Филип V Македонски

Монета на Филип V Македонски со неговиот лик

Филип V — крал на Македонија од династијата на Антигонидите. Син е на Деметриј II. Роден е околу 238 г. п.н.е. и имал едвај 9 години кога татко му умрел.

Рани години

Во раните години бидејќи Филип бил премногу млад за да извршува кралската функција, бил заменет од неговиот роднина Антигон Досон кој владеел како регент. Кога умрел регентот тој станал крал. Кога станал крал првин тој успешно ги одбил нападите на Дарданците и со тоа ја обезбедил северната граница на Македонија

Општествена војна

Главна карактеристика на општествената војна е тоа што Филип успешно ги разделил Грците со тоа што ги завојувал Спартанците со претставниците на Хеленската лига која што ги штитела интересите на Македонија, а со самото тоа што ги разделил ја зголемил својата доминација во Грција.

Прва македонско-римска војна

Главна статија: Прва македонско-римска војна

Во Првата македонско-римска војна, Филип сакал мкедонското влијание да го прошири и на јадранското крајбрежје. Првин ги нападнал Римските поседи во Илирија од морето, а потоа од копно, по што успешно го освоил градот Лисус. По минималните успеси што ги направил во Илирија, тој направил сојуз со Ханибал каде што се договориле Филип на Ханибал да и испрати помош.

Римјаните пак ја осетиле опасноста па Филип, и нивниот одговор бил нападот на Етолската лига и на римскиот сојузник Атал од Пергамон, со што Филип бил спречен да испрати помош на Ханибал, по што потоа Римската Република и Македонија потпишале мировен договор во Фојника, град во Епир

Втора македонско-римска војна

Главна статија: Втора Македонско-римска војна

Откако Скипион Африканецот го поразил Ханибал кај битката кај Зама, Римската Република веќе станала господар на Средоземјето,па така се спремале за реванш со Македонија. Македонија пак значително зајакната и проширена особено кај Егејот и Хелеспонт. Така Македонија првин била нападната од западната страма, но македонската армија успешно го одбила нападот. Потоа Римјаните заедно со сојузниците маршираат од Етолија се до Тесалија каде што дошло до решавачка битка кај Киноскефале, каде што Македонците биле поразени, а со самото тоа Македонија била принудена на отстапки од својата флота, војската да ја намали на 5000 луѓе, но најболно им било тоа што биле принудени да се откажат од доминацијата во Грција.

Последни години

Моќта на Филип била уништена, но тој сепак не се откажувал. Тој своите 5000 луѓе ги заменувал по здобиениот војнички тренинг со што така ја зголемил својата војска без да го прекрши договорот со Рим. Тој исто така го отрул својот син Деметриј бидејќи бил обвинет за проримска политика, а неговиот син Персеј го наследил.

Надворешни врски

• Филип V од Малон Х. Смита (Mahlon H. Smith) (англиски)

Претходник Антигон III Досон

Крал на Македонија 221 г.н.е. - 179 г.н.е.

Наследник Персеј

Кралеви на Античка Македонија