Знаме на Бугарија

Националното знаме на Бугарија.

Знамето на Бугарија има правоаголна форма и се состои од три бои - бела, зелена и црвена. Тие се расположени хоризонтално одгоре надолу, при што полињата се еднакви по форма и големина.

Историја

За време на османлиското ропство ајдуците и комитите го користат зеленото знаме со извезан златен лав и со натпис Свобода или смърт! (Слобода или смрт!).

Првото знаме со зелена, бела и црвена боја, подредени во дадениот редослед хоризонтално, се користи во 1861-1862 г. од Бугарската Легија, основана од Георги Сава Раковски. За прв пат, знаме на коешто боите се во денешниот распоред е сошиено од Стилјана Парашкевова во романскиот град Браила и предадено на бугарските доброволци, коишто учествувале во Руско-турската војна од 1877-1878 година. Знамето е квадратно со лав, и натпис БЪЛГАРИЯ во средината. Денес знамето е дел од колекцијата на знамиња на Националниот военоисториски музеј.

По Ослободувањето, првиот бугарски устав од 16 април 1879 во член 23 определува, дека „Бугарското народно знаме е тробојно и се состои од бела, зелена и црвена боја, поставени хоризонтално“.

Во 1947 кон знамето, во левиот горен агол на белата боја, е додаден грбот на Народна Република Бугарија, кој што постои до 27 ноември 1990. На тој датум текстот во Уставот е изменет и грбот е отстранет. Промената е во сила до примањето на четвртиот Устав на Бугарија, со којшто знамето на земјата се определува во сегашната варијанта.

Надворешни врски

• Саjт на Бугарското хералдичко и вексилолошко друштво