Винов закон за поместувањето

Интензитетот на топлинска емисија на апсолутно црно тело како функција на брановата должина за разни апсолутни температури. Биновиот закон не е очигледен на сликата, бидејќи вкупната емисија вклучува и геометриски фактор од 1/λ² кој ги брои видовите на брановата должина λ, и втор фактор од 1/λ² за да ги претвори интензитетите по единица фреквенција во интензитети по единица бранова должина

Виновиот закон за поместување, или како што е попознат Виновиот закон кажува дека распореденоста на брановата должина на топлинското зрачење на апсолутно црно тело на било која температура ја има, во основа, истата форма како и на било која друга температура, само што истата е поместена на графикот. Зрачењето на апсолутно црно тело може да се претпостави дека е еднакво на она во Виновиот закон на високи фреквенции.

Виновиот закон во математичка форма би изгледал вака:

$\lambda _{\max }={\frac {b}{T}}$

каде што $\lambda _{\max }$ е максималната бранова должина на зрачењето при одредена температура, $b=2.898\times 10^{-3}\ m\cdot K$ е Виновата константа, додека $T$ е температурата на телото кое зрачи.