Антанта

Европските воени сојузи во 1914. Земјите од Централниот сојуз(борда боја),земјите на Антантата и сојузничките сили(сива боја) и неутралните земји (жолта боја).

Антанта' е воен сојуз којшто е создаден помеѓу Русија,Франција и Обединетото Кралство со цел зачувување на светските граници и спротивставување на империјалистичките цели на земјите од Централниот сојуз.

Русија била членка на Лигата на трите императори.Меѓутоа по распаѓањето на ваквата лига и судирот помеѓу Русија и Австро-Унгарија за превласт на Балкански Полуостровов,германскиот канцелар Ото фон Бизмарк во 1887 година се обидел да го осигура пријателството со Русија.Но,по неговото разрешување во 1890 година,германскиот крал Вилхелм II не успеал да ги задржи односите со Русија,па Русија склучила сојузништво со Франција во 1894 година.

Обединето Кралство

Во последната декада од XIX век Британија била во изолација.Во почетокот на XX век како најголеми противници на Обединетото Кралство биле Русија и Франција.Но во тоа време империјалистички цели изјавила Германија што започнало да го принудува Обединетото Кралство да ја промени својата надворешна политика и да се приближи кон Франција и Русија.

Трите најголеми причини биле:

1. Франција и Британија се согласиле за нивното заедничко влијание во северна Африка во 1904 година.
2. По поразот на Русија во Руско-јапонската војна во 1905 година како сојузник на Франција,Русија се зближила и со Обединетото Кралство.
3. Големите империјалистиички стремежи на Германија за создавање на силна и моќна држава,со моќна морнарица што претставувало закана за Британија.

Во 1907 година е склучена спогодба помеѓу Обединетото Кралство и Русија со цел да се контролира состојбата во Персија,Авханистан и Тибет,бидејќи Германија веќе имала империјалистички стремежи на овој дел од светот.

Француската трета република

Втората француска империја стапила во војна со Прусија и нејзините сојузници,а новоформираната Француска република била срамно поразена во Француско-пруската војна,а по војната со примикрјето во Франфурт Франција била должна да и ги отстапи на Германјиа индустриските предели Елзас и Лорен коишто биле додадени во новосоздадената германска држава.Кај Франција се јавило ривалство спрема Гермканија и таа имала желба да ги врати своите територии назад.

Руската империја

Руски постер од 1914.Горниот запис СОГЛАСIЕ значи согласност.Несигурната Британија(десно) и Маријана(лево) којашто е свртена кон мајка Русија којашто ги предводи во претстојната војна

Кон крајот на XIX век во Европа Русија била најголема држава од шесте најмоќни,но и економски најзаостаната.

Русија имала големо ривалство со Австро-Унгарија со којашто поблагите односи од средината на XIX век повторно ги влошила поради нејзините аспирации за проширување на своето влијание на Балканскиот Полуостров.Тоа многу силно ја погодила Русија којашто се стремела да го зачува своето влијание на Балканскиот Полуостров.Така Русија во 1894 година склучила сојузништво со Франција,а вои 1907 и со Обединетото Кралство коишто исто така се залагале за спречување на влијанието на Германија и Австро-Унгарија.

Ривалството помеѓу Русија и Австро-Унгарија кулминирало во 1908 година кога Австро-Унгарија извршила анексија на Босна и Хергеговина.Тогаш Русија дури започнала и финансиски и воено да ги помага Србија и Црна Гора.