Кнежевство Антиохија

Кнежество Антиохија е крстоносна држава која била создадена во време на првата крстоносна војна на територијата на денешна Турција и Сирија во периодот од 1098 се до 1268 година.

Опсада на Антиохија

Додека Болдвин Болонски и Танкрид се упатиле кон исток преку Мала Азија кон Едеса, голем дел од основната армија на крстоносците во првата крстоносна војна продолжиле кон југ за да ја опседнат Антохија. Така, таа започнала во октомври 1097 година под ракаводство на Бохемонд I Антиохиски. Со околу четиристотини кули, градот бил повеќе од тешко за да се освои. Опсадата продолжила и во зимата, и покрај тоа што на христијаните започнало да им се намалува храната, па затоа според легендата тие биле принудени дури да си ги јадат сопствените коњи. Така, опсадата траела се до 3 јуни 1098 година, кога крстоносците сепак успеале да ја заземат Антиохија. Но по само четири дена, огромна муслиманска војска тргнувајќи од Мосул и предводена од страна на Кербогха, пристигнала пред вратите на Антиохија, за да по само дваесетина дена повторно биде освоена од страна на муслиманската војска.