Анж Жак Габриел

Портрет на Анж-Жак Габриел од сликарот Жан-Батист Грез

Анж-Жак Габриел (фр. Ange-Jacques Gabriel); (23 октовмри 1698 – 4 јануари 1782) е истакнат француски архитект, највлијателниот во својата генерација.

Роден е во 1698 г. во Париз, и се обучувал кај кралскиот архитект Робер де Кот и кај татка си, кому му помагал во проектирањето на Кралскиот дворец (сега Палата на берзата) во Бордо (завршен 1735). Во 1728 г. младиот Габриел Потоа станува член на Кралската архитектонска академија. Од 1735 г. работел како главен помошник на татка си, кој бил главен архитект на Версај, а во 1742 го презел неговото работно место, и со тоа станал најважниот архитект Франција. На ова место се задржал речиси Луј XV.

„Малиот Тријанон“ во Версај

Во 1754 г. Габриел почнал да работи на симетричните палатијални фасади на зданијата што ја образуваат северната меѓа на тогашниот плоштад „Луј XV“ (сегашен плоштад Конкорд) во Париз, завршувајќи ги во 1763. Зданието десно служело како складиште за кралската покуќнина (mobilier de la couronne), со луксузно сместување за управникот. Од 1789 наваму во зданието е сместен адмиралштабот .

Габриеловата воздржаност во планирањето и детаљите претставувала движечка сила во преодот од рококо во неокласицизмот. Во текот на четири децении Габриел бил единствениот одговорен за изградба во Версај (објект во поново време наречен „Габриелово крило“), но и за постојаната преработка на одаите во Версај. Неговиот „Мал Тријанон“ претставува бисер на францускиот класицизам.

Габриел починал во Париз во 1782 г.

Поважни дела

Палатата на берзата во Бордо

• Доградба и преработка на дворецот Шоази (1740-1777)
• Компјењски замок (од 1750)
• Битаров павилјон (1750) во Ла Сел-Сен-Клуд.
• Палата на берзата, Бордо (1755) (како Кралски дворец)
• Доградба на Менарскиот дворец (1760-1764) за Мадам де Помпадур
• Мал Тријанон во Версај (1762-1768)
• Воената школа на Марсовото Поле во Париз
• Операта на Версајскиот дворец (1769-70)
• Плоштад Конкорд (како плоштад „Луј XV“), 1772
• Адмиралштабот на Франција, на плоштадот Конкорд, 1775
• Хотелот Кријон, на плоштадот Конкорд

Надворешни врски

• Анж-Жак Габриел на „Great Buildings Online“ (англиски)