусвејк повторно завршил втор, зад Алехандро Валверде (Мовистар Тим) и го зголемил своето водство пред Чавес на 3 минути.[7]

Меѓутоа, на етапата 19, Краусвејк паднал при спуст додека следел напад на Нибали и Чавес, завршувајќи во снег од страната на патот. Иако можел да продолжи, Краусвејк ја завршил етапата со скоро пет минути зад Нибали и четири минути зад Чавес, така паѓајќи на третото место.[8] Бил во болница по етапата, кога било потврдено дека имал скршено ребро во падот.[9] Сепак, ја започнал дваесеттата етапа, каде загубил дополнително време и паднал зад Валверде на четвртото место во генералниот пласман.[10] Ја завршил трката на четвртото место.[11] Во јули, Краусвејк потпишал двегодишно продолжување на договорот со екипата.[12]

2017[уреди | уреди извор]

Краусвејк на Џиро д’Италија 2017

Краусвејк целел кон победа на 100. издание на Џиро д’Италија во 2017 година, откако пропуштил да ја освои трката во 2016 година. Негов најдобар резултат пред Џиро било седмото место на Волта а Каталуња. Никогаш не ја достигнал формата од претходната година на Џиро и Краусвејк ја напуштил трката во последните денови поради болест. Брзо се опоравил на Тур де Свис и стигнал на подиум со третото место на крајот на трката. Сакал да се врати на Вуелта а Еспања, каде бил предводник на екипата за Лото НЛ-Џамбо. Но, Краусвејк никогаш не ја достигнал формата од претходната година и влегол меѓу првите 10 во завршните денови. Со седмото место на целта до Алто де л’Англиру, Краусвејк завршил на деветтото место на крајот на трката.

2018[уреди | уреди извор]

Краусвејк на Тур де Франс 2018

За сезоната 2018, целта на Краусвејк била Тур де Франс, каде ја предводел екипата заедно со Примож Роглич. На неговата последна подготвителна трка за Тур, Краусвејк завршил осми на Тур де Свис. Кога пристигнал на Тур де Франс, Краусвејк имал добар почеток и загубил време само на екипниот хронометар на третата етапа. Кога трката стигнала на Алпите, Краусвејк нападнал на етапата 12 и се нашол во бегство. Напаѓал сам на 80 километри до целта, но бил достигнат на само 5 километри до целта во Алп д’Иез. Стигнал до две третини од искачувањето кога групата на жолтата маичка го достигнала, но и покрај тоа успеал да заврши во првите десет на етапата. За храбриот потег, Краусвејк ја добил наградата за борбеност на етапата 12, а овој подвиг му донел и добра позиција во генералниот пласман. Краусвејк на крајот завршил на импресивното петто место.

По неговиот силен настап на Тур де Франс, било одлучено дека Краусвејк ќе вози на Класика де Сан Себастијан како еден од предводниците на екипата. Краусвејк ја завршил трката на деветтото место со колегите Роберт Гесинк и Антван Толхук, кои ги освоиле осмото и десеттото место, соодветно. На неговата втора голема трка во годината, Вуелта а Еспања, Краусвејк ја добил улогата на предводник на екипата заедно со Џорџ Бенет. Со силен настап во првата недела било одлучено дека екипата ќе вози целосно за подиум на Краусвејк. Влегол меѓу првите пет на етапата 14 по напад на последното искачување на етапата. Возејќи го еден од неговите најдобри хронометри, завршил четврти на завршниот хронометар, напредувајќи до третото место во генералниот пласман. Меѓутоа, следниот ден, Краусвејк имал лош ден на стрмното искачување Балкон де Бискаја и паднал на петтото место во пласманот. На претпоследната етапа, Краусвејк уште еднаш се нашол меѓу првите тројца, кога завршил трет на етапата 19. Кога тројца од неговите противници за подиум се одвоиле на второто последно искачување на етапата, Краусвејк се двоумел и го изгубил подиумот на завршното искачување. Завршил на четвртото место на Вуелта.

Достигнувања[уреди | уреди извор]

2007
1. Пролог Тур д’Алзас
2009
1. Холандија Национално друмско првенство под 23 години
2010
18. Краен пласман Џиро д’Италија
2011
3. Краен пласман Тур де Свис
1. Етапа 6
8. Краен пласман Џиро д’Италија
2013
10. Краен пласман Трка околу Алберта
2014
1. Jersey blue.svg Краен пласман Арктичка трка на Норвешка
7. Краен пласман Тур де Лангкави
2015
5. Краен пласман Тур де л’Ен
7. Краен пласман Џиро д’Италија
7. Краен пласман Трка околу Британија
10. Класик Волта Лимбург
2016
4. Краен пласман Џиро д’Италија
5. Краен пласман Тур де Јоркшир
2017
3. Краен пласман Тур де Свис
5. Краен пласман Тур де л’Ен
7. Краен пласман Волта а Каталуња
8. Краен пласман Волта а ла Комунитат Валенсијана
9. Краен пласман Вуелта а Еспања
2018
4. Краен пласман Вуелта а Еспања
5. Краен пласман Тур де Франс
Jersey red number.svg Награда за борбеност на етапа 12 на Тур де Франс
6. Краен пласман Тур де Романди
7. Краен пласман Вуелта а Андалусија
8. Краен пласман Волта а Каталуња
8. Краен пласман Тур де Свис
9. Класика де Сан Себастијан
2019
3. Краен пласман Вуелта а Андалусија
5. Краен пласман Волта а Каталуња
6. Краен пласман Тур де Романди

Распоред на резултатите на етапните трки[уреди | уреди извор]

Распоред на резултатите на големите трки
Голема трка 2010 2011 2012 2013 2014 2015 2016 2017 2018 2019
Jersey pink.svg Џиро 18 8 26 СО 7 4 СО
Jersey yellow.svg Тур 33 15 21 5
Jersey red.svg Вуелта 41 СО 9 4
Распоред на резултатите на етапните трки
Етапна трка 2010 2011 2012 2013 2014 2015 2016 2017 2018 2019
Jersey yellow.svg Париз-Ница 76 21 38 СО
Jersey blue.svg Тирено-Адријатико 21
MaillotVolta.png Волта а Каталуња 71 14 СО СО 15 39 7 8 5
Jersey yellow.svg Трка околу Баскија СО
Jersey yellow.svg Тур де Романди 41 21 6 6
Jersey yellow-bluebar.svg Критериум ди Дофине
Jersey yellow.svg Тур де Свис 3 8 44 27 3 8

СО = се откажал; — = не учествувал

Наводи[уреди | уреди извор]

  1. Рајан, Бери (26 мај 2016). „Giro d'Italia: Kruijswijk faces final offensive in the Alps - Preview“. cyclingnews.com. конс. 14 мај 2017. 
  2. Cheery Christmas for ambitious Team Jumbo-Visma“, „Џамбо-Висма“, Team Oranje Road BV, 21 декември 2018 (посет. 4 јануари 2019 г).
  3. http://www.procyclingstats.com/race.php/Giro_d_Italia_2015?id=Giro_d_Italia_2015
  4. http://www.procyclingstats.com/race/Giro_d_Italia_2015_Mountains_Classification
  5. „Kruijswijk moves into Giro d'Italia pink as Chaves wins stage 14 and rivals lose time“. 21 мај 2016. 
  6. http://www.skysports.com/cycling/news/15264/10291101/giro-ditalia-steven-kruijswijk-extends-lead-on-stage-15-time-trial
  7. „Valverde victorious as Nibali nosedives in stage 16“. 24 мај 2016. 
  8. „Giro d'Italia: Kruijswijk angry and defeated after crash costs him the pink jersey“. 
  9. „With broken rib, Kruijswijk's Giro in doubt“. 27 мај 2016. 
  10. „Vincenzo Nibali all but wins the Giro d'Italia with dominant ride on stage 20“. 28 мај 2016. 
  11. http://www.skysports.com/cycling/news/15264/10299398/steven-kruijswijk-admits-he-will-look-back-on-giro-ditalia-with-regret
  12. „Kruijswijk extends with LottoNL-Jumbo for two more years“. 

Надворешни врски[уреди | уреди извор]