Љубиша Георгиевски

Љубиша Георгиевски

Љубиша Георгиевски (роден на 30 мај 1937 година во Битола) е театарски и филмски режисер, драмски писател и есеист, теоретичар на театарот и професор по театарска режија и актерска игра на „Факултетот за драмски уметности” во Скопје. Љубиша Георгиевски е тековен претседател на Собранието на Република Македонија.

Дипломирал на „Академијата за театар, филм, радио и телевизија”, група „Театар и радио режија”, во Белград, 1974 год.

Како театарски режисер, има поставено преку 160 постановки во Република Македонија, СР Југославија, Хрватска, Босна и Херцеговина, Словенија, Република Бугарија, Романија, Полска…, како и четири постановки во САД, каде на универзитетите во Јужна Калифорнија и Тексас, предавал теорија на театарот и актерска игра. Неговите претстави се играат на повеќе од десет јазици и истите, гостувале ширум Европа, на пример во Москва, „ Burg teater ”, Виена. Добитник е на повеќе од дваесетина награди во рамките на поранешна Југославија, како и наградата од критиката за претставата „Искушение” од Вацлав Хавел во „ Theater Center”, како најдобра престава на театарската сезона. Неговите пиеси „Црна” и „Јованка Орлеанска” се играни со успех, а некои од нив сè уште се на репертоарот.

Досега има објавено десетина книги. Како филмски режисер има режирано четири филма. Како новинар има напишано преку двеста авторски колони во „Дневник”.

На претседателските избори во 1994 година Георгиевски беше претседателски кандидат на ВМРО-ДПМНЕ.

Од 2000 до 2004 год. – вонреден и ополномоштен амбасадор на Република Македонија во Република Бугарија.

Зборува англиски, француски, италијански, руски, бугарски, српски се служи и со словенечки, полски, романски.