Симеон Кавракиров

Симеон Кавракиров
Роден	16 ноември 1898 Солун, Егејска Македонија, Отоманска империја
Починал	14 јуни 1934 Семково, Бугарија

Симеон Кавракиров (16 ноември 1898 - 14 јуни 1934) е македонски револуционер, роден во Солун. Припадник на ВМРО (Обединета) и член на Бугарската комунистичка партија.

Образованието го започнува во родниот град. 1919 година се преселува во Софија, кадешто студира право на Софискиот универзитет. 1920 година станува член на БКП и Емигрантскиот комунистички сојуз. Од 1924 година работи во Пловдив каде раководи со месниот комитет на БКП и воената организација. По нејзиното пропаѓане во мај 1925 година е осуден на 1 и пол година затвор. Влегува во ВМРО (Обединета) и од 1928 година е секретар на обласниот комитет на организацијата , а од 1929 година раководител на третата револуционерна област ( Пиринска Македонија ). Под името Павел работи по создавање групи на ВМРО (Об.) на територијата на Пиринска Македонија. На 8 јуни 1932 е киднапиран од бандити на ВМРО и 2 години држан во робија. По деветнаесетомајскиот преврат 1934 година е убиен од нив во местото Семково, Рила планина.

Неговото име го носи селото Орман, Петричко, од 1951 година.

Надворешни врски

• Расправа во бугарскиот парламент за киднапирањето на Симеон Кавракиров - на бугарски јазик.