Ваденско Море: Разлика помеѓу преработките
| [проверена преработка] | [проверена преработка] |
с r2.5.4) (Робот: Ја менувам eo:Vadamaro во eo:Vadmaro |
с Робот: Менува eo:Vadmaro→eo:Vadmaro en Germana Golfo |
||
| Ред 76: | Ред 76: | ||
[[en:Wadden Sea]] |
[[en:Wadden Sea]] |
||
[[es:Mar de Frisia]] |
[[es:Mar de Frisia]] |
||
[[eo:Vadmaro]] |
[[eo:Vadmaro en Germana Golfo]] |
||
[[eu:Wadden itsasoa]] |
[[eu:Wadden itsasoa]] |
||
[[fa:دریای وادن]] |
[[fa:دریای وادن]] |
||
Преработка од 22:02, 8 декември 2012
| светско наследство на УНЕСКО | |
|---|---|
 | |
| Критериум | природно: viii, ix, x |
| Навод | 1314 |
| Запис | 2009 (XXXIII заседание) |
Ваденското Море (холандски: Waddenzee, германски: Wattenmeer, долногермански: Wattensee или Waddenzee, дански: Vadehavet, западнофризиски: Waadsee) е крајбрежен појас во југоисточниот дел на Северното Море. Сместено е помеѓу брегот на северозападна континентална Европа и Фризиските Острови, образувајќи плитка водна површина со плитаци и мочуришта. Целото подрачје се одликува со голема биолошка разновидност. Во 2009, холандскиот и германскиот дел на морето биле прогласени за светско наследство на УНЕСКО.[1]
Според стручњаците, Ваденското Море има еден од највидоизменетите брегови во светот како последица на човечките активности,[2] што може да се забележи од системите од бразди и насипи на копното и ниските крајбрежни острови. Ваденското Море се протега од Ден Хелдер во Холандија на југозапад, ги одминува големите речни устија на Германија и завршува кај северната граница на Скалинген, северно од Есбјерг во Данска. Овој потег има вкупна должина од 500 км и површина од околу 10.000 км². Во рамките на Холандија, морето се граничи со езерото Ејселмер крај насипот Афслејтдејк.
Островите во морето се нарекуваат Ваденскоморски Острови или Фризиски Острови, кои го добиле името од месното население - Фризијците. Меѓутоа, фризискиот јазик не се говори во најзападниот дански остров Тексел веќе со векови. Данските Ваденскоморски Острови никогаш немале фризиско население. Оддалечениот германски остров Хелиголанд етнички е фризиски, но не се наоѓа во Ваденското Море.
Природа
Зборот wad е холандски поим за „плитак“ (долногермански и германски: Watt, дански: Vade). Подрачјето се карактеризира со пространи плитаци од тиња, подлабоки приливни брази (приливни потоци), а островите во оваа област постојано се потопуваат и излегуваат на површина. Пејзажот во голема мера е создаден од бурни приливи во периодот од X до XIV век, преплавувајќи и носејќи ги тресетните површини зад крајбрежните песочни дини. Денешните острови се остатоци од некогашните дини.
Островите имаат со дини и широки песокливи плажи кон Северното Море и низок приливен брег кон Ваденското Море. Брановите и струите постојано однесуваат наноси, постепено менувајќи го обликот на островите. На пример, островите Влиланд и Амеланд низ вековите се поместени источно, губејќи го копното на една страна и добивајќи ново на друга.
Ваденското Море е значајно по богатата флора и фауна, особено птиците. Местото е зимувалиште за стотици илјади крајбрежни птици, патки и гуски, богато живеалиште за галеби и рибарки.[3]
Поврзано
- Национален парк Ваденско Море
- Национален парк Ваденско Море (Хамбург)
- Национален парк Ваденско Море (Долна Саксонија)
- Национален парк Ваденско Море (Шлезвиг-Холштајн)
- Национален парк Ваденско Море (Данска)
References
- ↑ Место на светско наследство Ваденско Море пров. 29 април 2010 (англиски)
- ↑ C. Michael Hogan. 2011. Wadden Sea. eds. P. Saundry & C. Cleveland. Encyclopedia of Earth. National Council for Science and the Environment. Washington DC
- ↑ Предлошка:Цитирана книга
Надворешни врски
 |
„Ваденско Море“ на Ризницата ? |
- Предлошка:Цмс (англиски)
- Ваденско Море - Центар за светско наследство на УНЕСКО (англиски)
- Подрачје на светско наследство Ваденско Море (англиски)
- Здружение на општините на Холандија, Данска и Германија во Ваденското Море (англиски)
