Хасехемви

Касехемви (околу 2690 г. п.н.е., Ḫꜥj-sḫm.wj , исто така и Ка-сехемви) бил последниот крал на Втората династија на Египет. Малку е познато за него, освен дека водел неколку значајни воени кампањи и ја изградил тврдината позната како Шунет Ел Зебиб.

Неговото Хорусово име Ḫꜥj-sḫm.wj може да се толкува „Две моќни сили се појавија“, но името е запишано во многу варијанти, како што е Hr-Ḫꜥj-sḫm „Хорус, оној чија моќ се појавува", ḫꜥj sḫm.wj ḫtp nṯrwj jm = f „две сили се појавуваат така што предците се одмараат во него“ (итн.)

Владеење

Касехемви владеел речиси 18 години, во почетокот на 27 век п.н.е. Точниот датум на неговото владеење во египетската хронологија е нејасен, но е приближно помеѓу 2690 – 2670 г. п.н.е.

Според проучувањето на Тоби Вилкинсон на Кралските анали од древен Египет од Каменот од Палермо, Касехемви владеел 17,5 или речиси 18 години.

Биографија

Касехемви бил наследник на Сет-Перибсен, иако некои египтолози веруваат дека друг фараон, Касехем, владеел меѓу нив. Меѓутоа, повеќето научници веруваат дека Касехем и Касехемви се всушност иста личност. Касехем можел да го смени своето име во Касехемви откако тој го споил Горниот и Долниот Египет по граѓанска војна меѓу следбениците на боговите Хор и Сет. Други веруваат дека тој го поразил владеачкиот крал, Сет-Перибсен, откако се вратил во Египет по угушувањето на бунтот во Нубија.

Касехемви е уникатен во египетската историја бидејќи ги има двата симболи на Хор и на Сет на неговиот серех. Некои египтолози сметаат дека ова е обид да се обединат двете фракции; но по неговата смрт, Сет бил постојано отфрлен од серехот. Тој бил најстариот египетски крал за кој се знае дека изградил статуи за себе.

Касехемви изградил тврдина во Нехен, и во Абидос (сега позната како Шунет ез Зебиб) и бил погребан таму во некрополата во Ум ел-Кааб. Тој, исто така, можеби го изгради Гиср ел-Мудир во Сакара.

Семејство

Жената на Касехемви била кралицата Нимаатап, мајка на децата на кралот. Тие биле родители на Џосер и на сопругата на Џозер, Хетепхернебти. Исто така е можно дека син на Хасехемви бил Санахте.

• 
  Сад од варовник со златен капак од гробот на Касехемви
• 
  Статуа на Касехемви
• 
  Преживеаните остатоци од гробот на Касехемви во Ум ел-Кааб
• 
  Статуа на Касехемви, египетски музеј, Каиро
• 
  Камена вазна со натпис Касехемви, Националниот археолошки музеј (Франција)

Библиографија

• Тоби Вилкинсон, Кралски анали на древниот Египет: Каменот на Палермо и неговите поврзани фрагменти, (Кеван Паул Интернационал), 2000.
• Египет: Khasekhem / Khasekhemwy на 2-ри династија на Египет