Едноотворни

Клунари Период: рана креда - денес
Клунест еж
Научна класификација
Царство:	Животни
Колено:	Хордови
Класа:	Цицачи
Поткласа:	Јајценосни цицачи
Ред:	Клунари C.L. Bonaparte, 1837
Семејства
† Kollikodontidae (изумрени) Ornithorhynchidae Tachyglossidae † Steropodontidae (изумрени)

Клунари (лат. Monotremata) — цицачи чии млади се раѓаат од јајце со мека лушпа. Тие се изведуваат по неколку денови и цицаат се додека во целост не се развијат.

Општи карактеристики

Како и другите цицачи, клунарите имаат брз метаболизам, телото им е прекриено со влакна и младите ги хранат со млеко.

Клунарите одржуваат константна температура на телото без оглед на околината во која се наоѓаат, иако до неодамна се сметаше дека не е така.

Физиологија

Клучна физиолошка разлика меѓу клунарите и другите цицачи е што тие (Monotreme значи еден отвор - на грчки) имаат клоака (еден отвор за репродукција, уринирање и дефекација), како што е случај кај влекачите. Другите цицачи имаат посебни отвори: вагина, уретра и анус.

Монотремите носат јајца кои женката ги снабдува со хранливи состојки.

Распространетост

Единствените живи клунари живеат во Австралија, Нова Гвинеја и Тасманија, иако постојат фосилни докази дека некогаш биле многу пораспространети.

• РЕД MONOTREMATA
  • Семејство Ornithorhynchidae: клунари
    • Клунар, Ornithorhyncus anatinus
  • Семејство Tachyglossidae: клунести ежови
    • Tachyglossus aculeatus
    • Zaglossus brujinii
    • Zaglossus attenboroughi
    • Zaglossus bartoni

Надворешни врски

• Клунарите имаат мистериозен геном Дневник, 08.05.2008

Наводи

[[Категорија:Клунари} ]]