Костур (округ): Разлика помеѓу преработките

Костур
Костур; Περιφερειακή ενότητα Καστοριάς
	Округ
	Општини во Костурскиот округ
	; Костурскиот округ во Грција
	Координати: 40°30′N 21°15′E / 40.500° СГШ; 21.250° ИГД
Земја	Грција
Област	Западна Македонија
Админ. центар	Костур
Површина
• Вкупна	1.720 км2 (660 ми2)
Население (2011)
• Вкупно	50.322
• Густина	29/км2 (76/ми2)
Пошт. бр.	52x xx
Пов. бр.	24670
ISO 3166	GR-56
Рег. таб.	ΚΑ
Мреж. место	kastoria.gr

Интерактивен преглед на историјата

[проверена преработка]

← Постаро уредување Поново уредување →

Избришана содржина Додадена содржина

НагледноВикитекст

Во редови

Преработка од 03:36, 18 март 2014

Костур или Костурски округ (грчки: Περιφερειακή Ενότητα Καστοριάς), Перефериаки Енотита Касторияс) — округ во областа Западна Македонија, денес Грција. Сместена е во северозападниот дел на Егејска Македонија и се состои од три општини: Костур, Нестрам и Хрупишта. Администратицен центар е градот Костур. Општините се сочинети од вкупно 15 општински единици, составени од поголем број села.

Географија

Костурскиот округ се граничи со окрузите Леринскиот на север, Кожанскиот на исток и југ, Гребенскиот на југ, Јанинскиот на југозапад и со албанскиот округ Девол на запад.

Подрачјето на Костур е претежно планинско, со изразено континентална клима, што значи дека има студени зими и топли лета.

Во средината на округот се наоѓа Костурската Котлина со убавото Костурско Езеро, на кое се наоѓа и самиот град Костур. Од северозапад, котлината е ограничена од планината Орлово, која го дели Костурско од подрачјето на Девол во Албанија и грчкиот дел на Мала Преспа — општината Преспа. На североисток е Нередската Планина (Вич), која пак го дели Костурското од Леринското Поле. На исток планината Мурик е границата со Кајларското Поле. На запад планината Грамошта и на југозапад планината Горуша го делат Костурско и воопшто Егејска Македонија од Епир и областа Колоња во Албанија. На југ котлината е релативно отворена по долината на Бистрица кон Гребенско.

Географската граница меѓу Македонија и Епир не се совпаѓа точно со административната граница на округот — дел од селата Нестрамско географски припаѓаат на Епир, но административно се водат под Костур.

Најважни реки што се слеваат во Костурско се Бистрица и нејзината западна притока Белица. Во Грција, Белица се смета за почеток на Бистрица.

Во Костурско има четири јасно издвоени историско-географски области: Корешта, Костенарија, Пополе и Нестрамско.

Главна патна магистрала е GR-15, која оди во правец север-југ и го поврзува Костур со Лерин на север и со магистралата „Егнатија“ на југ.

Општини и општински единици

Округот се состои од три општини (посочени се и нивните броеви на картата).^[1] Секоја општина е составена од извесен број општински единици, а секоја од нив има извесен број села (понекогаш само едно). Називите на општинските единици не секогаш се водат според некое населено место. Може да бидат сосема измислени, или пак дадени во чест на некоја личност. Затоа, ваквите единици немаат македонски имиња.