Спомен-куќа на НОБ (Севастополска)
| Куќа на ул. „Севастополска“ бр. 5 | |
|---|---|
Културно добро на Македонија | |
| Адреса | ул. „Севастополска“ бр. 5 (порано) ул. „Кумбара“ (денес) |
| Месност | Дуќанџик |
| Општина | Чаир |
| Број | [1] |
| Запис на НИСКН | |
 Спомен-куќа на НОБ | |
| Основан | 1975 |
|---|---|
| Место | Скопје, Македонија |
| Тип | меморијален музеј |
Спомен куќа – меморијален музеј на НОБ, се наоѓа на улица „Севастополска“ број 5, Дуќанџик, Скопје. Куќата се наоѓала на десниот брег од реката Серава, и била многу оштетена по катастрофалниот земјотрес во Скопје, а потоа била обновена. Во 1975 година, во неа била отворена музејска поставка со експонати кои сведочат за настаните од НОВ во Македонија.[1] Градбата е заведена како културно наследство на Македонија под називот Куќа на ул. „Севастополска“ бр. 5.[2]
Историска позадина[уреди | уреди извор]
По започнувањето на вооруженото востание во Македонија во 1941 година, покраинското раководство на партијата преземала мерки да се обезбедат услови за работа на партиското и военото раководство. Во Скопје постоеле неколку куќи и станови во кои се чувала партиска документација, се вршеле средби и состаноци, и слично. Кон крајот на 1941 и почетокот на 1942 година, оваа куќа е одбрана како сигурна, бидејќи ги задоволувала условите за илегална работа. Семејството на Гиго Михајловски се вселило во куќата во почеток на 1942 година, и сè до јуни 1944 година, оваа куќа била место за состаноци на партизанските и воените раководители.
Во куќата и во дворот биле изградени скривници за илегалци и за партиски материјали, а техниката била сместена во визбата. И пералната била претворена во скривница, исто така, под двојното дно се криеле материјали.[1]
Наводи[уреди | уреди извор]
- ↑ 1,0 1,1 Крсто Здравковски: „Да не се заборави“, Архив на Скопје, 1982 г., стр. 34
- ↑ „Национален регистар на објекти кои се заштитно културно наследство“. Министерство за култура. 2012. Архивирано од изворникот 2021-08-09. Посетено на 20 септември 2022.
