Српски поговорки

Ова е список на српски поговорки. Овој список не е целосен и може да подлегне на додатни проширувања. Во прилог следуваат поговорките.

Поговорки

• Жив човек сè ќе направи.
• Жали ме жив, а немој мртов.
• Живеј просто, ќе доживееш и сто.
• Сè во свое време.
• Секој човек човек има свои маки.
• Тешко на оној кого го жалат.
• Подобро чесно да се умре, отколку нечесно да се живее.
• Смртта е измамничка.
• Долг јазик, краток живот.
• Царот може многу, а смртта уште повеќе.
• Смртен бил, па и умрел.
• Богатството не ја брка смртта.
• Не е лесно душата да ја испуштиш.
• Чесната смрт го прославува целиот живот.
• Кога е мака, тогаш и се кука.
• Овој век - како снег.
• Младиот може, а стариот мора да умре.
• Без здравје нема богатство.
• Чистотата е половина здравје.
• Додека човекот е здрав, и водата му е слатка.
• Весело срце - половина здравје.
• Кој ја крие болеста, му нема лек.
• Болниот се прашува, а на здравиот му се дава.
• Кој е здрав, не ги брои годините.
• Ѕидот го урива влагата, а човекот грижата.
• Здравиот на болниот не му верува.
• Оцетот најмногу го гризе своето буре.
• Секоја кашлица не доаѓа од студот.
• Здравите заби се белег на длабока старост.
• Паднала мувата на мечката.
• Кратка вечера, долг живот.
• Не можат сите рани да се лечат со еден мелем.
• Р'ѓата го јаде железото, а тагата срцето.
• Кашлицата и сиромаштијата не можат да се сокријат.
• Најлошо е болен оној кој не чувствува каде го боли.
• Здравјето лесно се губи, но тешко се добива.
• Лесно му е на здравиот да го советува болниот.
• Нема полоша болест од гладот.
• Жени го синот кога сакаш, а девојката мажи ја кога можеш.
• Плаче огнот, се родила девојка.
• Од првата среќа не се бега!
• Цигу-мигу за три дена, куку леле до века!
• Жешки се мајчините солзи.
• За омажената ќерка и за продадената куќа има многу муштерии.
• Фали му се на туѓинецот, а на својот пожали му се.
• Ни вода ни вино.
• Чуму ти е нивата кога род не дава?
• Хранителот е како родител.
• Иверката не паѓа далеку од огништето.
• Ниту јас не сум репа без корен.
• Човекот сака да е подобар од секого, а од синот да е полош.
• Не носи несој во сој.
• Колку што има бели врани, толку има добри маќеи.
• Не стои куќата на земјата, туку на жената.
• На пушката, на коњот и на жената не треба да им се верува.
• Помогни му боже на неженетиот, а на оженетиот има кој.
• Кој нема сокол, се радува и на кукавица.
• Жената ќе ја сочува само онаа тајна која не ја знае.
• И змијата е убава, ама е лоша.
• И браќата се караат.
• Од лош род нека нема пород!
• Раните птици одлетуваат.
• Валканата облека дома се пере.
• Нема куќа без лош домаќин.
• Ако ја тепаш жената, ја тепаш својата среќа.
• Без жената нема ни среќа ни несреќа.
• Брак без деца, ден без сонце.
• Јаболкото што ќе созрее доцна, долго стои.
• Од самотијата нема ништо полошо.
• Тешко на оној кој се жени со очите, а не се жени со ушите.
• Тешко на куќата со млад старешина, а на овците со стар овчар.
• Од туѓата свеќа мене не ми се гледа.
• Лоша куќа, вечен затвор.
• Кајшто нема жена, нема ни куќа.
• Жените се да зборат, а мажите да творат.
• Жена, оган, море, не се знае што е полошо.
• Жената е мака без која не се може.
• Никој не е помил од мајката.
• Своја куќичка, своја слободичка.
• Мали деца, мала грижа, големи деца, голема грижа.
• Куќниот праг е највисоката планина.
• Додека детето не заплаче, мајката не го сеќава.
• Што прават децата? Тоа што го гледаат од таткото.
• Гледај ја мајката, па земи ја ќерката.
• Кај стар татко, сироти деца.
• Мајката тепала, мајката мила.
• Во најголемата неволја, човекот најпрвин мајката ја споменува.
• Очите се прозорец на срцето.
• Додека цути липата, преполна е со пчели.
• Ловците се за да ловат, а потполошките за да бегаат.
• Љубовта е почеток и на доброто и на злото.
• Љубовта е убава, ама слепа.
• Зајакот од шумата и љубовта од луѓето не излегуваат никогаш.
• Надвор од очите, надвор од срцето.
• Љубовта е полна и со мед и со јад.
• Слободната коза волкот ја јаде.
• Со мек образ, стомакот до носот.
• Стариот трупец повеќе гори кога ќе се запали.
• Пчелата не збира мед од еден цвет.
• Подобро е во колиба да пееш отколку во дворец да плачеш.
• Млад ерген, стар просјак.
• На младата вдовица и на старата девојка и садовите по куќата им пречат.
• Повеќе ја сака туѓата р'ѓа отколку својот мед.
• Од каде што е жената, оттаму и говедата се мили.
• Пријателите се познаваат во невоја, како златото во огнот.
• Гради куќа на секое место.
• Потешко е пријателството да се задржи отколку да се започне.
• Со кого се тепам, со него вино не пијам.
• Не дава оној што има богатство, туку оној што има срце.
• Кај сто пријатели - без пријател.
• Еден, ама вистински пријател.
• Кој му простува на непријателот, добива пријател.
• Лутиот човек не го задржува пријателот.
• На најмилиот гостин - три дена му се доволно.
• Како што влече срцето, така плачат очите.
• Туѓата кокошка изеди ја, својата врзи ја за ногата.
• На подарениот коњ не му се гледаат забите.
• Секому својата песна му е мила.
• Додека има мед, ќе има и муви.
• Кај стариот крвник нема нов пријател.
• Не дај боже со погани да се спријателиш.
• И бог ќе ни прости, а Турците нема да нè разберат.
• Не барај пријател на трпезата, туку на вратата од затворот.
• Некому мајка, некому маќеа.
• И кога ќе се излечи раната се познава белег.
• Кој бара пријател без маана, ќе остане без него.
• Зборот сече како меч.
• Човекот не се жали толку од непријателот колку од пријателот.
• Будалиот на подарокот му се радува.
• Понуден исто како почестен.
• Најголема чест е добрата волја.
• Убав збор и грст слама - доволно е.
• Одбрани ме, боже, од лудите пријатели, а од непријателите сам ќе се одбранам.
• На неповиканиот гостин, местото му е крај вратата.
• Ситиот гостин тешко е да се почести!
• Никој не може да ти помогне кога самиот си свој непријател.
• Ниту во морето мера, ниту во мажот вера.
• Слогата во семејството е најголема среќа.
• Никогаш слогата не изгубила.
• Тешко на домот во кој нема слога.
• Кајшто нема слога, таму нема куќа.
• Инаетот е несреќен занает.
• Кај што има неслога не помага задругата.
• Без слога нема слобода.
• Сложни браќа и во петок јадат месо.
• Збор за збор, па за вратовите.
• Шепотот куќата ја урива.
• Договорот куќа гради.
• Се карале жените за туѓото теле.
• Од слободата нема поголемо добро на светот.
• Секоја земја по еден јунак храни.
• Човекот без слобода е како рибата без вода.
• Во борбата живот, а во работата спас.
• Стравот и куциот го крева на нозе.
• Без жртви нема слобода.
• Човекот е потврд и од дрво и од камен.
• Еднаш се раѓа, еднаш се умира.
• Во неволја не треба да се плаче, туку лек да се бара.
• Кога е војна, никој никому не му е брат.
• Златен синџир слобода не дава.
• Кој сака војна, нека ја има дома!
• Војната е како облак, некого оросува, а некого покосува.
• Стапот има два краја.
• Со глава ѕид не се пробива.
• Секоја мака не е до века.
• Јунаковата мајка најпрвин заплакува.
• Искрата прави голем оган.
• Најмногу луѓе умираат в кревет, а од креветот никој не се плаши.
• Света е одмаздата.
• На непријателот кој бега прави му широк пат.
• Лесно е покрај чашата да се биде јунак.
• По битката, копјето в трње.
• Покорната глава сабја не ја сече.
• Кој многу се заканува, од него не плаши се.
• Лесно е со туѓи раце за жешко железо да се фаќаш.
• Не се гине повеќе од еднаш.
• Кој многу се плаши од ветрот, нека не оди на море.
• Каде има јунаци - лелекање; каде има девојки - таму пеење.
• На маката се познаваат јунаците.
• Мртвиот лесно можеш да го исечеш.
• И пчелата, бранејќи го своето, животот го губи.
• Златото во огнот се испробува, а човекот во неволјата.
• Подобро е чесно да се умре, отколку срамно да се живее.
• Никогаш и никаде утката не испилила сокол.
• Стојановата мајка плаше, а Бегановата се радува.
• Нема одмазда без луд брат.
• Кој се мачи, тој ќе се измачи.
• Нема волк по кого не лаат кучињата.
• Страшливецот се заканува, сиракот колне, а слабиот плаче.
• Плашливиот пес многу лае.
• Од мирот глава не боли.
• Добриот јунак не умира дома.
• Нема јунак без опинок.
• Нема полза од мртов јунак.
• Мртвиот орел не може да лета.
• Младите во битката, а старите во советот треба да се слушаат.
• Страшливецот дома си доаѓа.
• Кој самиот се советува, самиот и гине.
• Тешко на светот кога лудите ќе се појуначат.
• Тешко земјата по која ќе помине војска.
• Стекна слава, а загуби глава.
• Роб секогаш, гроб никогаш.
• Подобро гроб отколку роб.
• Војната еден обогатува, а илјада упропастува.
• Во стравот се големи очите.
• Од две смрти никој не гине.
• Истепаниот пес и од најмалиот камен се плаши.
• Железото сече и дрво и камен, а и него р'ѓата го јаде.
• Кој сака да живее во мир, треба да молчи и да трпи.
• Пред да се смири ветрот, тогаш најсилно дува.
• И глув и слеп треба да бид еоној кој сака да живее во мир.
• Кој сече со меч, од меч гине.
• Не му е грижа на орелот што јато врапци вика на него.
• Лавицата раѓа едно, ама лав.
• Бесен јунак - крвав нос.
• Ако е гол, ама е сокол.
• Стравот нема образ.
• На песот што бега секој му вика.
• Од изобилство светот не гине.
• Еден мртов стотина живи плаши.
• Од полната пушка се плаши еден човек, а од празната двајца.
• Правдата ќе исплива.
• Над силата, силата е правда.
• Двајца без душа, а третиот без глава.
• Од кантарот подобар кадија нема.
• Чија е силата, негова е правдата.
• Одземено - проклето.
• Никој не може себеси да си биде судија.
• Со една рака дава, а со две зема.
• Виновникот и од сенката се плаши.
• Мртвата уста не зборува.
• Да беше паметта од судот како што беше до судот!
• Правдата одамна погинала.
• Лесно е вината на мртвиот да му се префрли.
• Една штета, илјада гревови.
• Во правото дрво громот повеќе пука.
• Секој сака правда, ама не во својата куќа.
• Ако знаеш што ти било, не знаеш што ќе ти биде.
• Ако можам да ти купам капа, не можам памет.
• Изгорениот кашата ја лади.
• Лошо е кој не знае, а не сака да научи.
• Од невештиот и гората плаче.
• На туѓата будалштина се смееме, а од својата не се срамиме.
• Блазе си му она оној што нема памет.
• Добра е замислената, но уште подобра размислената.
• Додека стебленцето е тенко треба да се исправува.
• Целата мудрост не е во еден човек.
• Слушај го мудриот збор на постариот.
• Со будалата нема шега.
• И мудрите некогаш грешат.
• Подобро е да се умее отколку да се има.
• Паметниот мисли што зборува, а лудиот зборува што мисли.
• Подобро е да имаш во главата отколку во сандакот.
• Утрото е помудро од вечерта.
• Подобро е да измериш, па да кроиш.
• На волкот не треба шумата да му ја покажеш.
• Младите волови учат да ораат од старите.
• Со мера мери, а со цена цени.
• Коњите се мерат со педи, а луѓето со паметта.
• Без мака нема наука.
• Маката и неволјата го учат човекот.
• Базе си му на оној кој ќе се опамети од туѓата штета, а тешко на оној кој мора од својата.
• Полека, но сигурно.
• Додека мудрите се надмудруваа, дотогаш лудите се наижуваа.
• Слепецот за патот и будалата за совет не треба да се прашува.
• Човекот учи додека е жив, па повторно луд умира.
• Додека детето не падне, не може да научи да оди.
• Ако знаеме каде сме се родиле, не знаеме каде ќе умреме.
• Тешко на нозете под лудата глава.
• Каде што има многу смеа, има малку памет.
• И луѓето послушај ги, и својта памет имај.
• Оној е мудар кој умее да биде и луд и паметен.
• Испечи па речи.
• Кој оди полека, далеку стигнува.
• Кој прашува за патот, не заскитува.
• Остарел, а памет не стекнал.
• Кој нема во главата, има во нозете.
• Пет занаети, десет неволји.
• Тоа го знае и пијаната врана.
• Кој многу зборува - или многу знае или многу лаже.
• Тоа за него се шпански села.
• Не знаеш, мајко, колку е тешко дете да родиш.
• Кој умее, нему две.
• Јас умеев а немав; ти имаше а не умееше - исто е.
• Кој многу искусил, многу и препатил.
• Кој многу ги менува мајсторите, ќе остане калфа.
• Лесно е мудрите да ги советуваш.
• Тешко на оној кој оди по туѓата памет.
• Кога главата е луда, целото тело страда.
• Еден човек не може сè да знае.
• Ни стар бербер ни млад лекар не барај.
• Лета како ждребе пред рудата.
• Забите се граница на јазикот.
• На очите треба повеќе да им се верува од ушите.
• Однеси го магарето во Стамбол - магарето пак е магаре.
• Лесно е плитка бара да заматиш и будалата да го налутиш.
• Нагаѓањето не е погаѓање.
• На мудрата глава едно око ѝ е доволно.
• Слепиот слепецот го води, па двајцата во јамата.
• Лудиот со свеќа не се бара.
• Знам јас на која нога куцам.
• Мудрост е да се трпи она што е за трпење.
• Празното буре повеќе ѕвечи.
• Пократкиот пат колата ја крши.
• Во таа грмушка лежи зајакот.
• Кој ќе му украде на крадецот?
• Кој искусил, знае другите да ги советува.
• Не врзувај го туѓото ѕвонче на својот овен.
• Не се прашува каде седнал, туку како зборувал.
• Старата лисица се чува од железото.
• Кога будалата молчи, луѓето мислат дека е паметен.
• Да можеше човекот да се роди двапати, секој ќе беше паметен.
• Ништо поцрно од лошата памет.
• Бројот чува сè.
• Никој учен не се родил.
• Знаење - имање.
• Мудрата бубачка преде свила, а не пајажина.
• Младата крв вели „да скокнеме“, старата „да седнеме“.
• Човекот има само една пролет.
• Да се ожениш млад рано е, а стар доцна е.
• Веселата младост е најголема радост.
• Младото дрво се витка, а старото се крши.
• Кај стариот глава, кај младиот снага.
• И на стариот волк му е мило јагненце да задави.
• Ќе те праша староста каде ти помина младоста.
• Стариот боледува, младиот не му верува.
• Стариот Влав не може да се потурчи.
• Стариот човек не го прашуваат што те боли, туку каде не те боли.
• Никој не ја сака староста.
• Старото дрво не се исправа.
• Не стареат годините, туку деновите.
• Староста е болест од која секој умира.
• Младоста предлага, староста одлага, средината извршува.
• Лошото говедо јунец до века.
• Младите жени браќата ги делат.
• Младото да го бакнеш и богатиот да го украдеш не е грев.
• Младата утроба плод дава.
• Младо - лудо.
• Младост - радост.
• Држи сè до старото вино и стариот пријател.
• Кога стариот пес лае треба да се види што е.
• Староста и сонот нè привикнуваат на смртта.
• Кој не го сака братот за брат, тој ќе го добие туѓинецот за господар.
• Секаде помини, но дома дојди си.
• Секоја птица во своето јато лета.
• Оној што го молиш не треба да го лутиш.
• Двајца лоши го совладаа Милош.
• Вчера везир денес резил.
• Оној што слуша секого, лошо прави; оној што не слуша никого, уште полошо.
• Со својот јади и пиј, но не тргувај.
• Никој без маана не се родил.
• Најширокото и најдолгото поле е меѓу човекот и нечовекот.
• Тешко на овцата што се отуѓува од своето стадо.
• Во туѓото око гледа сламка, а во своето греда не гледа.
• Не може да му се погоди на светот.
• Враната не ѝ копа очи на враната.
• Кога си во орото, треба да играш.
• Најтешко е да се биде човек.
• Ако не можеш да ми помогнеш, не ми одмагај.
• Општата мака не е тешка.
• Кој падне сам нека не го обвинува другиот.
• Дрвтото се потпира на дрво, а човекот на човек.
• Без друштво нема јунаштво.
• На немото дете ни мајката не може да му помогне.
• Прво погледни се себеси, а потоа другите.
• Најпрвин пред својата куќа исчисти.
• Никому не му пишува на челото што е во него.
• Никогаш не жали му се на оној што не страда како тебе.
• Прво купи го соседот, па потоа куќата.
• По мене, ако сака гората нека роди бисер.
• Додека на еден не му се стемни, на друг не му се разденува.
• Крвта не е вода.
• Најдобриот разговор е со гусли.
• Колку одиш повисоко, толку гранката е потенка.
• Својот леб го јаде, туѓата грижа ја гледа.
• Каде што нема мачка, таму глувците оро водат.
• Во какво оро ќе се влета, таква песна се пее.
• Во орото кога сакаш, од орото кога ќе те пуштат.
• На другите прави им го она што сакаш тебе да ти прават.
• Не кажувај сè што знаеш, не прави сè што можеш, не верувај во сè што ќе чуеш.
• Тој би ја дал и крвта под грлото.
• Кроткото јагне од две мајки цица.
• Човекот не е јаболко за да го помирисаш.
• Без луѓето нема живот.
• Од еден камен не се прави град.
• Во своето јато, гулабу!
• Подобро гледаат четири очи отколку две.
• Луѓето се густо посеани, а ретко никнуваат.
• Во туѓата рака парчето секогаш е поголемо.
• Туѓата коза има повеќе лој.
• И злото и доброто – до луѓето.
• Ничија заслуга ни добрина не треба да се гази.
• Тешко на агата кого го фалат кметовите.
• Облеката не го прави човекот.
• Кој ќе тргне по туѓата волна, самиот дома истрижен се враќа.
• Кој се крие од луѓето, подобро да го нема.
• На високите смреки виорот врвовите им ги крши.
• Нема потешко бреме од лошиот сосед.
• Кого не го познаваш, гледај со кого се меша.
• Каде и да се состанат луѓето, ги оценуваат другите, а не себе.
• Отсекогаш посилниот го кршеле.
• Лицето девојката ја мажи.
• Лицето не ги крие годините.
• Убавата жена ретко е чесна.
• Каде си видел убава баба и мирно дете?
• Убавото секому му е мило.
• Убавите орото го водат, а грдите куќата ја водат.
• Убавиот збор железна врата отвора.
• И на трупецот стави му костум – ќе биде убав.
• Не се живее од убавината, туку од добрината.
• Богат е оној што не е должен, а малд е оној што е здрав.
• Богат е оној што не бара од другите.
• Богатиот јаде кога сака, а сиромашниот кога може.
• Тешко е ситиот да го нагостиш, а богатиот да го даруваш.
• Богатството никогаш не е сито.
• Голиот не може да се соблече.
• Во празна куќа ни кученцето не сака да влезе.
• Просјаците не раздаваат.
• Сиромавиот нема никаде пријател.
• Голем град – голем глад.
• На гладниот не треба да му проповедаш, туку да му дадеш да јаде.
• Сиромаштијата нема родбина.
• На сиромашниот лесно можеш да му помогнеш, но тешко можеш оној кој бил богат, па пропаднал.
• Се најаде како сираче на задушница.
• Сеното нека ни роди, а житото некаде ќе роди.
• На срамежливиот слепец торбата му е празна.
• Кога има добра волја, има сè.
• Ако не сака Божиќ каша, тогаш децата сакаат.
• Кога има леб, нема сол, кога има сол, нема леб.
• Гладниот го разбира гладниот.
• На гладниот пес и дивјачките му се слатки.
• Жедниот и матна вода пие.
• Просјакот има златен занает – шест дена лежи, а седмиот пред црквата седи.
• Од празната куќа и глувците бегаат.
• Ситиот не му верува на гладниот.
• Каде што е тенко таму се кине.
• Сиромаштијата не е срамота.
• Не е богат оној што има, туку оној што бара малку.
• Гладот нема очи.
• На ситиот стомак ни добриот леб не му чини.
• Залудно царот ми е роднина, кога јас сум просјак.
• Што ако градот чини динар, кога немам динар.
• Гозбата на сиромасите секогаш се претвора во пеење.
• Нека се знае чија куќа е мрсна.
• Додека има луѓе ќе има и капи.
• Нуждата не купува, туку продава.
• Окото на господарот коњот го гои.
• Повеќе вреди жената што ќе заштеди отколку мажот што ќе заработи.
• Со туѓи раце лесно е змии да фаќаш.
• Ситата мачка глувци лови, а гладната краде по куќата.
• Најтешко е да се започне.
• Кој се плаши од работата, тој живее во беда.
• На добриот слуга што и да му дадеш, малку е, а на лошиот што и да му дадеш – многу е.
• За завршената работа нема приговор.
• Железото се кова додека е жешко.
• Загради плитко, а посеј ретко; загради ниско, па ајде веднаш на пазар по жито.
• Кој се надева во другиот, слаба му е надежта.
• Кокошката што многу кокодака, малку јајца носи.
• Јас со окото, тој со скок.
• Волците не јадат месо по порачка.
• Занаетот е секојдневна добивка.
• Зрно по зрно – погача, камен по камен – палата.
• Ретко знае добро да стопанисува оној кој никогаш не служел.
• На туѓите плеќи лесен е товарот.
• Не се гои прасето пред Божиќ.
• За тврдото дрво треба и тврд клун.
• Каде што многу се зборува, малку се работи.
• Кај ковачот најлоша секира.
• Не сонувај колку што не можеш да исткаеш.
• Оној што секогаш започнува, никогаш не завршува.
• Теле за теле, иако не е шарено.
• Дај со рацете, а барај со нозете.
• Уште двата краја и средината, па сè е готово.
• Изгубеното време тешко се надоместува.
• Кај земјоделецот црни раце, ама бела погача.
• Кој не градел куќа и не мажел ќерка, не знае што е трошок.
• Без алат нема занает.
• Мравката и пчелата нè учат како се печали.
• Мувата орала стоејќи на рогот на волот.
• Тивката вода брег рони.
• Мрзата е полоша од болест.
• Работи, па не плаши се од гладот.
• Заборавеноста е знак на мрза.
• Додека има грбови, ќе има и самари.
• Добрата овца многу не блее, ама многу волна дава.
• Ралото и мотиката светот го хранат.
• Од мрзата нема поголем товар.
• Силно е магарето, ама двајца товарат.
• Женската работа никогаш нема крај.
• Туѓата рака не печали.
• На вредната девојка брзо ѝ доаѓаат сватови.
• Еден час спиење пред полноќ е подобар од два по полноќ.
• Полесно е да се стекне отколку да со сочува.
• Нема леб без мотика.
• Кој ја гледа туѓата работа, својата ја заборава.
• Кој не умее да штеди, работата не му помага.
• И белата брада лаже, а наѓубрената нива не лаже.
• Колку што грмеше и немаше толку дожд.
• По завршената работа нема многу каење.
• Длабок е туѓиот џеб.
• Лозјето не бара молитва туку мотика.
• Бистра водичка, мирна главичка.
• Подобро сит да пиеш вода отколку гладен вино.
• Кој пие ќе се опие – кој игра на коњот ќе се убие.
• Кој многу испил, тој среќа не донел.
• Ракија никого никогаш не го направила човек.
• Кој вечера вино, тој руча вода.
• Кафето и ракијата ја растурија куќата.
• Пијаното и лудото се исто.
• Виното нема раце, ама за очи фаќа.
• Виното и мудриот го спобудалува.
• Од пијаниот и лудиот бега.
• Човекот во пиењето, а коњот во калта се познаваат.
• Ако е мажот пијаница, жената е маченичка.
• На пијаниот морето му е до колена.
• Виното и старецот го разигрува.
• Оние што не пијат ракија, не знаат што е уживање.
• Што мисли трезниот, пијаниот го кажува.
• Пијаната глава не носи барјак.
• Винце кисело – срце весело.
• Човекот се надева додека има здив во него.
• Децата се чудат на сè, а луѓето на ништо.
• Не барај ручек во Бања Лука, кога ти е во раката.
• Држам врабец, а чекам сокол.
• На оној што сака да игра, лесно му се свири.
• Никој не дава ништо за нешто.
• Пуштија мувата на дланката, таа ќе замине во брадата.
• Зајакот во шумата, а тој прави ражен.
• Подобро врабец во раката отколку сокол во планината.
• Подобро врабец во раката отколку гулаб на гранката.
• Нема пари – нема ни пазар.
• Она што не можеш да го имаш, немој да го посакуваш.
• И сите овци и волците сити, тоа не може да биде.
• Не ја чува торбата свети Никола, туку добрата врвка.
• Подобро е своето јајце отколку туѓата кокошка.
• Ние за волкот, а волкот меѓу овците.
• Кој се фали, самиот се расипува.
• Повеќе има денови од колбаси.
• И парите и јарето – не може.
• Водата и огнот се добри слуги, а лоши господари.
• До средината на зимата ни глад ни студ.
• Убава зима – сиромашна мајка.
• Нема зима додека не помине Божиќ.
• По утрото денот се познава.
• Летото ќе светне и ќе помине.
• На летната облачност и на зимската ведрина не треба да им се верува.
• Зимо, бел гулабе, имаш волчји заби.
• Сонцето секого еднакво го грее.
• Да не беше ветрот, пајаците небото би го премрежиле.
• Она што ќе го зафатат огнот, војската и водата, не може да остане.
• Тивкиот дожд подобро ја натопува земјата.
• Пролетниот снег од денес до утре.
• Пред зората не може да се раздени.
• Една ластовица не ја прави пролетта.
• Огнот со слама не се гаси.
• Шумата е најтоплата кошула.
• Есента е богата, а зимата рогата.
• Кога грми пред да капи, нема да има дожд.
• Кој сака чесно, не може лесно.
• Раката ја мие раката – образот двете.
• Сè за образот, а образот за ништо.
• Своето не го давај, а туѓото не го посакувај.
• Едно мисли, друго зборува, а трето прави.
• Потребата чесноста ја крати.
• Нуждата законот го менува.
• Злобата ја јаде душата како ‘рѓата железото.
• Туѓото невратено – непростен грев.
• Ветувањето – тешко долгување.
• Ветувањето – на лудиот радување.
• Чесниот човек лесно е да го измамиш.
• Водата може да измие сè, освен црниот образ.
• Сечие дело ќе излезе на виделина.
• Кој ѕида куќа со туѓи воздишки, во неа нема да му седат внуците.
• Најскапо е она што не е за продажба.
• Чесноста е еднаква со животот.
• На златото ‘рѓа не се нафаќа.
• ‘Рѓата не се фаќа на злато.
• Скриениот јаглен најлошо ќе те испече.
• Никој никого не може да го засрами додека самиот не се засрами.
• Нашла вреќата закрпа.
• Волот се врзува за рогот, а човекот за јазикот.
• Јазикот пресекол повеќе глави отколку сабјата.
• Ќе се најде давател, ама нема враќач.
• Најтежок товар е немирната совест.
• Неплатен долг – непростен грев.
• Готово како созлите кај жената.
• Волкот влакното го менува, ама карактерот никогаш.
• Златната облека срамот не го покрива.
• Секоја мака некое време, а срамот цел век.
• Птицата по перјето, а човекот по говорот се познава.
• Подобро добар глас отколку златен пес.
• Ако човекот не може да биде убав и богат како што би сакал, може да биде добар и чесен.
• Малку има вистинска мера и цврста вера.
• Една грижа лесно се носи, но не сто и една.
• Лагата има плитко дно.
• Лагата има кратки нозе.
• Чаша по чаша, а по чашата вистината.
• Со лажицата го залажува, а со дршката очите му ги копа.
• Кој ќе излаже еднаш, другпат не му се верува дури и да ја зборува вистината.
• На панаѓур девојка и на роса ливада никогаш не купувај.
• Раната од ножот зарастува, а од јазикот никогаш.
• Секоја шега – половина вистина.
• Не можеа, а светот го изедоа.
• И ѕидот има уши, и плотот има очи.
• Не постои тајна која не се дознава.
• Не постои волк по кој не лаат кучињата.
• Во доброто е лесно да се биде добар.
• Доброто лесно се заборава, а лошото никогаш.
• Секому добар, а себеси најлош.
• За еден добар ден многу лоши се претрпуваат.
• Лоша сум, лошо ми е!
• Лошо правел, полошо дочекал.
• Покрај сувото и суровото дрво ќе изгори.
• Во секое жито има плевел.
• Бркајќи ја лисицата, го избркал волкот.
• Секој човек е добар кога му е добро.
• Добриот глас далеку се слуша, а лошиот уште подалеку.
• Прави добро, не кај се, прави лошо, надевај се.
• Подобро е од половина пат да се вратиш отколку по лошиот до крај да одиш.
• Од лошото ждребе многупати добар коњ излегува.
• Сребреното седло не го прави коњот добар.
• Добрата овца малку блее, но многу млеко дава.
• Полош е женскиот јазик отколку турската сабја.
• Кој е лош дома, на пат е уште полош.
• Добрата стока сама се продава, а девојката сама се мажи.
• Кој им простува на лошите, им наштетува на добрите.
• Инаетот е лош занает.
• По секој дожд сонце грее.
• Орото се врти наоколу.
• Да правиш лошо и да се надеваш на добро не е можно.
• Злото со зло се брка.
• Кој прави зло, ќе го дочека.
• Кој не го знае, скапо би го платил.
• Злото нема да донесе добро.
• На јазикот мед, а на срцето јад.
• На човекот направи му стопати добро, а еднаш не направи му – сè е заборавено.
• Ако ти е срцето како говорот, добар си.
• Од лошото полошо и од доброто подобро има.
• Што ми велиш, нека ми биде, што ми посакуваш, нека ти биде.
• Лошата трева и по каменот расте.
• Не треба бисерот пред свињите да се растура.
• Добриот коњ има сто маани, а лошиот само една.
• Додека е добар косачот, добра е и косата.
• Никој не знае што е добро, само оној кој страдал од злото.
• Косово Поле – почеток на неволјата.
• Не си бил на Косово.
• Поминал како Јанко на Косово.
• Прокопсал како турскиот цар на Сента.
• Од искра изгорела Москва.
• Би го пуштил јас него, а тој не сака мене.
• Навиката е една мака, а одвикнувањето две.
• Тешкото време го расипува обичајот.
• Ти стар, а јас млад.
• Кажи Маро, од каде ќе дојдат сватовите.
• Остана како мостот на Дрина.
• Излези сонце да ги огреам рацете.
• Времето ги прегради луѓето.
• Додека има среќа, никогаш нема да има штета.
• На несреќниот терзија иглата му се криви.
• Никој никому не може да му ја земе среќата.
• Среќната мајка децата ја закопуваат, а несреќната ги закопува децата.
• Среќниот тешко се раѓа, но лесно живее.
• Среќата никогаш не трае до крајот.
• На несреќниот никогаш не може ситно да му се сомеле.
• Несреќата не брка, туку чека.
• Кога господ дава среќа, не прашува чиј си син.
• Кога господ не дава, сè е попусто.
• Со божја помош сè се може.
• Господ е бавен, ама сè стигнува.
• Постара е божјата од царевата.
• Маката не ја зема душата, туку судниот ден.
• Многупати најдобриот пливач се дави.
• Кој се родил за бесилка, од пушка не погинува.
• Не е кому е речено, туку кому е судено.
• Нсреќен живот – долг век.
• Децата се среќа.
• Среќата суди, а паметот се труди.
• Лошата судбина го натерала орелот да зимува со кокошките.
• Од судбината никој не може да побегне.
• Средната среќа е најдобра.
• Во среќата се надева лудиот, а паметниот во својот труд.