Западна Европа

Државите на Западна Европа.

Државите на Западна Европа според ООН.

Западна Европа е еден од регионите на Европа. Овој регион граничи со Јужна Европа на југ, Средна Европа на исток, Северна Европа на север и со Атлантскиот Океан на запад. Западна Европа, главно, ги опфаќа териториите што излегуваат на Атланскиот Океан. Поради тоа таа се нарекува и Атлантска Европа.Дел од неа е на европското копно, а дел се островски територии. Непосредниот излез на море на државите од Западна Европа им овозможува широка и слободна комуникација со светот. Каналот Ла Манш(меѓу Франција и Велика Британија) е мошне важен за морскиот сообраќај на западноевропските држави со другите држави од светот. Големите реки со својата пловност овозможуваат комуникација длабоко во внатрешноста на државите. Движењето на Голфската морска струја покрај бреговите на Западна Европа придонесува за формирање на мошне пријатно климатско поднебје. Природните погодности во Западна Европа овозможиле висока стопанска развиеност, така што сите држави се одкликуваат како високоразвиени индустриски земји кои влијаат и врз развојот на другите делови од светот. Една од причините за тоа е фактот што, покрај Шпанија и Португалија, скоро сите држави од Западна Европа формирале големи колонијални поседи по светот. Таму се користеле и се користат големи природни богатства и суровини. Погодните природни и создадените услови во Западна Европа се главна одредница за нивната географска положба. Спред тоа, се констатира дека Западна Европа се одликува со мошне поволна географска положба.

Политичка поделба

Политички, Западна Европа ги вклучува:

• Скандинавскиот Полуостров: Данска, Финска, Норвешка, Шведска, и Исланд
• Британските Острови: Ирска и Обединето Кралство
• Алпите: Австрија, Лихтенштајн, Германија и Швајцарија
• Бенелукс и Франција: Франција, Монако, Белгија, Холандија, и Луксембург
• Апенинскиот Полуостров: Италија, Сан Марино, Малта и Ватикан
• Пиринејскиот Полуостров: Шпанија, Португалија, Андора

Држави во Западна Европа

Територијата на Западна Европа е поделена на седум држави, од кои: Велика Британија и Ирска се островски држави, Холандија, Белгија, Франција и Монако излегуваат на море, а само Луксембург е континетална држава. Поради блиската меѓусебна соработка, земјите Белгија, Холандија и Луксембург со заедничко име се нарекуваат Бенелуке.

• Белгија
• Ирска
• Луксембург
• Монако - понекогаш се смета и за јужноевропска земја
• Обединето Кралство
• Холандија
• Франција

Карти за Западна Европа

• 
  Политичка карта на регионите во Европа.
• 
  Западна Европа.
• 
  Западна Европа со останатите региони на Европа.
• 
  Државите на Западна Европа по политичката поделба во минатиот век.

Видете исто така

• Европа