По

По
Po ved Manova
Местоположба
Физички особености
Устие	Јадранско Море 44°58′12″N 12°32′49″E
• надм. вис.	0
Должина	652
Особености на сливот

Речното подрачје на По

Стар железен мост на По во Кремона

По (италијански: Po, латински: Padus или Eridanus) е река што тече на исток преку северниот дел на Италија. Долга е 652 км (или 682 км ако се вброи притоката Мајра) и извира од северозападните падини на планината Монвизо во Котиските Алпи и тече низ устие што навлегува во Јадранското Море кај Венеција. Сливното подрачје пофаќа вкупно 74.000 км², од кои 70.000 ѝ припаѓаат на Италија. Од подрачјето во Италија, 41.000 км² се планински, а 29.000 се рамничарски. По е најдолга река во Италија, а во најширокиот дел има пречник од 503 м. Течението го следи 45-тиот северен напоредник.

Реката тече низ разни важни градови како што се Торино, Пјаченца и Ферара. Поврзана е со Милано со мрежа од канали во чие осмислување учествувал Леонардо да Винчи. При крајот на течението, По образува широко устие со стотици мали канали. На јужниот дел до устието се наоѓа местото Комакјо, познато по одгледувањето на јагули. Долината на По влегувала во римската провинција Кисалпска Галија и ја делела на две територијални целини.

По е позната по честите и големи поплави. Затоа денес над половината од течението се регулира со насипи. Наклонот на долината се намалува од 0,35% на запад на 0,14% на исток, што е прилично низок степен. Долж реката има 450 езера.

Притоки

Реката По има вкупно 141 притоки. Гледано низводно, тука спаѓаат (Д = десни, Л = леви):

• Пеличе (Л)
• Варајта (Д)
• Мајра (Д)
• Дора Рипарија (Л)
• Стура ди Ланцо (Л)
• Малоне (Л)
• Орко (Л)
• Дора Балтеја (Л)
• Сезија (Л)
• Танаро (Д)
• Скривија (Д)
• Агоња (Л)
• Тичино (Л)
• Верза (Д)
• Ламбро (Л)
• Требија (Д)
• Нуре (Д)
• Ада (Л)
• Арда (Д)
• Таро (Д)
• Парма (Д)
• Енца (Д)
• Ољо (Л)
• Минчо (Л)
• Секија (Д)
• Панаро (Д)

Поврзано

• Список на реки во Италија

Надворешни врски

• Предлошка:Цмс (англиски)