Текелиево

Женска празничка носија, с.Текелиево и с. Селјачево, Вардарија (Солунско), втора половина на XIX век (од книгата „Македонски народни носии“ Ѓорѓи Здравев)

Текелиево (грчки: Σίνδος) е индустриско предградие на градот Солун, Грција. Таму се наоѓа солунската техничката образовна институција „Александрио“ (грчки: Αλεξάνδρειο ΤΕΙ Θεσσαλονίκης) како и индустриската зона на градот, со голем број на индустриски капацитети, хангари, стоваришта итн. Текелиево претставува и голема товарна железничка станица на излезот од солунското пристаниште кон Република Македонија. На влезот од местото се наоѓаат православна црква и воена касарна. Дел е од општината Ехедорос.

Историја

Селото Текелиево своето име го добило по старо турско теќе кое се наоѓало во селото. Текелиево е сместено во македонската етногеографската област Вардарија во околината на Солун. Пред поделбата на Македонија со мировниот договор од Букурешт во 1913, селото броело стотина куќи и 425 жители (1903 година), Македонци и Турци, oд кои Македонците биле доминантно мнозинство^{[се бара извор]}. Со масовната колонизација на грчко население на местото во 1922 драстично се променил и етничкиот состав на населението на Текелиево. Денес во местото сѐ уште има мал број на Македонци кои местото го нарекуваат со македонското име Текелиево. Доказ за тоа се и неколку пекарници и работилници во сопственост на Македонци кои ги носат имињата „Текели“ и „Текелево“ ^{[се бара извор]}.