Список на марсопресекувачи

Марсопресекувач (или марсопресекувачки астероид) — астероид чија орбита ја пресекува онаа на Марс. Тука се дадени познатите марсопресекувачи со бројни ознаки. Во нив спаѓаат и двата Марсови тројанци 5261 Еурека и (101429) 1998 VF31.

Многу бази на податоци како Базата на мали тела на JPL (JPL SBDB) ги бројат само астероидите со перихел поголем од 1,3 ае како марсопресекувачи. Оние со помал перихел се класификуваат како близуземски тела, иако ја прескуваат и Марсовата и Земјината орбита (или доаѓаат близу до неа). Сепак, на страницава се претставени сите тие тела. „Приближувач“ е тело со перихел под афелот на Марс (1,67 ае) но над Марсовиот перихел (1,38 ае).^[1] Во JPL SBDB се претставени 13.500 марсопресекувачки астероиди. Само 18 од нив имаат сјајност поголема од апсолутна величина (H) 12,5,^[2] што значи дека астероидите со H<12,5 се со пречник поголем од 13 км, зависно од албедото. Најмалите познати марсопресекувачи имаат апсолутна величина (H) од околу 24 и обично имаат пречник помал од 100 метри.