Сократ Лафазановски
| Сократ Лафазановски | ||
 | ||
| Роден | 11 септември 1939
В’мбел, Кралство Грција | |
|---|---|---|
| Починал | 5 октомври, 2025 (возр. 86) Скопје, Македонија | |
| Занимање | сликар балетски уметник | |
Сократ Лафазановски (В’мбел, 11 септември 1939 — Скопје, 5 октомври 2025) — македонски сликар и балетски уметник.[1]
Животопис
[уреди | уреди извор]За време на Граѓанската војна во Грција со семејството пребегал во Романија. Во Букурешт завршил училиште за применета уметност - сликарство и балетско училиште, а дипломира ликовна уметност на Педагошката академија во Скопје.
Покрај професионалната сликарска дејност, цели 14 години бил професионален балетски уметник во Операта во Брашов (Романија) и Македонскиот народен театар во Скопје. Како сценограф има изведено преку 25 оперски постави, оперети, класични балети и претстави за деца. Работел и како ликовен педагог.
За 35 години уметничко творештво, Лафазановски имал насликано околу 1200 уметнички дела изведени во масло, акварел и пастел. Од нив, 600 се наоѓаат во Скопје, 200 се подарени на установи, пријатели и љубители на убавата уметност, а останатите се во други земји: Србија, Црна Гора, Романија, Италија, Австрија, Германија, Франција, Данска, Австралија, Грција.
Член бил на Друштвото на ликовни уметници на Македонија. Во 5 октомври 2025 година починал.