Аеродром (населба)

Карта на Општина Аеродром

Аеродром — населба во Општина Аеродром. Населбата порано припаѓала кон Општина Кисела Вода, но со законот за новата територијална поделба во авуст 2004 г. е создадена новата Општина Аеродром и населбата потпаднала кон новоформираната општина, формирана на 12 април 2005 кога за прв пат била одржана седница на Советот на општината.

Географија

Населбата граничи со населбите Мичурин и Острово на запад, Јане Сандански на север, Ново Лисиче, Реонски Центар и Лисиче на исток.

Историја

Стариот аеродром

Црквата Св. Илија

Населбата го добила своето име по стариот аеродром „Скопје“ основан во 1920-тите, кој се наоѓал кај поликлиниката „Јане Сандански” и касарната „Гоце Делчев“. Аеродромот бил бомбардиран од страна на нацистичка Германија во април 1941. Првиот патнички авион слетал на 15 јуни 1928 година. Авионот бил од типот „Потез-29“ од француско производство и превезувал 5 патници.

Демографија

Во населбата Аеродром живеат 72.009 жители од кои 96% се Македонци, 2% Срби и 2% други националности како Роми, Турци и Власи.

Образовни центри

Средни училишта

• СУ „Димитар Влахов“
• СУГС „Владо Тасевски“
• СУГС „Марија Кири Склодовска“

Основни училишта

• ОУ „Љубен Лапе“

Цркви

• Црква „Св. Илија“ - изградена во 1997 година;
• Црква „Св. Петка“ - црква-параклис;