Зулу

Зулуски јазик
isiZulu
Застапен во	ЈАР Зимбабве Лесото Малави Мозамбик Есватини
Подрачје	Квазулу-Натал, Дурбан, Јоханесбург
Говорници	мајчин: 10 милиони втор јазик: 16 милиони
Јазично семејство	нигер-конгоанско атлантско-конгоански бенуе-конгоански бантоидни јужни бантоидни бантуски јужни бантуски нгуниски Зундаски зулуски јазик
Статус
Службен во	ЈАР
Регулативен орган	Панјужноафрикански јазичен совет
Јазични кодови
ISO 639-1	zu
ISO 639-2	zul
ISO 639-3	zul

Зулускиот јазик (isiZulu) или само зулу е бантуски јазик, официјален јазик во Јужноафриканската Република и мајчин јазик на народот Зулу. Јазикот го зборуваат околу 10 милиони луѓе, воглавно во Јужноафриканската Република. Овој јазик е јазик кој најмногу се зборува по домаќинствата во државата, односно го зборуваат околу 24% од домаќинствата и го разбираат околу 50% од населението на државата. Во 1994 година јазикот станал единаесети официјален јазик во Јужноафриканската Република. Зулускиот јазик, како и сите останати бантуски јазици, користи латиница како свое основно писмо.

Географска распространетост

Зулу припаѓа на Југоисточната група на Банту јазиците поточно на Нгуни групата. Јазикот е зборуван во Квазулу- Натал во која 81 % од населението зборуваат Зулу како мајчин јазик. Потоа се зборува во Мпумаланга со околу 26% и Гаутенг со околу 21%. Исто така е зборуван во некои други африкански држави, но со значителен процент во Лесото и Свазиленд. Јазиците Ндебеле (зборуван во Зимбабве), Сисвати или Свази и Нгуни јазикот (порано зборуван во Малави) се сродни јазици на Зулу и развиени од 19 век со миграција на Зулу население. Јазикот Коса, доминантен во Зеленортската Република е сличен со Зулу јазикот.

Примери

Sawubona	Здраво, на една личност
Sanibonani	Здраво, на група луѓе
Unjani? / Ninjani?	Како си? / Како сте?
Ngisaphila / Sisaphila	Добар сум. / Добри сме.
Ngiyabonga (kakhulu)	Благодарам (многу)
Ngubani igama lakho?	Како се викаш?
Igama lami ngu...	Моето име е...
Isikhathi sithini?	Колку е часот?
Ngingakusiza?	Може да помогнам?
Uhlala kuphi?	Каде престојуваш?
Uphumaphi?	Од каде си?
Hamba kahle / Sala kahle	Оди со добро / Остани со добро (исто како „пријатно“ за една личност)
Hambani kahle / Salani kahle	Оди со добро / Остани со добро (исто како „пријатно“ за група личности)
Eish!	леле!
Hhayibo	Не! / Доста! / Нема шанси!
Yebo	Да
Cha	Не
Angazi	Не знам
Ukhuluma isiNgisi na?	Дали зборуваш англиски?
Ngisaqala ukufunda isiZulu	Штотуку почнав да учам зулуски.

Користена литература

• Зулуски јазик и материјали на страницата на UCLA

Надворешни врски

• Запис за зулускиот на Ethnologue
• Фрази на зулуски на Википатување
• Јужноафрикански јазици - зулуски јазик
• Краток список фрази на англиски, зулуски и јапонски
• Основни зборови на зулуски
• Зулуска граматика
• Матријали на зулуски јазик
• isiZulu.net Зулуско-англиски речник
• Зулуско-англиски речник