Ирански јазици

Ирански јазици
Географска распространетост:	Југозападна Азија, Централна Азија, и западна Јужна Азија
Класификација:	индоевропски индоирански ирански јазици
Прајазик:	праирански
Гранки:	западноирански источноирански
ISO 639-2 и 639-5:	ira

Иранско јазично стебло.

Иранските јазици сочинуваат подгрупа јазици од индоиранските јазици, дел од семејството на индоевропски јазици.Овие јазици ги зборуваат иранските народи. Историскиот развој на иранските јазици е поделен на староирански јазици (до 400 г.п.н.е.), средноирански јазици (400 г.п.н.е. - 900 г.) и новоирански јазици (од 900 г.). Од староиранските јазици најпознати се староперсискиот јазик и авестанскиот јазик. Средноиранските јазици ги опфаќале, меѓу другите, средноперсискиот и партскиот јазик. Денес најголеми ирански јазици се персискиот, паштунскиот, курдскиот и белуџискиот.

Според проценките за 2008 година, во светот има од 150 до 200 милиони зборувачи на иранските јазици. Според Ethnologue, денес има 87 ирански јазици. Персискиот јазик го зборуваат 65 милиони луѓе, паштунскиот го зборуваат околу 50 милиони луѓе, курдскиот го зборуваат околу 18 милиони, белуџискиот околу 7 милиони и лорискиот околу 2.3 милиони.

Поврзано

• Индоирански јазици
• Индоевропски јазици
• Ирански народи

Надворешни врски

• Иранска лингвистика
• Иранско EFL списание
• Иранскии јазици
• Аудио и видео записи за над 50 јазици во Иран
• Иранските јазици на Ethnologue
• Ирански јазици