Спортска масажа

Од Википедија — слободната енциклопедија
Прејди на прегледникот Прејди на пребарувањето

Спортската масажа е вид на масажа во која се користат специјални процедури кои имаат за цел побрза и поцелосна подготовка на спортистот за тренинг, интензивирање и продолжување на времето за тренинг и зголемување на спортската моќ. Масажата овозможува побрзо и поцелосно отстранување на било какви несакани или штетни ефекти поради зголемена физичка активност . Масажата е посочена како неопходна за сите спортови и за сите спортисти. Затоа, во сите програми за тренирање за поединечни спортисти или групи, употребата на масажа треба да се врши рационално и континуирано.

Спортста масажа и обична масажа[уреди | уреди извор]

Физиолошкото делување на спортската масажа е слична на физиолошкото делување на обичната масажа. И овде се користат класични третмани, но тие се посебено модифицирани за примена кај спортистите. Организацијата на масажата, како и условите за нејзината практика, значително се разликуваат од класичната масажа. Масажата на спортистите мора да биде прилагодена на специфичните околности на спортот, како и теренот ( соблекувална, терен, итн.), за масираниот да биде психофизички способен и активен спортист. Нему му е потребна масажата за одржување и подобрување на неговата спортска форма. Затоа, истата треба да се прилагоди на потребите за тренингот, натпреварувањата или подготовката.

Примена[уреди | уреди извор]

Примена на релаксација во спортска масажа е непотребно. Нејзината примена треба да биде на граница на нежно триење. Всушност, во спортската масажа се врши интеграцијата на ладење и триење. Триењето во оваа масажа оди кон лимфниот и венскиот систем. Најважната и најсоодветна процедура за оваа масажа е гмечење, со многу силен интензитет. Во голема мера, исто така, се користат вибрациите. Оваа масажа се карактеризира со голема амплитуда. а мала фреквенција.

Класификација на спортската масажа[уреди | уреди извор]

Масажата на спортистите треба да биде дозирана во зависност од стадиумот во кој се наоѓа спортистот, како и во зависност од индивидуалната психофизичка состојба на секој спортист. Масажата е прилагодена на различни фази, зависно од тренингот и натпреварувањата. Изборот на постапки за масажа исто така се прилагодува. Спортската масажа е вака класифицирана:

  1. Масажи за време на тренингот (во кои влегуваат):
    • општа масажа
    • специјална, делумна масажа.
  2. Претходна масажа:
    • општа претходна масажа
    • предстартна масажа, која вклучува:
    • грло масажа,
    • масажа на претстартна апатија,
    • масажа борбена готовност и
    • масажа кога се чувствувате ладно.
  3. Масажа за реставрација (дополнителна, освежувачка масажа)
    • освежувачка масажа по натпреварот
    • освежувачка масажа помеѓу рундите и
    • освежувачка масажа помеѓу етапите на натпреварот.
  4. Масажа за развивање на разни физички квалитети
    • масажа за развивање на квалитетот на издржливост,
    • масажа за развивање на квалитет на брзината и
    • масажа за развивање на квалитетот на еластичноста.

Масажа за време на тренингот[уреди | уреди извор]

Се применува паралелно со спортскиот тренинг. Таа неизбежно треба да се предвиди во планот за годишни подготовки на спортисти и спортски тимови. Главната цел на масажата за време на тренингот е максимално да го мобилизира организмот на спортистот, со цел да го олесни нејзиниот брз влез во спортската форма. Понекогаш оваа масажа, исто така, може да послужи како замена за тренинг ако тренингот е невозможен во одреден момент.

Особено ваквата масажа се применува за време на различни патувања, различни климатски услови (кога тренингот е тешко да се изведе), како и во одредени спортски и други повреди. Со еден збор, оваа масажа може да се изврши во сите случаи кога спортистот не е во можност да го заврши комплетно својот тренинг. Потоа, со масажата, всушност, се заменува тренингот и на тој начин се одржува способноста на спортистот. Ова треба да се нагласи особено затоа што тренингот често се откажува поради многу причинипри тоа масажата е заборавена, што е голема грешка. Спортските лекари, терапевти и тренери секогаш треба да ги имаат предвид претходно споменатите факти, со цел да се задржи подготвеноста на нивниот тим. Најголемо внимание треба да им се посвети на повредените спортисти кои не се способни да издржат напорни тренинзи. Се прави голема грешка ако редовно не се практикува спортска масажа за време на отстранувањето на спортистот од тренинг поради повреда. Во тој период, спортистите често ја губат стекнатата кондиција и спремност, па по отстранувањето на повредата, потребно е доста време за да се врати во претходно стекнатата форма. Со спортската масажа таквите компликации може да се надминат. [1]

Наводи[уреди | уреди извор]

  1. Prim. Д-р Ристо Чанев Масажа, второ издание, Издавачка заедница "Вељко Влаховиќ", Белград, Друштво за наука и уметност, Штип, 1989