Македонски народни инструменти

Тапан

Кавал

Македонските народни инструменти се музички инструменти што се користат на територијата на Република Македонија и во регионот Македонија каде што живеат Македонци, најчесто за фолклорни дела.

Челно се делат во две групи:

• Традиционални македонски инструменти
• Ориентални македонски инструменти

Традиционални и ориентални

Гајдата, кавалот, шупелката, дудукот, зурлата, двојанката, разните видови на тамбури, тапанот и дајрето се сметаат за традиционални инструменти. Со мали варијации, грнетата, ќемането, удот, лејтата, канонот, тарабуката или дајрето се сметаат за ориентални инструменти и обично се составен дел од ансамблите во ориентален стил наречени чалгии.

Традиционалните инструменти се употребуваат во различни комбинации:

• Зурлата и тапанот можат да се слушнат на свадби и други слави каде се свири народна музика.
• Гајдата е фундаментален составен дел од македонската музичка култура, особено по селата. Обично се свири со пар кавали, тамбура и некои ударни инструменти (тапанче/дајре/тарабука).
• Тарабуката исто така се смета за традиционален инструмент, иако истата била донесена во Македонија во XV и XVI век век од Турците.

Класификација на македонските фолклорни инструменти

Дувачки

• Двојанка
• Дудук
• Гајда (македонска)
• Зурла (македонска)
• Кавал
• Шупелка

Ударни

• Дајре (македонско)
• Тапан (македонски)
• Тарабука (македонска)

Жичени

• Ќемане (македонско)
• Тамбура (македонска)
• Уд (македонски)