Недела

Недела, според ISO 8601, е последниот ден од седмицата, и во Mакедонија се смета за неработен ден, поврзан со викендот. Во старата христијанска религија и денешната еврејска религија, се смета за прв ден. Во денешната христијанска религија се поврзува со денот на воскреснувањето на Исус Христос. Недела е денот помеѓу сабота и понеделник.

Недела како тема во уметноста и во популарната култура

Неделата често се јавува како тема во бројни дела од областа на уметноста и популарната култура.

Недела како тема во книжевноста

• „Ден седми“ - песна на југословенскиот поет Мак Диздар.
• „Неделна песна“ (Nedjeljna pjesma) - песна на хрватскиот писател Мирослав Крлежа.
• „Неделна ноќ“ - песна на италијанскиот писател и режисер Пјер Паоло Пазолини.
• „Недела“ - песна на Пол Елијар од 1951 година.
• „Недела“ - книга на македонскиот писател Ермис Лафазановски.
• „Спроти недела во стариот татков дом“ - песна на македонскиот поет Анте Поповски.

Недела како тема во популарната музика

• „Неделно утро“ (Sunday morning) - песна на американската рок-група „Велвет андерграунд“ од 1966 година.
• „Неделна девојка“ (Sunday girl) - песна на американската рок-група „Блонди“ од 1978 година.
• „Неделна стриптизерка“ (Sunday stripper) - песна на британската панк-група „Кок спарер“ (Cock Sparrer) од 1980 година.
• „Недела, проклета недела“ (Sunday Bloody Sunday) - песна на американската група „Ју Ту“.
• „Проклета недела“ (Prokleta nedjelja) - песна од албумот „Сјај во очите“ (Sjaj u očima) на хрватската група „Парни валјак“ од 1988 година.
• „Неделен роб“ (Sunday's Slave) - песна на рок-групата „Ник Кејв енд д бед сидз“ (Nick Cave and the Bad Seeds) од 1988 година.
• „Неделно утро“ (Sunday morning) - песна на американската група „Марун 5“ од 2002 година.

Недела како тема во филмот

• „Црна недела“ (Black Sunday) - американски филм во режија на Џон Франкенхејмер од 1977 година.
• „Да се преживее неделата“ - француски филм од 1983 година, во режија на Франсоа Трифо.