Едвард III

Едвард III (13 ноември 1312 - 21 јуни 1377) (англиски: Edward III of England; француски: Édouard III d'Angleterre) бил еден од најуспешните англиски монарси во средниот век. Тој го вратил кралскиот авторитет по катастрофалното управување на својот татко, Едвард II, а Кралството Англија го претворил во едно од најсилните во Европа. За време на неговото владеење биле воведени големи законодавни реформи, особено во англискиот парламент. Периодот од неговото владеење бил одбележан од "црната смрт" - чума. Едвард III на англискиот трон се задржал 50 години.