Џонатан Зебина
| Џонатан Зебина Jonathan Zebina | |||
|---|---|---|---|
 | |||
| Лични податоци | |||
| Роден на | 19 јули 1978 | ||
| Роден во | Париз, Франција | ||
| Висина | 1,85 м | ||
| Позиција | десен бек | ||
| Клупски податоци | |||
| Сегашен клуб | Тулуза | ||
| Број | 11 | ||
| Кариера* | |||
| Години | Клуб | Наст. | (Гол.) |
| 1996–1998 | Кан | 102 | (3) |
| 1998-2000 | Каљари | 139 | (12) |
| 2000–2004 | Рома | 67 | (5) |
| 2004-2010 | Јувентус | 168 | (14) |
| 2010-2011 | Бреша | 61 | (12) |
| 2011-2012 | Брест | 10 | (0) |
| 2012- | Тулуза | 30 | (1) |
| Репрезентација ‡ | |||
| 2005 | Франција | 1 | (0) |
|
*Настапи и голови само на првенствени натпревари, според податок од 6 јануари 2011 ‡ Настапи и голови за репрезентација, според податок од 17 ноември 2010 | |||
Џонатан Зебина (роден на 19 јули 1978 година во Париз) — француски фудбалер кој моментално игра за екипата на Тулуза. Тој најчесто игра на позицијата десен бек, а повремено во својата кариера бил користен и на позицијата централен дефанзивец, иако ја започнал кариерата како напаѓач.
Клупска кариера[уреди | уреди извор]
Почетокот во Кан[уреди | уреди извор]
Зебина ја започнал својата кариера во екипата на Кан во првата лига на Франција во 1996. Тој го направил своето професионално деби за клубот против Мец во домашен натпревар што завршил 0-0. Во сезоната 1997-98 Кан испаднал во втората лига и Зебина во летото го напуштил клубот и потпишал за италијанскиот калчолигаш Каљари.
Каљари[уреди | уреди извор]
Иако многу млад тој добил шанса во првиот тим на Каљари поради повреди на неколку фудбалери од одбраната. Тој се утврдил себеси во првиот тим многу брзо и се стекнал со репутација на еден од најперспективните десни бекови во Европа.
Рома[уреди | уреди извор]
Во 2000 година Зебина потпишал за Рома со ко-сопственост договор. Во својата прва сезона во клубот Зебина одиграл 22 натпревари и имал голем придонес во освојувањето на своето прво Скудето во кариерата. Во првата сезона тој играл на позицијата централен бек во 3-4-1-2 формацијата на Фабио Капело, поради тоа што на десната страна бил поставен бразилецот Кафу. Во сезоната 2003-04 Кафу си заминал од Рома и Забина станал прв избор на позицијата десен бек. Зебина одиграл 94 натпревари за Рома во сите конкуренции и во 2004 посакал да замине во поголем клуб. Иако бил близу да му се приклучи на Милан, сепак тој решил да потпише за Јувентус како би ја продолжил соработката со тренерот Капело (кој некој месец пред тоа заминал во Торино).
Јувентус[уреди | уреди извор]
Во својата прва сезона во Јувентус, Зебина одиграл 24 натпревари во Серија А и 6 во Лигата на шампионите. Тој освоил две скудета со Јувентус во сезоните 2004-05 и 2005-06, но поради скандалот калчополи на клубот му се одземени овие двe титули. Во сезоната 2006-07 Јувентус се натпреварува во Серија Б, а Зебина веднаш го најавил своето останување со целда му помогне на клубот да се врати во елита. По заминувањето на Џанлука Ѕамброта, тој останал единствениот избор на десната страна во одбраната и одиграл 24 првенствени натпревари. Следната сезона тој одново добива конкуренција со доаѓањето во клубот на Зденек Григера. Новиот тренер на Јуве, Клаудио Раниери има повеќе доверба во чехот, па Зебина одиграл само 16 натпревари во сезоната 2007-08. Во летото 2010 Зебина е ослободен од клубот заедно со соиграчите Мауро Каморанези и Давид Трезеге.
Брест[уреди | уреди извор]
Во летото 2011 година тој се вратил во Франција, во дресот на новакот во лигата Брест, откако одиграл уште една сезона во Серија А со екипата на Бреша. Зебина дебитирал на 20 август 2011 во ремито 1-1 со Лион. Неговото искуство му помага на Брест да остане во лигата завршувајќи на 15. место. По завршувањето на сезоната од клубот објавиле дека Зебина нема да го продолжи договорот кој му истекува на крајот на Јуни.
Тулуза[уреди | уреди извор]
На 1 јули тој му се приклучил на Тулуза како слободен играч. Зебина го добил дресот со број 11.
Репрезентативна кариера[уреди | уреди извор]
И покрај тоа што редовно играл за време на неговиот престој во Рома и Јувентус, тој заработил само еден настап за Франција, на 9 февруари 2005 година, во ремито 1-1 против Шведска. Зебина останал во плановите на Жак Сантини во текот на целиот негов мандат. Сепак, по заминувањето на Сантини од репрезентацијата, Зебина никогаш не бил повикан за Франција повторно откако селекторската клупа ја предводел Рајмонд Доменех.
Титули[уреди | уреди извор]
Рома[уреди | уреди извор]
- 1 Серија А: 2000–01
- 1 Супер Куп на Италија: 2001
Јувентус[уреди | уреди извор]
- 1 Серија Б : 2006-07
Надворешни врски[уреди | уреди извор]
- ESPN Soccernet Профил[мртва врска]
- Џонатан Зебина на soccerway
|