Тиренско Море

Tyrrhenian Sea.

Тиренското Море (итал. Mare Tirreno) е водна површина која преставува дел од Средозеното Море, т.е. делот западно од коното на Италија.

Географија

Морето се граничи со Корзика и Сардинија на запад, Тоскана, Лацио, Кампанија, Базликата и Калабрија на исток и Сицилија на југ.

Најголемата длабочина на морето изнесува 3785 m.

Тиренското Море се наоѓа близу местото кадешто се среќаваат африканската и европската плоча, па затоа во неговите длабочини има цели планински вериги и активни вулкани. Во јужниот дел од морето се наоѓаат осумте Еолски Острови, северно од Сицилија.

Простор

Според Меѓународната хидрографска организација, границите на Тиренското Море се следниве:

Во Месинскиот Проток. Линија што го поврзува северниот крај на ‘ртот Пачи (15°42' ИГД) со источниот крај на островот Сицилија, ‘ртот Пелоро (38°16' СГШ).

на југозапад. линија што се протега од ‘ртот Лилибео (најзападно во Сицилија) до јужниот крај на ‘ртот Теулада (8°38' ИГД) во Сардинија.

Во протокот Бонифачо. Линија од западниот крај на ‘ртот Теста (41°14' СГШ) во сардинија, па до југозападниот крај ‘ртот Фено (41°23' СГШ) во Корзика.

На север. Линијата што ги поврзува ‘ртот Корс (или Корзо, 9°23' ИГД) во Корзика, со островот Тинето (44°01′N 9°51′E) и оттаму, низ островите Тино и Палмарија, па до ‘ртот Сан Пјетро (44°03′N 9°50′E) на крајбрежјето на Италија.

Излези

Тиренското Море има пет излеза (од север кон југ):

• Корзиканскиот Канал помеѓу Тоскана и Корзика, широк околу 80 km.
• Протокот Бонифачо помеѓу Корзика и Сардинија, широк околу 11 km.
• Сардинскиот Канал помеѓу Сардинија и Тунис, широк околу 200 km .
• Сицилијанскиот Проток помеѓу Тунис и Сицилија, широк околу 160 km.
• Месинскиот Проток помеѓу Сицилија и Калабрија на врвот на „чизмата“ на Италија, широк околу 3 km.

Име

Името на морето доаѓа од грчкиот поим за Етрурците, кои се сметале за доселеници од Лидија, предводени од кнезот Тирен. Етрурците се населиле долж крајбрежјето на денешна Тоскана, и затоа морето се нарекувало уште и „Етрурско Море“.