Спомен-куќа на Ѓоце Стојчевски

Спомен-куќа на Ѓоце Стојчевски
Спомен-куќа на Ѓоце Стојчевски
	Поглед на куќата
Општи податоци
Статус	споменик на културата
Вид	куќа
Стил	староградски
Град	Тетово
Земја	Македонија
Завршена	XIX - XX век
Технички податоци
Катови	2+1

Спомен-куќа на Ѓоце Стојчевски — стара куќа во градот Тетово прогласена за значајно културно наследство на Македонија.^[1] Била музеј-куќа, а потоа во неа е сместен Музејот на тетовскиот крај.

Сместена е во северниот дел на градот, на улица „Абдил Фрашери“ бр. 92 (старо име „Радован Цониќ“). Изградена е в на крајот на XIX или почетокт на XX век. Ова е родна куќа на народниот херој Ѓоце Стојчевски - Амбарче.^[2] Претворена е во негова музеј-куќа, а подоцна во 1990 г. во неа е сместен Музејот на тетовскиот крај.

Куќата се состои од подрум, приземје, кат и мансарда. Денес подрумот (4,8 м²) е депо за експонати, книги и слики. Влезот на приземјето, од улицата „Абдил Фрашери“. Приземјето зафаќа 159,1 м². Има мала канцеларија, две изложбени простории, единечни бетонски скали за подрумот и двојни дрвени скали за катот. Од него се влевува во некогашната воденица. Катот има површина од 56 м² и на него има канцеларија, работна соба, изложбена просторија и балкон на кој излегува ходникот. Поткровјето зафаќа 56 м² и сиот е искористен за етнолошка поставка. Градбата е изведена од печени тули, подот е од даски, а во старата воденица е со плочки. Покривот е со ќерамиди.^[2]