Соуџу
![]() | |
Тип | Дестилиран алкохолен пијалак |
---|---|
Земја на потекло | Кореја |
Боја | проѕирна |
Соуџу е бистар и безбоен дестилиран алкохолен пијалак,[1][2][3] традиционално направен од ориз, но подоцна од други житарици и има вкус сличен на вотка.[4] Обично се консумира како што е, без додатоци. Неговата содржина на алкохол варира од околу 12,5% до 53% алкохол по волумен (ABV), иако од 2007 година соуџу со ниско ниво на алкохол под 20% станало попопуларно.[5][6]
Традиционално, повеќето брендови на соуџу се произведуваат во регионот Андонг, но и во други региони и земји. Додека соуџу традиционално се правело од ориз, јужнокорејските производители на етанол го заменувале оризот со друг скроб, како што е маниоката поради значително пониските капитални трошоци. соуџу често изгледа слично на неколку други алкохоли од Источна Азија, но се разликува во содржината на алкохол.[7]
Бонтон
[уреди | уреди извор]Најважното правило во корејскиот бонтон за пиење е дека најмладата личност во групата ги сипува пијалаците на постарите. Тоа се однесува не само на возраста, туку и на хиерархијата во една компанија. При сипување на алкохол, треба да се употребат двете раце. Кога примате алкохол, треба да се користат и двете раце за држење на чашата. Се смета за непристојно сами да си наточите пијалак.[8]
Потрошувачка
[уреди | уреди извор]
Иако пивото, вискито и виното се здобиваат со популарност во последниве години, соуџу останува еден од најпопуларните алкохолни пијалоци во Кореја поради неговата достапност и релативно ниската цена. Повеќе од 3 милијарди шишиња биле потрошени во Јужна Кореја во 2004 година.[9] Во 2006 година, било проценето дека просечниот возрасен Корејец (постар од 20 години) консумирал 90 шишиња соуџу во текот на таа година.[10] Во 2014 година, било објавено дека Јужнокорејците конзумирале просечно 13,7 чашки алкохол неделно, што е највисока потрошувачка по глава на жител на алкохолни пијалоци во која било земја.[11] Меѓутоа, поради помалата концентрација на алкохол во соуџу во споредба со другите дестилирани пијалаци[5] и недостатокот на меѓународен стандард за волуменот на чашката, тоа не мора да значи поголема потрошувачка на алкохол од дестилирани алкохолни пијалаци.
Поврзано
[уреди | уреди извор]- Баиѕу, од Кина
- Корејска кујна
- Вино од ориз
- Саке, од Јапонија
- Шочу, Јапонија
Наводи
[уреди | уреди извор]- ↑ „soju“. Oxford Dictionary of English. Oxford University Press. Архивирано од изворникот на May 17, 2019. Посетено на 14 April 2017.
- ↑ „soju“. Merriam-Webster Dictionary. Encyclopædia Britannica. Архивирано од изворникот на July 5, 2017. Посетено на 22 November 2014.
- ↑ Miller, Norman (2 December 2013). „Soju: the most popular beverage in the world“. The Guardian. Посетено на 13 April 2017.
- ↑ Wolinski, Cat (29 August 2018). „The Differences Between Soju, Shochu, and Sake, Explained“. VinePair.
- ↑ 5,0 5,1 Park, Eun-jee (19 November 2014). „Koreans looking for weaker soju“. Korea JoongAng Daily. Архивирано од изворникот на April 14, 2017. Посетено на 14 April 2017.
- ↑ Hall, Joshua (17 October 2014). „Soju Makers Aim to Turn Fire Water Into Liquid Gold“. The Wall Street Journal. Архивирано од изворникот на April 15, 2017. Посетено на 24 December 2014.
- ↑ Wolinski, Cat (29 August 2018). „The Differences Between Soju, Shochu, and Sake, Explained“. VinePair. Архивирано од изворникот на March 24, 2022. Посетено на 30 March 2022.
- ↑ Berdin, Kamilla (2018-07-14). „Drink Like a Korean: Alcohol Etiquette in South Korea“. Books and Bao (англиски). Архивирано од изворникот на November 9, 2020. Посетено на 2020-10-19.
- ↑ „Cigarette Sales Surge to Historic High“. The Chosun Ilbo. Архивирано од изворникот на October 17, 2007. Посетено на June 29, 2005.
- ↑ „Let's Have a Soju Tonight“. KBS World. Архивирано од изворникот на March 9, 2010. Посетено на January 1, 2008.
- ↑ „South Koreans drink twice as much liquor as Russians and more than four times as much as Americans“. Quartz. 2 February 2014. Архивирано од изворникот на February 8, 2014. Посетено на December 14, 2015.
Литература
[уреди | уреди извор]- Park, Hyunhee (2021). Soju: A Global History. Cambridge University Press. ISBN 9781108895774.