Ихтис

Ихтис, еден од најраните Христијански симболи.

Ихтис (грчки ἰχθύς - риба) е ранохристијански симбол кој во првобитната црква се користел како акроним за изразот: »Исус Христос, Божји Син, Спаситељ.« Ихтис на грчки значи риба.

Значење

Според некои усни преданија, овој симбол бил користен од страна на христијаните во времето на нивните прогони од Римската империја како знак за нивно распознавање бидејќи грчкиот збот ἰχθύς во себе го содржи изразот Ιησούς Χριστός Θεού υιός σωτήρ:

• ΙΗΣΟΥΣ (Iēsoûs »Исус«)

• ΧΡΙΣΤΟΣ (Christós »Христос - Помазаник«)

• ΘΕΟΥ (Theoû »Божји«)

• ΥΙΟΣ (Hyiós »Син«)

• ΣΩΤΗΡ (Sōtér »Спасител«)

Историја

Во историјата сеуште не е познато дали христијаните биле први кои се служеле со овој знак за распознавање. Овој симбол се поврзува со Афродита, Атаргатис, Дагон, Ефес, Изида, Делфин, и Пелагија.. Барбара Вокер, во нејзината книга The Woman's Dictionary of Symbols and Sacred Objects, пишува дека ихтисот бил син на морето на божицата Атаргатис и дека се користел како симбол на сексуалноста и плодноста.

Сепак, за прв пат овој симбол се појавил како графит во катакомбата на Папа Каликст I во Рим, а подоцна и на христијанските мозаици во христијанските храмови. Рибата се споменува и дала симболичко значење неколку пати во евангелијата. Неколку од Исусовите ученици биле рибари.