Тропски циклон

Ураганот Адријан

Во метеорологијата, тропски циклон (тропска бура, тајфун или ураган, зависно од силата и локацијата) е вид систем на низок атмосферски притисок што обично се формира во тропските области. Иако тие се многу разорни, тропските циклони претставуваат важен дел на системот на атмосферска циркулација, што ја движи топлината од екваторијалниот регион до погорните географски ширини. Еден од најпознатите урагани е Ураганот Рита. Тропскиот циклон кој при површината на земјата има брзина до 17 m/s се вика тропска депресија; циклон со брзина до 33 m/s се вика тропска бура, а пак циклон со брзина над 33 m/s се нарекува ураган (на Атлантикот и во источниот дел од Тихи океан) или тајфун (во северозападниот дел од Тихи океан.

Услови за настанок на циклон

За да може да настане еден тропски циклон потребно е да се исполнети следните услови:

• Температурата на водата на површината на океанот со дебелина од најумалку 50 мм треба да изнесува над 26,5 °C. Во тој случај океанот претсатвува доволно голем извор на енергија за развој на циклонот. По формирањето на облаците воздухот се загрева и навлажнува со помош на топлата вода од океанот.
• Распоредот на температурата и влагата во атмосферата треба да биди соодветен за развојот на високите темни кумулонимбуси.
• Оддалеченоста од екваторот треба да изнесува најмалку 500 км.
• Промената на брзината на ветерот во целата тропосфера треба да биде многу мала. Тоа би им овозможило „организирање“ на конвекцијните облаци во циклоснки систем.

Кога овие услови се исполнети и над океанот ќе се појави низок атмосферски притисок облаците можат да се развијат и да создадат тропски циклон.