Станко Павлески

Станко Павлески
Роден	14 јануари 1959 Ерековци Прилепско, СФРЈ
Националност	Македонец
Занимање	вајар

Станко Павлески (роден на 14 јануари 1959 година во село Ерековци Прилепско) — македонски скулптур и универзитетски професор.

Животопис

Станко Павлески дипломирал на ФЛУ во Скопје (1984), каде што денес е професор. Магистрирал на Академијата за ликовни уметности во Белград (1992). Првото самостојно издание на Павлески е „Ненапишана книга до посредувачот“ (од 2002), дело со кое започнала и целата серија тематски проекти насловени „Кино Напредок – Трилогија провинција“ (реализирани во периодот 2002-2005 заедно со вајарот Томе Аџиевски), во кои се занимава со критика на уметничкиот систем и на критичарите на уметноста. Дел од тој долгогодишен проект е и второто самостојно издание, големата „Книга над кориците – Моја антологија: Македонската уметност и критика 1954-2004“ (од 2004).

Од 2006 до 2009, заедно со Томе Аџиевски и Јован Шумковски реализирал уште една серија изложби во Париз (2006), Њујорк (2007 и 2008) и Александрија (2009) под заеднички наслов „Проекција Балкон“, каде главно се занимавал со критика на глобализмот и со релациите на Македонија со овие земји и култури. Книгата „Јас Птоломеј МКД и Н.В. Ништото“ (издадена во 2009) се смета за едно од најконтроверзните изданија на Павлески.

Изложби

• Самостојни изложби:
  • 2007 година: Нови Сад (Србија), Мали Ликовни Салон
  • 2006 година: Скопје, Музеј на современа уметност, Скопје/Мала Станица (заедно со Т. Аџиевски)
  • 2003 година: Скопје, Јавен културен центар ТОЧКА (заедно со Т. Аџиевски)
  • 2000 година: Букурешт (Романија), Музеј на Романската литература
  • 1998 година: Скопје, Музеј на Град Скопје
  • 1997 година: Њујорк (САД), La MaMa Gallery (заедно со Ж. Вангели)
• Групни изложби
  • 2006 година: Скопје, „Широко отворени очи“, Национална галерија; Хамбург (Германија), Кампнагел
  • 2005 година: Скопје, „Дијалози – Македонската уметност денес“, Национална галерија; претходно излагана во Подгорица (СЦГ), Париз (Франција), Рим (Италија),
  • 2003 година: Скопје, „Концептуален дискурс“, Музеј на современа уметност, Скопје
  • 2002 година: Скопје, „Опасни врски“, Музеј на современа уметност, Скопје; Охрид, Куќа на Робевци и Уранија