Кобилица (планински врв)

Кобилица
Поглед на врвот Кобилица
Висина	&100000000000025280000002.528 м
Место	Македонија
Венец	Шар Планина
Прво освојување	непознато

Кобилица е врв на Шар Планина. Висок е 2528 метри и се наоѓа во централниот дел на главниот шарпланински срт кој ја формира македонско-косовската граница. Позат е по својота остра пирамидална форма и карпестиот гребен Трескавец на западната страна од врвот.

Местоположба

Поврзан е со Црн Врв на североисток преку кобиличкиот премин (2.170 м), а на запад сртот продолжува кон карпестиот гребен на Трескавец, па потоа кон преминот Љубински уши и врвот Вртоп.

Изглед

Опишувајќи ги врвовите на Шар Планина во својата книга Материјали по изучувањето на Македонија, македонскиот револуционер Ѓорче Петров за Кобилица запишал дека е стрмен, совршено мазен правилен конус, до самиот врв покриен со зелени тревници. Изгледот на овој врв, иако опфаќа величествен планински поглед на предели и пејсажи, не е толку значителен како од врвот Љуботен, бидејќи го ограничуваат врвовите коишто го опкружуваат.

Кобилица во целина плени со својата убавина и правилна форма а кај планинарите влева и стравопочит со неговите остри и карпести страни. Го нарекуваат уште и Тетовски Матерхорн, како споредба со познатиот Матерхорн на Алпите. Се гледа од Тетово и од Призрен.

Искачување

Врвот е најпогоден да се искачува по планинарска високогорска патека од две страни, и тоа од источниот гребен, или од кобиличкиот премин. Северната и јужата страна на врвот се премогу стрми, а искачувањето од западната карпеста страна е можно само со алпинистичка опрема, во погодни временски услови. Исклучително опасно е искачување во зимски услови заради можноста од лавина или лизгање.

Галерија

• 
  Поглед кон Кобилица
• 
  Кобилица видена од Тетово
• 
  Поглед на Кобилица, Трескавец и Љубински Уши
• 
  Поглед на Кобилица
• Поглед на Кобилица со целит гребен од исток
  Поглед на Кобилица со целит гребен од исток
• 
  Поглед на Кобилица, Трескавец и Љубински Уши
• 
  Поглед на Кобилица