Спомен-куќа на Татарчеви

Од Википедија — слободната енциклопедија
Прејди на прегледникот Прејди на пребарувањето
Спомен-куќа на Татарчеви
Спомен-куќа на Татарчеви (4).jpg
Поглед на спомен-куќата
МестоРесен, Македонија Македонија
Координати41°05′18″ N; 21°00′49″ E / 41.0882° N; 21.0135° E / 41.0882; 21.0135
Типспомен-куќа
Мреж. местоhttps://muzejbitola.mk/

Спомен-куќата на Татарчеви или Спомен-куќата на Христо Татарчев — спомен-куќа во Ресен, роден дом на револуционерот Христо Татарчев. Оваа спомен-куќа е прогласена за споменик на културата и е заштитена со закон. Таа е под јурисдикција на Заводот и музеј - Битола. Градбата е со површина од 280 м2 и во него се наоѓаат изворни предмети од куќата на семејството Татарчеви од крајот на 19 и почеток на 20 век, а исто така е изложена и музејска поставка која содржи предмети, осум восочни фигури и сликарски композиции.[1][2]

Историја[уреди | уреди извор]

Како дом на Татарчеви[уреди | уреди извор]

Crystal Clear app xmag.svg Главна статија: „Христо Татарчев.

Христо Татарчев (1869-1952) бил роден во куќата, и како лекар по занимање, во неа имал ординација. На 15 август 1984 година (стар стил; 28 август нов стил) бил одржано т.н. Ресенско советување на МРО.[3]

Како спомен-куќа[уреди | уреди извор]

Градбата во 2004 година била урната.[3]

Во мај 2014 година, Министерството за култура го најавило градењето на спомен-куќата. Надлежен за изградбата бил Заводот и музеј - Битола.[3] На 4 април 2016 година, била отворена новата градба.[1]

Изложбен материјал[уреди | уреди извор]

Музејот има свилени експонати кои се помал дел од над 70 архивски материјали. Дел од материјалите се оригинали стари повеќе од еден век, а има и фотокопии на хартија. Има факсимили од Татарчев, писма, разгледници, телеграми. Меѓу нив е и првата страница од докторската дисертација на Христо Татарчев и неговиот животопис кој бил објавен на последната страница од трудот. Изложени се и дописни картички што ги праќал до неговото семејство од Торино, Италија. Зачувана е и изворната заклетва на Организацијата. Таму се сместени восочни фигури од осум револуционери: Христо Татарчев, Дамјан Груев, Анастас Лозанчев, Атанас Мурџев, Георги Пешков, Трајко Китанчев, Андреј Љапчев и Симеон Радев.[4]

Галерија[уреди | уреди извор]

Наводи[уреди | уреди извор]

  1. 1,0 1,1 „Отворена спомен-куќата на Христо Татарчев во Ресен“. prespainfo.com. 4 април 2016. Архивирано од изворникот на 11 јуни 2016. Посетено на 11 јуни 2021.
  2. „Спомен куќа на Татарчеви, Ресен“. prespainfo.com. Архивирано од изворникот на 11 јуни 2021. Посетено на 11 јуни 2021.
  3. 3,0 3,1 3,2 „Изградба на спомен-куќа на револуционерот Христо Татарчев во Ресен“. Министерство за култура. 7 мај 2014. Архивирано од изворникот на 11 јуни 2021. Посетено на 11 јуни 2021.
  4. „Во Спомен куќата на Татарчеви во Ресен артефакти печатени на свила (125 години од Ресенското советување)“. apla.mk. 15 август 2019. Архивирано од изворникот на 11 јуни 2021. Посетено на 11 јуни 2021.

Надворешни врски[уреди | уреди извор]