Старо Село (Тетовско)

Од Википедија — слободната енциклопедија
Старо Село
Старо Село во рамките на Македонија
Старо Село
Местоположба на Старо Село во Македонија
Старо Село на карта

Карта

Координати 42°9′11″N 21°8′3″E / 42.15306° СГШ; 21.13417° ИГД / 42.15306; 21.13417Координати: 42°9′11″N 21°8′3″E / 42.15306° СГШ; 21.13417° ИГД / 42.15306; 21.13417
Општина Јегуновце
Население 185 жит.
(поп. 2021)[1]

Шифра на КО 28077
Надм. вис. 738 м
Старо Село на општинската карта

Атарот на Старо Село во рамките на општината
Старо Село на Ризницата

Старо Село — село во Општина Јегуновце, во областа Долни Полог, во околината на градот Тетово.

Географија и местоположба[уреди | уреди извор]

Селото се наоѓа во северниот дел на областа Долни Полог, оддалечено 25 километри северно од Тетово. Западно од селото се издига Шар Планина.

Историја[уреди | уреди извор]

Селото се споменува во османлиските даночни регистри на немуслиманското население од вилаетот Калканделе од 1626 - 1627 година и е забележано како село Истаросел со 54 домаќинства.[2]

Во XIX век, Старо Село било село во Полошката нахија во Тетовската каза на Отоманското Царство.

Стопанство[уреди | уреди извор]

Население[уреди | уреди извор]

Семејство од Старо Село во почетокот на XX век
Население во минатото
ГодинаНас.±%
1948412—    
1953428+3.9%
1961424−0.9%
1971454+7.1%
1981538+18.5%
ГодинаНас.±%
1991407−24.3%
1994230−43.5%
2002217−5.7%
2021185−14.7%

Според статистиката на Васил К’нчов („Македонија, Етнографија и статистика“) од 1900 година, во Старо Село живееле 215 жители, сите Македонци.[3] Според секретарот на Бугарската егзархија Димитар Мишев, во 1905 година во Старо Село имало 240 Македонци, патријаршисти.[4]

Според Афанасиј Селишчев, во 1929 година Сиричино било село во Рогачевска општина и имало 33 куќи си 296 жители, сите Македонци.[5]

Според германска карта издадена во 1941 година, а заснована на пописот на Кралство Југославија во 1931 година, селото имало 300 Македонци.[6]

Старо Село е средно по големина село, коешто имало 424 жители во 1961 година, додека во 1994 година 230 жители, македонско население.

Според пописот на населението на Македонија од 2002 година, селото има 217 жители, од кои 212 Македонци и 5 Срби.[7]

Според последниот попис од 2021 година, во селото живееле 185 жители, од кои 169 Македонци, 6 Срби, 3 останати и 7 лица без податоци.[8]

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 215 240 412 428 424 454 538 407 230 217 185
Извор за 1900 г.: Македонија. Етнографија и статистика.[9]; за 1905 г.: La Macédoine et sa Population Chrétienne.[10]; за 1948-2002 г.: Државен завод за статистика на РМ.[11]; за 2021 г.: Државен завод за статистика на РМ.[12]

Родови[уреди | уреди извор]

Старо Село е македонско село.

Според истражувањата од 1948 година, родови во селото се:

Родови во селото се:

  • Јањовци (20 к.), староседелци. Се делат на Богојевци, Кировци, Синадиновци и др. Имаат иселеници во Јегуновце, Жилче и во Бугарија (едно семејство).
  • Вељановци (20 к.), староседелци. Имаат иселеници во Беловиште и во Тетово (едно семејство, таму изумреле).
  • Бошкоќевци (7 к.), Староседелци. Имаат иселеници во Ратае (Исајлоски) и во Тетово, али таму изумреле.
  • Караџини (1 к.), староседелци.
  • Краговци (2 к.) доселени се од соседното сега албанско село Орашје. Во Орашје живееле двајца браќа Краго и уште еден на кого не се сеќаваат како се викал. Овој вториот брат во Орашје преминал на ислам, од него сега таму е родот Кулаш (18 к.). Краговци во Старо Село се сметаат за стари доселеници. Имаат иселеници во Јегуновце[13]

Општествени установи[уреди | уреди извор]

Цркви

Самоуправа и политика[уреди | уреди извор]

Избирачко место[уреди | уреди извор]

Во селото постои избирачкото место бр. 2130 според Државната изборна комисија, сместени во просториите на основното училиште.[16]

На претседателските избори во 2019 година, на ова избирачко место биле запишани вкупно 216 гласачи.[17]

Културни и природни знаменитости[уреди | уреди извор]

  • Градиште, населба од неолитското време. Северно од селото, во правецот на селото Рогачево, по површината се среќаваат фрагменти од керамички садови, куќен лепеж и орудија од камен и кремен.
  • Дубје, некропола од римското и доцноантичкото време. На јужната периферија на селото, на една од мала височинка се откриени гробови. При заштитните археолошки ископувања извршени во 1982 година се најдени бронзени монети, токи и друго. Наодите се чуваат во Музејот на тетовскиот крај
  • Цветков Рид, населба од доцноантичкото време. Југоисточно од селото, под асфалтниот пат, на голема површина се среќаваат фрагменти од керамички садови , питоси, тегули и множтво градежен материјал.

Редовни настани[уреди | уреди извор]

Личности[уреди | уреди извор]

Личности родени во Старо Село:

Култура и спорт[уреди | уреди извор]

Од Старо Село започнуваат и водат планинарски патеки кон врвот и планинарскиот дом Љуботен, а исто така од тука започнува и патеката по трасата на „Првата - Западна македонска трансверзала“.

Иселеништво[уреди | уреди извор]

Од ова село иселеници има во Жилче (Данајловци 3 к.), Јегуновце (Ѓуклевци 1 к.), Ратае (Исајловци), итн. Иселеници има и во Тетово и Бугарија.

Наводи[уреди | уреди извор]

  1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. Турски извори за българската история, т. VII, София 1986, с. 335
  3. Кънчов, Васил. „Македония. Етнография и статистика“, София, 1902, стр. 211.
  4. Brancoff, D.M. "La Macédoine et sa Population Chrétienne". Paris, 1905, pp.122-123.
  5. Селищев, Афанасий. „Полог и его болгарское население. Исторические, этнографические и диалектологические очерки северо-западной Македонии“. - София, 1929, стр.23.
  6. „200K Volkstumskarte Jugoslawien“.
  7. Попис на населението, домаќинствата и становите во Република Македонија, 2002 - Книга X
  8. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
  9. К’нчов, Васил. „Македонија. Етнографија и статистика“. Софија, 1900
  10. Brancoff, D.M. „La Macédoine et sa Population Chrétienne“. Paris, 1905.
  11. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  12. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  13. Трифуноски, Јован (1976). Полог. Белград: САНУ. стр. 295–296.
  14. „Црквите и манастирите во Тетовското Архиерејско Наместништво“. Архиерејско намесништво Тетово. Посетено на 2010-04-29.
  15. „Празникот посветен на Свети Спиридон Чудотворец го прославија жителите на Старо Село“. Кисс Тв. 25 декември 2008. Архивирано од изворникот на 2016-03-04. Посетено на 2010-11-05.
  16. „Описи на ИМ“. Архивирано од изворникот на 2023-08-17. Посетено на 3 ноември 2019.
  17. „Претседателски избори 2019“. Архивирано од изворникот на 2019-12-29. Посетено на 3 ноември 2019.

Надворешни врски[уреди | уреди извор]