Франкфурт на Мајна

Оваа статија се однесува на/за град во Хесен. За градот во Бранденбург, погл. Франкфурт на Одра. За други употреби, погл. Франкфурт (појаснување).

Франкфурт на Мајна
Хоризонт на Франкфурт на Мајна Хоризонт на Франкфурт на Мајна
Франкфурт на Мајна
Управа
Земја	Германија
Покраина	Хесен
Адм. подрач.	Дармштат
Округ	Урбан округ
Град единици	16 окрузи (Ortsbezirke) 46 квартови (Stadtteile)
Lord Mayor	Петра Рот (ДХС)
Владејачки партии	ДХС / Зелените
Основни податоци
Површина	248,31 км2
Надм. височина	112 м
Население	764.104 (31 декември 2020)
- Густина	3.077 жит/км2
- Градско	2.295.000
- Метроп.	5.600.000 (04/2006)
Основано	прв век
Други информации
Часовен појас	CET/CEST (UTC+1/+2)
Рег. табл.	F
Пошт. бр.	60001-60599, 65901-65936
Повик. бр.	069, 06109, 06101
Портал	www.frankfurt.de
Местоположба на град Франкфурт на Мајна во рамките на Hesse
Карта
Координати	50°6′37″N 8°40′56″E

Франкфурт на Мајна, едноставно познат само како Франкфурт (герм. Frankfurt am Main), е најголемиот град во германската покраина Хесен и петти по големина во Германија, со 672.000 жители. Во урбаното подрачје се проценува дека има 2.295.000 жители во 2010 година. Градот е во центарот на големиот метрополитански регион Франкфурт/Рајна – Мајна, кој има 5.600.000 жители и е вторa најголема метрополитанска германска област.

Градот е лоциран на стариот брег на реката Мајна, германски збор за тоа е „Furt”. Тоа е дел од поранешната Франконија, а жителите беа раните Франки. Така, името на градот го открива своето наследство како „брег на Франките“.

Лоциран на реката Мајна, Франкфурт е финансиски и транспортен центар во Германија и најголем финансиски центар во континентална Европа. Тој е седиште на Европската централна банка, Германската сојузна банка, Франкфуртската берза и на Франкфуртскиот саем, како и седиште на уште неколку големи комерцијални банки. Аеродромот во Франкфурт е еден од светските најпрометни меѓународни аеродроми, Централната железничка станица во Франкфурт е една од најголемите крајни станици во Европа и Франкфуртскиот Кројц (Autobahn крстосница) е најупотребуваната крстосница во Европа. Франкфурт е единствениот град во Германија кој е на листата на десетте Алфа светски градови. Франкфурт се наоѓа во поранешната Американска окупациона зона во Германија и тој порано беше седиште на американската армија во Германија.

Франкфурт се смета за алфа светски град, запишан во списокот во 2008 година од страна на групацијата на Лофборскиот универзитет и е рангиран на 21 место од сите глобални градови во поглед на надворешната политика од страна на Индексот на глобалните градови во 2008 и претставува меѓународен центар за трговија, финансии, култура, сообраќај, образование и туризам. Според анкетата во врска со трошоците за живот на трговецот, Франкфурт е втор најскап град во Германија, а 48-ми во целиот свет. Франкфурт, исто така, се вбројува во топ десетте најубави градови за живот во светот, според консултантската агенција за човечките ресурси Мерсер.

Меѓу говорниците на англиски јазик, градот е познат едноставно само како Франкфурт, иако повремено Германците го нарекуваат со полното негово име за да го разликуваат од другиот Франкфурт (значително помал) во областа Бранденбург, Франкфурт на Одра.

40% од населението на Франкфурт, и 65% на оние на возраст под пет години се со имигрантско потекло.

Краток преглед

Хоризонт на Франкфурт и реката Мајна со излетнички бродови.

Универзитет Јохан Волфганг Гете, поранешната зграда на ИГ Фарбен

Франкфурт е финансиски центар на Германија со векови и е дом на бројни големи банки и брокерски куќи. Трите столба на економијата во Франкфурт се финансиите, сообраќајот и трговијата. Берзата во Франкфурт веќе долго е најголема во Германија и е една од најзначајните во светот. Франкфурт е исто така седиште на Европската централна банка, која ја поставува монетарната политика за економијата во Еврозоната, како и на Германската сојузна банка. Повеќе од 300 домашни и меѓународни банки се претставени во Франкфурт, вклучувајќи ги и седиштата на најголемите германски банки.

Франкфурт има одлична сообраќајна инфраструктура, а меѓународниот аеродром на Франкфурт е најголемиот европски воздухопловен центар. Неговата централна локација во срцето на Европа и одличната пристапност по воздушен, железнички и патен пат го прават аеродромот навистина атрактивен.

Исто така, во Франкфурт се одржуваа многу големи саеми секоја година, особено познати се Меѓународната изложба на автомобили, најголемото светско моторно шоу, Саемот на книга во Франкфурт, најголемиот светски саем на книгата и најголемиот светски музички саем.

Франкфурт е исто така дом на многу културни и образовни институции, вклучувајќи го Универзитетот Јохан Волфганг Гете, многу музеи, и две големи ботанички градини, Градината на палмите и Ботаничката градина на Универзитетот Јохан Волфганг Гете во Франкфурт на Мајна.

Франкфурт е еден од трите града во Европската Унија, кои имаат значаен број на облакодери. Со 12 облакодери (т.е. згради повисоки од 150 метри) во доцната 2010, Франкфурт е втор веднаш по Париз со 14 облакодери, и пред Лондон со 10 облакодери. Градот Франкфурт содржи два најголеми облакодери во Европската Унија, кулата Комерцбанк и кулата Месе, со што се рангираат на третото и четвртото место веднаш по Кулата Набережнаја и Триумфалната палата во Москва.

Панорама на Франкфурт гледана од покривот на Мејнтауер

Историја

Главна статија: Историја на Франкфурт на Мајна

Во областа на Рeмер, каде биле воспоставено римски колонии, веројатно во првиот век, а некои артефакти од тоа време се наоѓаат дури денес. Градското подрачје Бонамес го добило името веројатно уште во римскиот период - се смета дека е изведено од bona me(n)sa. Нида (Хедернхајм), исто така бил град на Римјаните.

Името на Франкфурт на Мајна потекнува од Franconofurd од германските племиња на Франките; Furt (англиски Ford) каде реката беше доволно плитка за да се помине преку неа. Алеманите и Франките живееле овде и од 794 год Карло Велики претседавал со царското Собрание и црковниот Синод, кога за првпат е споменат Franconofurd.

Франкфурт бил еден од најважните градови во натамошното Свето римско царство. Од 855 година, германските кралеви и цареви биле избирани во Франкфурт и крунисани во Ахен. Од 1562 година, кралевите/царевите, исто така биле крунисувани во Франкфурт, Максимилијан Втори бил првиот. Оваа традиција завршила во 1792 година, кога бил избран Франц Втори. Крунисувањето било намерно одржано на Денот на Бастилја, 14 јули, годишнината од освојувањето на Бастилја. Изборите и крунисувањата се одржувале во Катедралата на Св. Вартоломеј, позната како Kaiserdom (Катедралата на царот) или во претходниците.

Frankfurter Messe (Франкфуртскиот саем) за прв пат бил спомнат во 1150 година. Во 1240 година, царот Фридрих Втори им додели царска привилегија на неговите посетители, што значи дека тие ќе бидат заштитени од страна на Царството. Саемот станал особено важен, откако за сличните саеми во француските комуни се изгубило интерес во 1380 година. Саемот на книгата се одржува во Франкфурт уште од 1478 година.

Во 1372, Франкфурт стана Reichsstadt (Царски град), односно директно потчинет на Светиот римски цар, а не на некој регионален владетел или пак локален благородник.

Франкфурт во 1612

Франкфурт успеа да остане неутрален за време на Триесетгодишната војна, но градот патеше од бубонската чума, која ја донесоа бегалците. По завршувањето на војната, Франкфурт си го поврати богатството.

Во Наполеоновите војни Франкфурт бил окупиран и неколку пати бомбардиран од француските трупи. И покрај тоа, и понатаму остана слободен град сè до целосниот колапс на Светото римско царство во 1805/6. Во 1806 година, станал дел од кнежеството Ашафенбург на чело со Fürstprimas (Архиепископот), Карл Теодор Антон Марија фон Далберг. Ова исто така значело дека Франкфурт бил припоен кон Рајнската конфедерација. Во 1810 година Далберг ја доби титулата Големиот војвода на Франкфурт. Наполеон сакал својот посвоен син Евгениј де Бохарн, веќе Принц на Венеција, да го направи Голем војвода на Франкфурт по смртта на Далберг (бидејќи второспоментиот како католички бискуп нема легитимен наследник). Големото војводство траело краток период од 1810 до 1813 година, откако воениот тек на настани се свртел во корист на англо-пруските водечки сојузници, кои ја отфрлиле наполеонската доминантност во централна Европа. Далберг се повлекол во корист на Евгениј де Бохарн, што секако било само симболична акција, бидејќи второспоменатиот всушност никогаш не владеел по уништувањето на француските армии и кога Франкфурт им припаднал на сојузниците.

По последниот пораз и абдикацијата на Наполеон, Виенскиот конгрес (1814-1815, прецртување на картата на Европа) го распушти Големото војводство и Франкфурт влезе во новонастанатата Германска конфедерација (сè до 1866) како слободен град, станувајќи седиште на Бундестагот, конфедералниот парламент што го претседаваше Хабсбуршкиот император на Австрија, претставен од австискиот „претседателски пратеник“.

Франкфуртскиот парламент во црквата Св. Павле во 1848

По несреќната револуција од 1848 година, Франкфурт бил седиште на првиот демократски избран германски парламент, Франкфуртски парламент, кој заседавал во Frankfurter Paulskirche (Црквата Св. Павле) и бил отворен на 18 мај 1848 година. Институцијата пропаднала во 1849 година, кога прускиот крал прогласил дека нема да ја прифати „круната на мизеријата“. Во годините на неговото постоење, собранието развило заеднички Устав за обединета Германија, со прускиот крал како свој монарх.

Франкфурт ја загубило својата независност по Австро-пруската војна, откако Прусија во 1866 година присвоила неколку помали држави, меѓу кои и Слободниот град Франкфурт. Пруската администрација го вклучила Франкфурт во својата провинција Хесен-Насау. Претходно независните градови Борнхајм и Бокенхајм биле припоени во 1890 година.

Во 1914 година, граѓаните на Франкфурт го основале Универзитетот Франкфурт, подоцна наречен Универзитет Јохан Волфганг Гете. Ова е единственото граѓанско основање на Универзитет во Германија, а денес тој е еден од најголемите универзитети во Германија.

Од 6 април до 17 мај 1920 година, следеле воени интервенции за смирување на Рурското востание, Франкфурт бил окупиран од страна на француските трупи. Французите изјавиле дека членовите од 42 до 44 од Мировниот договор во Версај, кој се залагал за разоружување на Рајнската област се прекршени. Во 1924 година, Лудвиг Ландман станал првиот еврејски градоначалник на градот и водел кон значајно проширување за време на наредните години. Меѓутоа, за време на нацистичката ера, синагогите во Франкфурт биле уништени.

Поглед од горе на катедралата во ај 1945 по Втората светска војна

Градот Франкфурт бил неколку пати бомбардиран за време на Втората светска војна (1939-1945). Биле убиени над 5.500 жители за време на нападите и некогаш познатиот средновековен градски центар, во тоа време и најголем во Германија, бил уништен. Повоената реконструкција се обележа со едноставен модерен стил, неповратно менувајќи го архитектонското лице на Франкфурт. Само неколку атрактивни згради биле историски реконструирани, но на специфичен начин.

Збирката на историско важните документи Каирска гениза на Градската библиотека биле уништени за време на бомбардирањата на градот. Според арабискиот и генизаскиот научник С.Д. Гоитајн „не преживеала дури ни литературата која ја индицира содржината“.

По завршувањето на војната, Франкфурт станал дел на новонастаната држава Хесен, која се состоела од некогашните провинции на стар Хесен-(Дармштад) и Пруски Хесен. Градот бил дел од Американската окупациона зона на Германија. Воениот гувернер на американска зона (1945-1949) и Високиот комесар на Америка за Германија (1949-1952) имале нивни штабови во IG Farben Building, намерно оставена неоштетена за време на бомбардирањата на сојузниците за време на војните. Франкфурт бил првичниот избор за привремен главен град на Западна Германија - тие стигнаа и до градење на нова парламентарна зграда, која никогаш не беше искористена за таа намена. Од 1949 година, била користена како зграда за радиските студија на Hessischer Rundfunk. На крајот, Конрад Аденауер (првиот повоен канцелар) го преферирал малиот град Бон, во најголем дел бидејќи бил блиску до неговиот роден град, но исто така и од друга причина; многу други истакнати политичари се спротиставуваа на изборот Франкфурт, еден од најголемите градови во Германија и стар центар на старото германско доминантно Свето Римско Царство, да биде прифатен за „постојан“ главен град на Германија, притоа намалувајќи ја подршката на населението во Западна Германија за повторно обединување, и можното враќање на Владата во Берлин.

Реконструкција (1981–1984) на шест куќи на источната страна на Ремерберг, кои беа уништени во Втората светска војна

Во текот на 1970-тите, градот создал еден од европските најефикасни подземни транспортни системи. Тој систем го вклучува приградскиот железнички систем (S-Bahn) способен да оди од најзафрлените подачја, па сè до центарот, и длабок подземен лесен железнички систем со помали вагони (U-Bahn) исто така способен за патување над земја на уличните железници.

Во повоениот период, Франкфурт поново никна во финансиски и транспортен центар на Германија.

Население

Како најголем центар на меѓународната трговија, Франкфурт е мултикултурен град, дом на луѓе од 180 националности. Во прилог на етничкото германско мнозинство, градот содржи бројно имигрантно население од Турција, Италија, Хрватска, Србија, Полска, Грција, Македонија, Мароко, Босна и Херцеговина, Пакистан, Шпанија, Португалија, Франција, Јапонија, САД, Австрија, Индија, Англија, Романија, Авганистан, Русија, Бугарија, Либан и Кина. Франкфурт е исто така дом на втората по големина Корејска заедница во Европа и најголемата во Германија, тамилска заедница од Шри Ланка.

Долго време во Франкфурт доминирал протестантизмот. Меѓутоа, за време на 19-тиот век голем број на католици се преселиле овде. Во 2006 година, католицизмот беше најголема доминација веднаш по протестантизмот, 25% и 23% соодветно. Но, и двете доминации губат членови и двете заедно имаат помалку од пола население. Според Централниот совет на Евреите во Германија, постојат 7.300 Евреи поврзани со еврејската вера во Франкфурт, давајќи ја третата најголема еврејска заедница (покрај Берлин и Минхен) во Германија.

Клима

Франкфурт има умерена океанска клима со релативно ладни зими и благи лета. Просечната годишна температура изнесува 10.1°С.

Климатски податоци за Frankfurt
Месец	Јан	Фев	Мар	Апр	Мај	Јун	Јул	Авг	Сеп	Окт	Ное	Дек	Годишно
Прос. висока °C (°F)	4.0 (39.2)	5.6 (42.1)	10.4 (50.7)	14.5 (58.1)	19.5 (67.1)	22.3 (72.1)	24.8 (76.6)	24.8 (76.6)	20.1 (68.2)	14.0 (57.2)	7.7 (45.9)	5.0 (41)	14.4 (57.9)
Сред. дневна °C (°F)	1.4 (34.5)	2.2 (36)	6.2 (43.2)	9.3 (48.7)	14.0 (57.2)	17.0 (62.6)	19.3 (66.7)	19.1 (66.4)	15.1 (59.2)	10.0 (50)	4.9 (40.8)	2.5 (36.5)	10.1 (50.2)
Прос. ниска °C (°F)	−1.3 (29.7)	−1.2 (29.8)	1.9 (35.4)	4.1 (39.4)	8.4 (47.1)	11.7 (53.1)	13.7 (56.7)	13.4 (56.1)	10.1 (50.2)	6.0 (42.8)	2.1 (35.8)	0.0 (32)	5.8 (42.4)
Прос. врнежи мм (ин)	42.5 (1.673)	37.1 (1.461)	47.6 (1.874)	42.8 (1.685)	60.2 (2.37)	60.6 (2.386)	64.9 (2.555)	52.9 (2.083)	50.0 (1.969)	54.6 (2.15)	51.8 (2.039)	55.7 (2.193)	620.7 (24.437)
Прос. бр. врнежливи денови	9.8	7.1	9.3	8.5	9.8	10.3	9.3	7.8	8.1	9.3	9.7	9.9	108.9
Извор: World Meteorological Organization (UN)

Географија

Географска локација

Градот е лоциран на двете страни на реката Мајна во југо-западниот дел на Германија. Јужниот дел на градот го содржат шумите на Франкфурт (Frankfurter Stadtwald), германската најголема шума внатре во градот.Центарот на Франкфурт е лоциран на северниот страна на реката.

Соседски заедници и области

На запад Франкфурт се граничи со Main-Taunus-Kreis (Hattersheim am Main, Kriftel, Hofheim am Taunus, Kelkheim (Taunus), Liederbach am Taunus,Sulzbach (Taunus), Schwalbach am Taunus и Eschborn); на северо-запад со Hochtaunuskreis (Steinbach (Taunus), Oberursel (Taunus), и Bad Homburg); на север со Wetteraukreis (Karben и Bad Vilbel); на северо-исток со Main-Kinzig-Kreis (Niederdorfelden и Maintal); на југо-исток со градот на Offenbach am Main; на југ со Kreis Offenbach (Neu-Isenburg) и на југо-запад со Kreis Groß-Gerau (Mörfelden-Walldorf, Rüsselsheimand Kelsterbach).

Градски делови и окрузи

Градот е поделен на 46 градски делови (Stadtteile или Ortsteile) кои се пак поделени на 118 градски безирки (Stadtbezirke). Најголемиот Ortsteil е Захсенхаузен-Југ. Најголемите Stadtteileare инкорпорираа предградија(Vororte) или претходно поделени градови, како Höchst. Некои како Nordend никнаа за време на рапидното збогатување на градот во Грундерцајт со што следеше соединувањето на Германија. Другите беа формирани од колониите кои претходно им припаѓаана други градови, како Дорнбуш.

46 поделби се комбинирани во 16 области или Ортсбезирки,каде секоја има областен комитет и претседател.

Историја на припојувањето

Се до средината на 19 век, територијата на Франкфурт се состоеше од сегашните Градски делови (Stadtteile) на Алтштад, Иненштад, Банхофиртел, Гутлаутфиртел, Галус, Вестенд, Норденд, Остенд, Ридервалд и Захсенахаузен. По 1877 година, голем број претходно независни оласти беа вклучени во градот, види ја листата на сегашната поделба на градот.

Главни знаменитости

Катедрала Свети Вартолемеј

Катедралата св.Бартоломеј (Dom Sankt Bartholomäus) е градба во готски стил која е конструирана во 14 и 15 век на фондацијата на претходната црква од меровингианското време. Тоа е главната црква во Франкфурт. Од 1365 година па натаму, кралевите на Светата Романска Империја беа избирани од црквата, и од 1562 до 1792, романско-германските императори беа овде крунисувани.

Од 18 век, Св.Бартоломеј беше нарекувана „катедрала“ од страна на народот, иако никогаш не беше седиште на некој бископ.. Во 1867 година, катедралата беше запалена и беше поново изградена во сегашниот свој стил. Висината на катедралата е 95м.

Црква Свети Павле

Црквата Св.Паул (Paulskirche) е национален историски монумент во Германија со голем политички симболизам, бидејќи беше седиште на првиот демократско избран Парламент во 1848 година. Во 1789 година беше основана како протестанска црква но не беше завршена се до 1833 година. Нејзината важност има корени од Парламентот на Франкфурт, кој се состануваше во црквата за време на револуционерните години 1848/49 со цел да напише Устав за обединета Германија. Обидот не успеа бидејќи монарсите од Прусија и Австрија не сакаа да ја изгубат моќта, и во 1849 година пруските трупи го завршија демократскиот експеримент со силата на закана и со тоа парламентот беше разрешен.Понатаму, зградата беше повторно искористена во служба на црквата.

Св.Паул беше делумно уништена во Втората светска војна, особено внатрешноста на зградата, која сега има модерен стил. Беше брзо и симболично поново изградена по војната;а денес не се користи во религиозни служби, но главно за изложби и настани.

Старата оперска куќа

Познатата стара оперска куќа (Alte Oper) беше исградена во 1880 година од страна на архитектот Ричард Лусе. Беше една од најголемите оперски куќи во Германија се дотогаш додека не беше тешко уништена во Втората светска војна. Се до доцните 1970 години беше рушевина, наречена „Најубавата германска рушевина“. Имаше мислења само да се минира. Поранешниот градоначалник на Франкфурт Руди Арнт повика минирање во 1960-тите години,со што го доби прекарот „Динамитот-Руди“.(покасно Руди спомена дека никогаш не ја мислел таа сугесттија сериозно). Должејќи се на јавниот притисок, беше целосно реконструирана и одново отворена во 1981 година. Денес служи како концертна сала, додека оперите се изведуваат во Операта Франкфурт.

Насловот на бордурата на Старата опера вели: „ Dem Wahren, Schönen, Guten“(За вистината, за убавината, за доброто“).

Франкфуртската оперска куќа

Франкфуртската опера е водечка оперска компанија во Германија и една од најважните оперски куќи во Европа. Беше избрана за „Оперска куќа на годината“ од страна на германскиот магазин Opernwelt во 1995 и 2003 година.

Црква Света Катарина

Црквата Св.Катерина е најголемата евангелистичка црква (лутеранска) во Франкфурт.Лоцирана е во самиот центар на градот на влезот во Цајл.

Хауптвахе

Хауптвахе е зграда во барокен стил изградена во 1730 година, најпрво користејќи се како затвор. Името и е дадено по околниот плоштад и транспортното седиште под неа. Ситуиран е на едниот крај на Цајл,на главната улица за шопинг во градот.

Цајл

Цајл е главната улица за шопинг во Франкфурт и една од најнатрупаните во Германија. Улицата е пешачка зона и е ограничена со два големи плоштади, Хауптвахе на запад и Констаблервахе на исток. Тоа е втора најскапа улица за продавниците да плаќаат кирија во цела Германија веднаш по Кауфингерштрасе во Минхен.

За времето пред Божиќ, пешачката зона е резервирана за еден од најголемите и најстарите божиќни пазари во Германија.

Ремер

Името значи „Романски“. Всушност, беа земени девет куќи од страна на градскиот совет од богатите фамилии. Средната куќа стана градска сала,подоцна беше поврзана со соседните згради. На горниот спрат е Kaisersaal (Салата на императорот“) каде што ново крунисаниот император ги одржува своите гозби. Румер беше делумно уништен за време на Втората светска војна и подоцна одново изграден.Лоциран е во Румерсберг.

Архитектура на 20-от век

Фрауенфриденскирхе, од 1929 година, пример за рана модерна градба на црква.

Гросмарктхале, изградена 1926-1928 година, поранешен пазар на трговија на големо, а подоцна централа на Европската централна банка • Зградата ИГ Фарбен, изградена 1928-1930 година, денешен Универзитет Јохан Волфганг фон Гете • Куќата на Гете, поново изградена во 1947 година. Родното место на Јохан Волфганг фон Гете од 1749 година беше уништено во Втората светска војна и подоцна одново изградено исто како оригиналот. Музејот на Гете е веднаш до неа. • Музеј за применета уметност, изграден во 1985 година, дизајниран од страна на Ричард Маер.

Облакодери

Франкфурт е единствен град во Германија со значаен број облакодери, се мисли на згради од најмалку 150 метри. Има единаесет згради, и уште две (Кулата 185, 205 метри и Седиштето на Европската централна банка, 185 метри) веќе во изградба. Само Бон има една зграда (Пост кулата, 163 метри) над 150 метри. Најголем број од облакодерите во Франкфурт се лицирани на западниот дел од центарот на градот наречен Банкенфиртел (финансиска област). Највисоките облакодери во Франкфурт се: Кулата Комерцбанк, 159 м-највисоката зграда во Европа(1997-2003), седиштето на Комерцбанка. Месе турм, 258 м-највисока зграда во Евопа (1990-1997) Вестендштрасе 1, 208 м-седиште на банката DZ Главната кула, 200 м-седиште на Ландесбанката Хесен-Туринген со палуба за набљудување отворена за јавноста. Кулата 158, 200 м-седиште на PwC Germany Трианон, 186 м-седиште на Декабанка Опернтурм, 170м-седиште на UBS Germany Сребрената кула, 166м-најголема зграда во Германија(1978-1990), седиште на Дрезденската банка Центарот Плаза Биро, 159м-највисоката зграда во Германија(1976-1978) Дојче банк 1, 155м-седиште на Дојче банк Дојче банк 2, 155м-седиште на Дојче банк Скипер, 154м

Други високи згради

•Еуропатурм-Европската кула е телекомуникациска кула позната како Франкфуртска ТВ Кула. Тоа е највисоката кула во градот со висина од 337.5 метри. Отворена е за јавноста од 1999 година, со прием на вртешкиот врв. Локалното население ја нарекува "Ginnheimer Spargel" (The Ginnheimer Asparagus), што не е точно бидејќи не е лоцирана на областа Гинхајм но е неколку метри во областа Бокенхајм, •Хенигер турм-120 метри високо сило изградено од 1959-1961 година и сопственост на Хенигер Бревери. Има два ротирачки ресторани на висина од 101 и 106 метри и отворена панорама на висина од 110 метри. Кулата била затворена за јавност се до октомври 2002 година.Плановите за уништување на кулата и заменување на истата биле оставени. Денес има нови планови за да се претвори во станбена кула. •Гететурм-висока е 43 метри изградена само од дрво на северниот крај на шумата на Франкфурт во Захсенхаузен.Тоа е петта по големина дрвена градба во Германија. Била изградена во 1931 година и сеуште е популарно место за туристите, посебно фамилиите како големо собиралиште и кафетеријата е изградена на долниот дел на кулата.

Култура

Фестивали

Најголемиот фестивал во градот е Museumsuferfest (Музејскиот фестивал на речниот брег).Тоа е еден од најголемите културни фестивали во Германија кој привлекува над 3 милиони посетители во период од 3 дена.Се случува секоја година на крајот на август на двете страни на речниот брег на реката Мајна во центарот на градот. Тука се лоцирани над 20 музеи кои се отворени до доцна во ноќта. Таму има посебни атракции како живи свирки, танцувачки шоуа, неколку штандови за уметност, работилници за накит, облека и храна од секаде во светот. Завршува со спектакуларен огномет.

Најстариот народен фестивал во Франкфурт е Dippemess (Фестивалот за камени работи) кој се одржува двапати годишно околу Велигден и на крајот на септември во источниот дел на градот. За прв пат е споменат во 14 век како годишен пазар, а денес е повеке од забавен парк. ( "Dippe" е регионален дијалект на Хесен, збор кој значи „пехар“ или „грне“ и кој нема да биде разбран во најголем број германси региони. Името на фестивалот потекнува од самата намена, кога на изложба се нудеа традиционални украсни грниња, пехари или други работи од камен).

Франкфуртскиот Wäldchestag (Денот на дрвото) е шеговито познат како регионален празник затоа што се до 1990-тите години, беше познато дека продавниците во Франкфурт беа затворени на овој ден. И покрај името, фестивалот се одржува четири дена по Pentecost а всушност Денот на дрвото се одржува во вторник. Но она што е посебно за овој фестивал е неговата локација во Шумата на Франкфурт, јужно од центарот на градот, во Нидеррад.

Фестивалот Wolkenkratzer Festival (Фестивалот на облакодерите) е уникатен во Германија. Се одржува нередовно, последно беше во мај 2007 година. Два дена повеќето облакодери во Франкфурт се отворени за јавноста, што секако не е секогаш случај, независно од панорамата на Главната кула. Околу 1.2 милиони посетители ја имаат можноста да го видат градот од горе. Падобранците, скокачите од височина, огнометите и ласерските шоуа се дополнителни атракции. Следниот фестивал ќе се одржи во 2013 година.

Звукот на Франкфурт е музички фестивал кој се одржува во центарот на градот. Се одржува регуларно од 1994-2004 година. Разни артисти и бедови изведуваат отворени и бесплатни концерти на осум бини лоцирани главно околу Цајл. Различните видови музика (рок, латино, техно, хаус, алтернативна и поп музија) привлекувааат околу 500.000 посетители секоја година.

Странска култура

•Instituto Cervantes •Централната и источно европската онлајн библиотека

Музеји

Најголемиот број музеи во Франкфурт се лоцирани по должината на реката Мајна во Захсенхаузен (јужната страна) или во стариот дел на градскиот центар (северниот дел). Областа е позната како Museumsufer (Музејски речен брег). Има 13 музеи на јужната страна помеѓу Eiserner Steg и Friedensbrücke, вклучувајќи ги: •Deutsches Architekturmuseum(Музеј за германска архитектура) •Deutsches Filmmuseum(Музеј за германкиот филм) •Ikonenmuseum(Музеј за икони) •Liebieghaus(Музеј за локална скулптура) •Museum für Angewandte Kunst(Музеј за применета уметност) •Museum Giersch(Музеј за регионална уметност) •Museum für Kommunikation •Museum der Weltkulturen(Музеј за светската култура) •Städel, еден од најпознатите музеи во Германија Самата улица, Schaumainkai, е делумно затворена за сообраќај во саботи за најголемиот пазар за стари работи во Франкфурт. Има два музеи на северната страна: •Еврејскиот музеј на Франкфурт •Историскиот музеј Не директно лоцирани на речниот брег се: •Музејот за модерна уметност •Уметничката галерија на Ширн •Заедницата за франкфуртска уметност, основана во 1829 година. Друг важен музеј е лоциран во Вестенд: •Музеј за природна историска уметсност на Зекенбег, најголемиот природно историски музеј во Греманија.

Кулинарски специјалитети

•Франкфуртскиот колбас(ход дог) •Frankfurter Rindswurst(франкфуртски говетски колбас) •Apfelwein(Вино од јаболко) •Grüne Soße(зелен сос) •Bethmännchen •Frankfurter Kranz •Handkäs mit Musik •Rippchen mit Kraut

Денс музика

Корените на техно-музиката потекнуваат од Германија, а особено од Франкфурт. Овде, во раните 1990-ти години, локалниот диџеј Свен Вет и диџејот ДАГ за првпат одсвирија јак, длабок стил на ациден хаус кој стана многу популарен во следната декада. Едно од главните места на раната транс-музија беше ноќниот клуб Омен. Според тоа, едни од најраните и највлијателните техно-влијанија, Jam and Spoon, Dance 2 Trance, Oliver Lieb и Hardfloor, и издавачките етикети како Harthouse и Eye Q,, беа основани во 1990-ти години.

Сообраќај

Аеродроми

До градот од другите градови ширум светот се стигнува преку Аеродромот на Франкфурт кој е лоциран на12 км од центарот на градот. Аеродромот има три писти и има 265 постојани дестинации. Рангиран е меѓу првите десет ародроми во светот и е најголем карго аеродром во Европа. Аеродромот исто така служи како седиште на Кондор и како главно седиште за германскиот знаменосач Луфтханза.Според тоа колку вкупно патници има и колку летови се искористени, рангиран е на второто или третото место за најзафатените во светот по лондонскиот аеродром Хедроу и парискиот аеродром Чарлс де Гале. Во 2009 година низ Франкфуртскиот аеродром поминаа 50.9 милиони патници. До аеродромот се стигнува со кола или автобус и има две железнички станици, една регионална и една за подалешната околина. Линиите на S-Bahn се S8 и S9 (насока "Frankfurt (Main) Hbf", "Offenbach Ost или "Hanau"), оддалечен на 10-15 мин од аеродромот до Главната железничка и центарот на градот, и возовите IC и ICE за поодалечените дестинации исто така на 10-15 мин.

И покрај името, Аеродромот Хан во Франкфурт не е лоциран во близина на Франкфурт но е на 120 км од градот во Лаутценхаузен (Рајнланд-Палатинате). До овој аеродром може да се стигне само со кола или автобус. Автобуската линија започнува од Централната станица на Франкфурт и до аеродромот се потребни сат и четириесет и пет минути.Минатата година над 4 милиони патници го искористија овој аеродром со цел да ги употребат чартер летовите како Рајанеар.

Аеродромот Егелсбах Франкфурт е зафатен аеродром на генерална авијација лоциран југо-источно од Меѓународниот аеродром Франкфурт, блиску до градот Егелсбах.

Патишта

Улиците во центарот на Франкфурт се натрупани со коли за време на шпицот. Некои области, особено оние околу центрите за шопинг Цајл, се пешачки зони.Има бројни паркинзи лоцирани низ градот. Франкфурт е сообраќајно седиште на системот на германскиот аутобан. Франкфуртер Кројц е аутобанска раскрсница блиску до аеродромот каде што се аутобаните А3(Cologne-Würzburg) и А5(Basel-Hannover).Со околу 320.000 автомобили дневно, тоа е една од најнабиените крстосници цо Европа. А66 го поврзува Франкфурт со Визенбаден на запад и Фулда на исток. А661 започнува на југ(Дармштад), поминува низ источниот дел на Франкфурт и завршува на север (Бањата Хамбург).А648 е краток аутобан во западниот дел на Франкфурт.

Железнички станици

Главната железница на Франкфурт е најголемата железница во Германија во железничкиот сообраќај. Според бројот на патници , рангирана е на второто место заедно со главната железница на Минхен (секоја по 350.000) по главната желеница на Хамбург (450.000). Лоцирана е меѓу Галус и Баххоффиртел, не многу оддалечена од Саемот на Франкфурт и финансиската област (Банкенфиртел). Служи како големо седиште на возовите на големи далечини (InterCity, ICE), на регионалните возови како и на јавниот транспортен систем на Франкфурт. Таа е станица на најголемиот број ICE линии, правејќи ја најважната станица во германската мрежа на ICE.Овде исто така застануваат сите линии на Rhine-Main S-Bahn, две линии на U-Bahn, неколку трмваи и автобуски линии. Регионалните и локалните возови се интегрирани во Јавниот транспортен систем Rhein-Main-Verkehrsverbund (RMV), вториот по големина интегриран јавен транспортен систем во светот. Поголем е само Берлинскиот интегриран јавен транспортен систем(VBB).

Франкфуртниот аеродром на долги релации го поврзува Меѓународниор аеродром на Франкфурт со главната железничка мрежа, најмногу со ICE, користејќи ја линијата Cologne-Frankfurt. Тоа е една од двете железнички станици на аеродромот, а другата е за локалниот S-Bahn (линиите S8 и S9) и регионалните возови со име Аеродромска регионална станица на Франкфурт.

Третата станица на големи далечини во Франкфурт е Südbahnhof, лоцирана во Захсенахаузен.

Двете најголеми станици во центарот на градот се Хауптвахе и Констаблервахе, двете лоциани на најпознатата улица за шопинг во Франкфурт, Цајл.

Јавен превоз

Градот има два подземни железнички системи: U-Bahn и S-Bahn, како и надземниот трамвајски систем. Информации за U и S Bahn можат да се најдат на веб-станицата на RMV.

Девет линии на S-Bahn го поврзуваат Франкфурт со регионот на Рајна Мајна. Некои од нив имаат најмалку 15 минутни рути дневно, секоја по една линија на време од 15 минути, или две линии кои служат една рута од 30 минути. Сите линии, освен Ѕ7 поминуваат низ тунелот на Франфурт и поминуваат низ Остендштрасе, Констаблервахе, Хауптвахе,Таунусанлаге и Централната станица на Франкфурт. Со напуштање на градот S-Bahn-от се движи над земјата. Тој обезбедува пристап до Саемот на Франкфурт((S3-S6), аеродромот(S8, S9),стадионот(S7-S9) и градовите во близина како Визбаден, Маинц, Дармштад, Рузелсхајм, Ханау, Офенбах на Мајна, Бад Хомбург, Кронберг и некои помали градови.

U-Bahn-от има седум линии кои поминуваат низ центарот на градот и некои поголеми области. Возовите кои минуваат на таа линија се бавни возови, како и многуте други кои поминуаваат на сред улица наместо под земја, далеку од центарот на градот. Минималниот интервал на услугите е 2.5минути, иако секојневната шема е дека секоја линија поминува со фрекфентност до 7.5-10 минути, што доведува до околу 3-5 минути на секторите во центарот низ кои поминуваат многу линии.

Франфурт има 9 трамвајски линии кои поминуваат обично на секои 10 минути. Многу сектори служат по две линии, на кои им се даваат во фрекфентност од по 5 минути за време на гужвите. Трамвајот оди само на земја и има многу повеќе постојки за разлика од U-Bahn или S-Bahn.

Бројот на автобуски линии го комплетираат системот за јавен превоз ва Франкфурт. Ноќните линии ја преземаат работата на U-Bahn и трамвајот од 1.30 до 3.30 часот по полноќ.

Такси

Такси може да се најде надвор од скоро секој S-Bahn или U-Bahn и најголемите железнички раскрсници. Нормалниот начин да добиеш такси е или да се јавиш до такси-операторот или да одиш до такси стопот. И секако, иако не е норма, можеш и да најдеш некаде на улица.

Велосипеди

Германската железница исто така изнајмува и велосипеди. Тие можат да се најдат на најголемите патнички раскрсници или железнички станици. Се што треба да направиш е да се јавиш и да изнајмиш за 0.06 евра за минута или дневно за 15 евра. Велосипедите се малку потешки но имаат амортизери за да го ублажат патувањето. Сребрено-црвената боја на велосипедите со нивната уникатна рамка ги прават поочигледни и тешко достапни за кражба.

Јавноста сега користи и велотакси кое вклучува трицикл со заштитна кабина за патниците. Тоа е кабина за двајца и услугата ја покрива прошетката насекаде низ градот.

Франкфурт исто така има мрежа од модерни велосипедски рути низ градот. Повеќето од велосипедските рути на долги далечини кои што водат до градот имаат свои велосипедски ленти. Многу од градските улици се „велосипедски улици“ , каде што велосипедистот има првенство на патот, а на моторните возила им е дозволен пристап под услов да не им пречат на велосипедистите. Градот исто така има удел во велосипедизмот, погледни на порталот за велосипеди.

Секоја прва недела во месецот има настан за велосипеди наречен Critical Mass кој започнува во 14 часот пред старата опера.

Економија и бизнис

Франкфурт е еден од водечките финансиски центри во Европа. Според годишниот извештај (2007) спроведен од страна на Cushman & Wakefield, тој е еден од првите три градови за меѓународни компании во Европа, заедно со Лондон и Париз. Според листата (2001) изготвена од страна на Универзитетот на Ливерпул, Франкфурт е најбогатиот град во Европа преку GDP per capita (бруто домашниот производ). По Франкфурт се Карлсруе, Париз и Минхен. The Mercer Human Resource Consulting Worldwide Quality of Living Survey 2007 го рангира Франкфурт на седмата позиција на градови со највисок квалитет на живот во светот. Единствениот германски град со повисок квалитет беше Дизелдорф на шестата позиција.

Банки

Франкфурт често го викаат градот на банките во Германија. Понекогаш е наречен Mainhattan (синоним на локалната река Мајна и Менхетен во Њујорк) или Банкфурт. Во 2006 година шест од десетте најголеми германски банки имаа нивно седиште во градот, вклучувајќи ги и првите три ( Дојче Банк, Комерцбанк и DZ Bank). Други важни банки се are ING Diba, KfW, BHF Bank, Bankhaus Metzler, Delbrück Bethmann Maffei, DekaBank, Landesbank Hessen-Thüringen и Frankfurter Sparkasse. Овде има над триста национални и меѓународни банки.

Европската централна банка (Europäische Zentralbank) е една од најважните централни банки во светот, одговорна за монетарната политика покривајќи 16 земји – членки во Еврозоната. Од фондацијата во 1998 година седиштето е лоцирано во Франкфурт, иако има планови за преместување во пределот на страна на поранешната сала за големопродажба (Großmarkthalle) во источниот дел на градот.

Германската сојузна банка (Deutsche Bundesbank) е интегрален дел од Европскиот систем на Централната Банка. Создадена е во 1957 година.

Берза

Со берзата (Frankfurter Wertpapierbörse) и XETRA, кои припаѓаат на германската берза, Франкфурт ја има втората најголема берза во Европа по Лондоската берза. Тоа е најголемата берза во Германија со над 90% промет на германскиот пазар. Во услови на пазарна капитализација, германската берза е една од најголемите берзи во светот.

Саеми

Саемите имаат голема традиција во Франкфурт. За првпат беа споменати во 12 век. Денес, Франкфуртскиот е третиот најголем саем во светот. Корпорацијата Messe Frankfurt аранжираше 120 саеми во 40 земји во 2006 година. Со седиште во Франкфурт се Меѓународниот саем за автомобили, саемот за книга во Франкфурт, Амбиенте (саемот за најголеми потрошувачи на добра), Ахема (најголемиот саем за земјоделство) и многу други како Paperworld, Christmasworld, Beautyworld, Tendence Lifestyle или Light and Building.

Агенции за рекламирање

Саемите имаат голема традиција во Франкфурт. За првпат беа споменати во 12 век. Денес, Франкфуртскиот е третиот најголем саем во светот. Корпорацијата Messe Frankfurt аранжираше 120 саеми во 40 земји во 2006 година. Со седиште во Франкфурт се Меѓународниот саем за автомобили, саемот за книга во Франкфурт, Амбиенте (саемот за најголеми потрошувачи на добра), Ахема (најголемиот саем за земјоделство) и многу други како Paperworld, Christmasworld, Beautyworld, Tendence Lifestyle или Light and Building.

Иако е најпознат по банките, исто така Франкфурт е центар на медиумски компании. Има околу 570 компании во рекламната индустрија и 270 компании за односи со јавноста. Според рангирањето на магазинот Фокус од ноември 2007 година, 7 од 49 најголеми компании во Германија се лоцирани во Франкфурт, вклучувајќи ги McCann-Erickson, Saatchi & Saatchi, JWT и Publicis. Берлин има девет а Хамбург осум. По Франкфурт доаѓа Минхен со шест, а Визбаден е на листата со две.

Сметководствени и професионални услуги

Големата четворка, четирите најголеми меѓународни фирми за сметководство и професионални услуги, се лоцирани во или во близина на Франкфурт. Тие се Deloitte Touche Tohmatsu, KPMG (Европското седиште), PricewaterhouseCoopers (PwC). Ernst & Young е лоциран во близина на градот Ешборн.

Консалтинг менаџмент

Некои од најголемите меѓународни фирми за консалтинг менаџмент се сместени во Франкфурт, вклучувајки ги Accenture, Arthur D. Little, McKinsey & Company,Boston Consulting Group, Booz & Company, Oliver Wyman, Bearing Point, Capgemini, Bain & Company и Roland Berger Strategy Consultants.

Електронска комуникација

Франкфурт исто така е важна локација за интернет. Таа е седиште на најголемата светска фирма за доделување на IP-адреси, DE-CIX, каде што се регистрирани најдоминантните имиња.

Адвокати

Франкфурт ја има најголемата концентрација на адвокати во Германија, процентуално еден адвокат на 99 жители. Најголемите меѓународни адвокатски компании имаат претставништва во Франкфурт меѓу кои Allen & Overy, Baker & McKenzie, Clifford Chance, Cleary Gottlieb Steen & Hamilton, Debevoise & Plimpton, DLA Piper,Freshfields Bruckhaus Deringer, Hogan Lovells, Jones Day, Linklaters, Mayer Brown, Milbank, Tweed, Hadley & McCloy, Norton Rose, Shearman & Sterling, Skadden, Arps, Slate, Meagher & Flom, Taylor Wessing и White & Case.

Работа во Франкфурт

Со над 922 работни места на 1000 жители, Франкфурт ја има најголемата концентрација на работни места во Германија. Најголем број од околу 600,000 работни места со само 663,000 жители на градот е изјаснет како град со најголем број жители од приградските населби кои што работат во градот,со што се крева бруто домашниот производ на популацијата значајно. Во работните денови и во саботите има над милион луѓе го границите на градот. Во другите денови, според статистиката богатството на Франкфурт е намалено, во корист на покраините и градовите таканаречени "Speckgürtel", како што се Bad Homburg, Königstein im Taunus, Kronberg im Taunus и Bad Soden am Taunus, чии жители работат во Франкфурт.

Покрај тоа, Франкфурт исто така имаше, 2008, највисоко ниво на криминал, на 100 000 жители во Германија со 15.976 криминални дела годишно и 3 убиства на 100 000 луѓе. Оваа статистика е резултат на приградското население што е пресметано на 650 000 жители, а исто така вклучува и криминални дела извршени на аеродром, како шверцување. Франкфурт всушност е многу безбеден град, што е поткрепено на испитувањата меѓу жителите.

Меѓународниот аеродром на Франкфурт е и самиот најголемо место за работа во Германија.

Други бизниси

Франкфурт е седиште на хемиските индустрии, на софтвер бизнисот и центрите за јавување. Развојот на бизнисот и другите важни оддели на Дојчебан се лоцирани во седиштето во Галус. Заради Hoechst AG, Франкфурт се смета за „Аптека на светот“ Најголемиот индустриски парк во Франкфурт е еден од трите локации за хемиска и фармацевтска индустрија во Европа. Исто така Франкфурт е седиште на неколку големи германски индустриски здруженија како што се здружението за хемиска индустрија, здружението за германски градежни машини и опрема, здружението за електротехничка, електронска и информатичка технологија здружени со комисиите за електротехнички стандарди, и здружението на произведувачите на германски автомобили, кое што моментално се сели во Франкфурт. Унијата на произведувачи на германски автомобили секоја втора година се состанува во Франкфурт за да се совпадне со меѓунаросниот саем за автомобили, споменат погоре. Здружението на германски издавачи на книги има седиште во Франкфурт и го организира саемот на книга во Франкфурт. Во врска со трудовите здруженија Франкфурт е седиште на централата на IG Metall и IG Bau.

Луфтханса ги одржува главните врски преку центарот за авијација преку франкфуртскиот аеродром. Главниот производител на вода и струја за регионот Франкфурт Рајна – Мајна е лоциран во самиот град.

Во Франкфурт се сместени главните претставништва на: Германското фудбалско здружение, Фиат, Нинтендо, Масерати, Ферари, Алфа Ромео, Ланчиа, Хјундаи, Киа, Јагуар, Опел, Фереро.

Земјиште и недвижнини

Франкфурт има највисока концентрација на сопственици на земјиште во Германија.Ова се должи на бројни финансиски работници во градот, но исто така и поради метрополската природа со што четвртина од луѓето се странци. Од оваа причина Франкфуртскиот пазар функционира различно од остатокот од земјата каде што цените се генерално пониски од Франкфурт. Цените на германското земјиште се намалени поради поранешната Источна Германија. Економски јаките градови како Франкфурт и другите градови во западна Германија имаат зголемување на пазарот што привлекува многу купувачи од Далечниот Исток.

Институции и организација

Франкфурт е седиште на Германската национална библиотека, Врховниот суд на Хесен, Судската служба на Хесен и има своја полициска академија. Пожарникарскиот оддел, основан 1874 година, и доброволниот пожарникарски оддел имаат осум пожарникарски сектори. Се до нивното разрешување на крајот на 2003 година, Франкфурт беше седиштето на Федералниот дисциплинарен суд.

Германското претставништво на Меѓународната финансиска корпорација, дел од групацијата на Светската банка и Комитетот за европско осигурување и окупациони пензиски ревизори,, Европската осигурителна контрола, имаат седиште во Франкфурт.

Во Франкфурт има 88 конзулати. Само Њујорк и Хамбург имаат повеќе. Русија и Кина неодамна отворија генерални конзулати во Франкфурт.

Генералниот конзулат на Соединетите држави во Франкфурт во Екенхајм е најголемиот американски конзулат во светот.

Медиуми

Во Франкфурт се издават два важни дневни весници. Конзервативниот Frankfurter Allgemeine Zeitung за првап се издаде во 1949 година и е германски весник кој е најраспространет надвор од Германија, а издавачите го испраќаат во 148 земји секој ден. FAZ се издава во 380 000 примероци дневно. Другиот важен весник, Frankfurter Rundschau, за првпат е издаден во 1945 година и дневно се издаваат по 181 000 примероци. Франкфурт е исто така седиште на новата агенција Reuters.

Од Франкфурт потекнуваат и неколку списанија. Journal Frankfurt е најпознато списание поврзано со настани, забави. „Еколошкото списание“ , „Öko-Test“, објавува материјали за зелената забава на Германија во Бокенхајм. Бокенхајм е познат по квиз-списанијата со истото име и е седиште на издавачката куќа на сатиричното списание, Titanic.

Првата радио станица на Франкфурт беше Südwestdeutsche Rundfunkdienst AG (Југозападното германско радио), кое започнало со работа во 1924 година. Најуспешна им е станицата Hessischer Rundfunk. Станицата "Funkhaus am Dornbusch" е една од најпознатите радио и телевииски емисии. Тука е и ARD-Stern која емитува материјали од индивидуалните испраќачи преку високотехнолошкта мрежа. Bloomberg TV и RTL имаат регионални станици на Neuen Mainzer Straße. Други радија во Франкфурт се Main FM и Radio X.. Најголемата приватна радио станица во регионот FFH е лоцирана во близина на бањата Вилбел.

Од август 1945 година, мрежата на американските сили се емитуваше од Франкфурт. Поради намалувањето на трупите, локацијата во Франфурт на чие место беше мрежата на американските сили, беше напуштена. Од октомври 2004 година, мрежата на американските сили ги емитуваше европските програми од Манхајм.

Образование и истажување

Во Франкфурт на Мајна има два универзитети и неколку посебни школи. Има две школи за бизнис;Школата за бизнис Гете на универзитетот Гете и Франкфуртската школа за финансии и менаџмент.

Универзитет Јохан Волфганг Гете

Најстариот и најпознатиот универзитет во градот е универзитетот Јохан Волфганг Гете, со локации во Бокенхајм, Вестенд и Ридберг и универзитетската болница во Нидеррад. Престижната Школа за бизнис Гете е дел од Универзитетската куќа за финансии на кампусот Вестенд. Во програмата на оваа школа има над 70% студенти од целиот свет кои учат тука.

Универзитет за применети науки во Франкфурт

Франкфуртскиот Универзитет за применети науки (Fachhochschule Frankfurt am Main) беше оформен од неколку постари организации во 1971 година, и нуди над 38 студиски области во уметноста, науката, инжинерството и правото. Некои од најважните истражни проекти се: Симулатори на планетата Земја, FraLine-Школо за ИТ-технологија, квантитативни анализи на метанот во човекиот труп со помош на масивни спектрометри, софтвер-инжинерство (fraDesk), анализи на квалитативниот и квантитативниот гас во белите дробови на човекот, долгорочни студии на модулите на соларната фотонапонска енергија.

Школа за финансии и менаџмент во Франкфурт

Покрај универзитетот е Школата за финансии и менаџмент на Франкфурт, најпрво позната како Hochschule für Bankwirtschaft (Институција за високо образование за банкарска економија), со свој кампус во соседството на Остенд. Од 2001 година, таа е посебна институција за студирање економија и менаџмент или FOM.

Штеделшуле

Франкфурт има државна институција за високо артистичко образовиние позната како Städelschule , основана во 1817 година од страна на Јохан Фридрих Штедел, која беше одземена од страна на градот во 1942 година и повторно вратена во државно школо за уметност.

Музичко училиште и конзерваториуми

Музички институции се Франкфуртскиот универзитет за музија и сценски уметнсти и Хох Конзерваториумот, кој беше основан во 1878 година.

Други важни школи

До септември 2003 година, Франкфурт исто така беше седиште на школата за библиотекарска наука и администрација.

Филозофско-теолошката институција Свети Џорџ (Philosophisch-Theologische Hochschule Sankt Georgen), приватна институција со членство во германското интригантно здружение, беше лоцирана во Заксенхаузен се до 1950 година.

Градот е исто така седиште на три Макс Планк општествени институти: Макс Планк институтот за европска историја на правото, Макс Планк институтот за биофизика и Макс Панк институтот за истражување на мозокот.

Франкфуртскиот институт за напредни студии, спонзориран од неколку институционални и приватни извори, е вклучен во теоретското истражување во физиката, хемијата,науката за нервите и компјутерката наука.

Франкфурт е исто така седиште на Römisch-Germanische-Kommission (RGK), бранша на Германскиот археолошки институт за праисториската археологија во Германија и Европа. RGK е вклучен во разни проекти за истражување. Библиотеката, со над 130 000 материјали, е една од најголемите специјализирани археолошки библиотеки во светот.

Образование и медиуми

Во последните години, градот Франкфурт многу инвестираше во информатичката инфраструктура во свите школи. Како резулата на тоа, школите во Франкфурт сега се едни од најопремените школи во светот, со достапноста до компјутери и други медиумски опреми. Со цел да се обезбеди одржување и поддршка на школите со компјутери, градот Франкфурт во соработка со Универзитетот за применети науки го започна проектот Fraline - IT-Schul-Service, иницијатвно ангажирање на студентите да обезбедат основна компјутерска поддршка во школите.

Спорт

Франкфут е дом на следниве спорски тимови и клубови: Eintracht Frankfurt (фудбал), FSV Frankfurt (фудбал), 1. FFC Frankfurt (фудбал), Frankfurter FC Germania 1894 (фудбал), Rot-Weiss Frankfurt (фудбал), Frankfurt Lions (хокеј на мраз), Deutsche Bank Skyliners (кошарка).

Франкфурт беше дома на следниве тимови или клубови: 1. Bockenheimer FC 1899 (фудбал), Frankfurt Galaxy (американски фудбал).

Франкфурт е дом на расата на класичниот круг Rund um den Henninger-Turm. Исто така тој е дом на годишниот Франкфуртски маратон и Европскиот шампионат на Ајронмен.

Меѓународни односи

Збратимени градови

Франкфурт има братски релации со: Лион (Франција), Тал Авив (Израел), Будимпешта (Унгарија), Бирмингем (Англија), Guangzhou (Кина), Лајпциг (Германија), Милан (Италија), Торонто (Канада), Гранада (Никарагва), Каиро (Египет), Прага (Република Чешка), Дубаи (Соединетите арапски држави).

Партнерства

Deuil-la-Barre, Франција соработува со Нидер-Ешбах (Франкфурт на Мајна) и со Краков од Полска.