Лубушко Војводство

Лубушко војводство województwo lubuskie
војводство
Знаме Грб
Местоположба во Полска
Окрузи во Лубушкото војводство
Земја	Полска
Seats	Гожув Вјелкополски (војвода) Желона Гура (собрание)
Окрузи	2 градски, 12 земски *
Површина
• Total	13.987,93 км2 (540,077 ми2)
Население (2017)
• Total	1.016.652
• Густина	73/км2 (190/ми2)
• Градскo	659.708
• Rural	356.944
Рег. таб.	F
Мреж. место	lubuskie.pl
понатаму се делат на 83 општини

Лубушко војводство (полски: województwo lubuskie) — војводство во западна Полска.

Создадено е на 1 јануари 1999 г. од дотогашните војводства Гожувско и Желоногурско, согласно управната реформа усвоена претходната година. Наречено е по историската област Лубушка Земја (германски: Land Lebus), иако делови од војводството припаѓаат на историските области Шлеска, Големополска и Лужица. Сè до 1945 г. територијата била во состав на германската управна област Нојмарк во рамките на пруската покраина Бранденбург.

Управата е разделена во два града — Гожув Вјелкополски и Желона Гура. Во Гожув е седиштето на војводата (управникот), додека пак во Желона Гура е војводското собрание и извршните органи на чело со маршалот.

Војводството е прилично низинско, со бројни езера и шуми. Во јужниот дел, околу Желона Гура е застапено лозарството.

Се граничи со следниве војводства: Западнопоморското на север, Големополското на исток, Долношлеското на југ, и Германија (покраините Бранденбург и Саксонија) на запад.

Историја

Областа е придодадена кон полската држава со освојувањата на првиот водач на Полјаците, кнезот Мјешко I, а подоцна и со успесите на првиот полски крал Болеслав I Храбриот, кој го освоил лубушкиот дел од Лужица. Дел од таа историска област се протегала по западниот брег на реката Одра, каде е основан градот Лубуш, подоцна од Германците наречен Лебус.

Во 1226 г. Лебус потпаднал под непосредна власт на Светото Римско Царство, но околу 1250 г. му припаднало на благородничкото семејство Аскани — владетели на Маркгрофовијата Бранденбург. Воочи и за време на Втората светска војна, ова бил првиот дел од Полска заземен од Германија со нејзиниот „Пробив на исток“ за повраток на германските краишта.

Во 1945 г. Црвената армија ја освоила источна Германија и стапила кон прекројување на границите. Источниот дел од областа на Лубуш (Лебус) е припоена кон Полска, како дел од пропагандно наречените „Повратени земји“. Германското населението кое ги преживеало етничките чистки и не пребегало западно од Одра, било веднаш протерано и заменето со Полјаци од средна и поранешна источна Полска.

Градови и гратчиња

Желона Гура — седиште на војводското собрание.

Гожув Вјелкополски — седиште на војводата.

Нова Сул — дел од историската област Долна Шлеска.

Загањ

Швјебоѓин

Војводството има 42 градски населени места, тука наведени по број на жители според состојбата во 2006 година:

1. Желона Гура (118.201)
2. Гожув Вјелкополски (124.554)
3. Нова Сул (40.351)
4. Жари (38.967)
5. Жагањ (26.580)
6. Швјебоѓин (22.138)
7. Мјенѕижеч (18.700)
8. Слубице (18.148)
9. Костшин над Одра (17.725)
10. Сулехув (17.642)
11. Губин (17.038)
12. Лубско (14.767)
13. Всхова (14.573)
14. Шпротава (12.613)
15. Кросно Оджањске (12.100)
16. Дрезденко (10.565)
17. Стшелце Крајењске (10.143)
18. Сквјежина (10.010)
19. Суленќин (9.972)
20. Кожухув (9.784)
21. Витница (6.968)
22. Жепин (6.697)
23. Збоншинек (5.087)
24. Новогруд Бобжањски (5.036)
25. Јашењ (4.526)
26. Битом Оджањски (4.444)
27. Бабимост (4.150)
28. Червјењск (4.138)
29. Илова (4.048)
30. Слава (3.942)
31. Ошно Лубуске (3.895)
32. Каргова (3.641)
33. Маломице (3.623)
34. Гоздњица (3.454)
35. Добјегњев (3.187)
36. Цибинка (2.947)
37. Нове Мјастечко (2.885)
38. Ленкница (2.641)
39. Тожим (2.535)
40. Тшќел (2.459)
41. Лубњевице (2.032)
42. Шлихтингова (1.348)

Управна поделба

Големополското војводство е поделено на 14 окрузи, од кои 2 се градски, а 12 се земски. Тие пак се поделени на вкупно 83 општини.

Име и изворно име	Површина (км²)	Население (2006)	Седиште	Други градови	Општини
Градски окрузи
Гожув Вјелкополски Gorzów Wielkopolski	86	125.204			1
Желона Гура Zielona Góra	58	118.201			1
Земски окрузи
Всховски powiat wschowski	625	38.958	Всхова	Слава, Шлихтингова	3
Гожувски powiat gorzowski	1.213	65.546	Гожув Вјелкополски *	Костшин над Одра, Витница	7
Жагањски powiat żagański	1.131	82.226	Жагањ	Шпротава, Илова, Маломице, Гоздњица	9
Жарски powiat żarski	1.393	98.929	Жари	Лубско, Јашењ, Ленкница	10
Желоногурски powiat zielonogórski	1.571	89.543	Желона Гура *	Сулехув, Новогруд Бобжањски, Бабимост, Червјењск, Каргова	10
Кросненски powiat krośnieński	1.390	56.463	Кросно Оджањске	Губин	7
Мјенѕижечки powiat międzyrzecki	1.388	58.335	Мјенѕижеч	Сквјежина, Тшќел	6
Новосулски powiat nowosolski	771	86.773	Нова Сул	Кожухув, Битом Оджањски, Нове Мјастечко	8
Слубички powiat słubicki	1.000	46.777	Слубице	Жепин, Ошно Лубуске, Цибинка	5
Стшелечко-дрезденечки powiat strzelecko-drezdenecki	1.248	50.151	Стшелце Крајењске	Дрезденко, Добјегњев	5
Суленќински powiat sulęciński	1.177	35.329	Суленќин	Тожим, Лубњевице	5
Швјебоѓински powiat świebodziński	937	55.989	Швјебоѓин	Збоншинек	6
* седиштето не е дел од округот

Поврзано

• Лубушка Земја
• Маркгрофовија Бранденбург

Надворешни врски

• Лубушко војводство — официјално мрежно место
• Туристички портал на Лубушкото војводство