Советски календар

Од Википедија — слободната енциклопедија

Советскиот календар — календар кој бил користен во СССР од 1929 до 1940 година.

Набргу по Октомвриската револуција од 1917 година, Ленин издал указ за промена на календарот во Русија од Јулијански во Грегоријански календар. Оваа промена значела прескокнување на денот од 1 до 13 февруари 1918 година.

Петдневна недела[уреди | уреди извор]

Со почеток на 1 октомври 1929 година, експериментално била воведена нова верзија на календарот. Според него, сите недели ќе имаат 5 дена, сите месеци 30 дена, а преостанатите пет дена во годината се вметнуваат како празници, и не припаѓаат на месеци или недели. Тие денови биле:

  • Денот на Ленин по 30 јануари
  • Денои на трудот, два дена по 30 април
  • Денови на индустријата, два дена по 7 ноември
  • Во престапни години, престапен ден после 30 февруари

Укинувањето на седумдневната недела во прилог на петдневната недела било делумно анти-религиозна мерка за укинување на неделата како христијански ден за одмор (според која таа наликува на францускиот револуционерен календар). Во петдневната недела, сите работници биле поделени во пет групи според бои (жолта, розова, црвена, виолетова, зелена), секоја група имала свој одмор, по боја. Намерата била да се подобри индустриската ефикасност со избегнување на постојан прекин на работниот циклус заради „генералниот“ неработен ден.

Иако работниците според новиот систем имале повеќе денови одмор (еден на пет дена наместо еден во седум), поделбата во пет групи го нарушило семејниот и социјалниот живот, што го направил календарот непопуларен. Покрај тоа, предвидената добивка за ефикасност како резултат на пократката недела не се остварила.

Се чини дека грегоријанскиот календар сè уште се користел во Советскиот Сојуз во овој период. Ова било потврдено со прегледот на датумите во дневниот весник Правда, официјалниот весник на Комунистичката партија, во кој во февруари 1930 и 1931 година имал 28 дена.

Шестневна недела[уреди | уреди извор]

Со почеток на 1 декември 1931 година, обновен бил западниот распоред на месеци. Петдневната работна недела била заменета со 6-дневна недела, со заеднички ден за одмор на секој 6-ти, 12-ти, 18-ти, 24-ти и 30-ти во месецот; 31-ви бил надвор од неделниот циклус и се варирал помеѓу работни и неработни денови, наместо 30 февруари, бил користен 1 март.

Во пракса, било тешко да се елиминира традицијата на одмор во денот на неделата. Работниците често одморале во недела и новите денови. Старата недела конечно била вратена во јуни 1940 година.

Година[уреди | уреди извор]

Бројувањето на годините не било променето, но има некои случаи кога годината се нарекува „Деветта година на социјалистичката револуција“ која започнува на 7 ноември 1917 година, што е видливо на врвот на сликата погоре, или само „... година на револуција“, делумно видлива на дното. Оваа фраза се појавувала до 1991 година, т.е. до колапсот на СССР.