Аголно забрзување

радијани во секунда на квадрат
Мерен систем	изведена SI единица
Единица за	аголно забрзување
Ознака	rad/s2

Аголно забрзување - стапка на промена на аголната брзина. Во Меѓународниот систем на мерни единици (SI единици), аголното забрзување се мери во радијани во секунда на квадрат (рад/с²), и обично се означува со грчката буква алфа (α).

Математичка дефиниција

Аголното забрзување може да се дефинира како :

${\alpha }={\frac {d\omega }{dt}}={\frac {d^{2}{\theta }}{dt^{2}}}$ , или

${\alpha }={\frac {a_{T}}{r}}$ ,

каде ${\omega }$ е аголна брзина, $a_{T}$ е линеарно тангенцијално забрзување, $r$, (обично дефиниран како полупречник на кружната патека по која се движи точката), е растојанието од почетокот на координатниот систем што ги дефинира $\theta$ и $\omega$ до точката од интерес.

Равенки на движење

За дводимензионалното ротационо движење (константа ${\hat {L}}$), Вториот Њутнов закон може да се прилагоди за да го опише односот меѓу вртежниот момент и аголното забрзување:

${\tau }=I\ {\alpha }$ ,

каде ${\tau }$ е вкупниот вртежен момент што делува на телото, а $I$ е инерцијалниот момент на телото.

Постојано забрзување

За сите константни вредности на вртежниот момент, ${\tau }$, на еден објект, исто така и аголното забрзување ќе биде константно. За овој посебен случај на постојанo аголно забрзување, горната равенка ќе произведе конечна, константна вредност за аголното забрзување:

Непостојано забрзување

За секој непостојан вртежен момент, аголното забрзување на објектот ќе се промени со текот на времето. Равенката станува диференцијална равенка, наместо константна вредност. Оваа диференцијална равенка е позната како равенка на движење на системот и со неа може целосно да се опише движењето на објектот. Исто така е и најдобар начин да се пресмета аголната брзина.

Поврзано

• Аголен момент
• Аголна брзина
• Аголна фреквенција
• Вртење