Зевс: Разлика помеѓу преработките

Заедницата на Зевс и [[Хера]] претставува типичен пример на ''hieros gamos'' меѓу небесниот [[бог]] и земјената божица, што на убав начин е опишано кај [[Хомер]] во [[Илијада]]та. Во митовите, Хера е секогаш во кавга со својот сопруг поради неговите неверства, а често прибегнувала на сплеткарења и на ситни начини го понижувала Зевс. Забележано е дека таа против него соѕдала дури заговор со [[Посејдон]], [[Аполон]] и со останатите богово од [[Олимп]], во кој не учествувала само [[Хестија]], кои го заврзале во илјада јазли со нерскинливи каишки, така што не можел миту со прстот да мрдне. Поради тоа, Зевс ја обесил на небото и ја прицврстил со златни окови, а ја ослободил дури откако сите богови му се заколнале дека веќе нема да креваат буна.<ref>[[Robert Graves|Robert Grevs]], [[The greek myths|Grčki mitovi]], Nolit, Beograd, 1992, str. 51.</ref> Во [[уметност]]а, Хера е претставена како [[крал]]ица и матрона, често со кралски обележја како скиптар и круна. Хомер ја опишува како волоока и белолакта, епитети кои ја означуваат нејзината убавина.