Создавање на светот во Библијата

Бог, Кој ја создава Вселената со помош на шестар. Минијатура од француска Библија. 1220–1230. Австриска национална библиотека, Виена.

Библиски расказ за создавањето на светот од еден единствен Бог — едно од главните поставки на јудаизмот, христијанството и исламот.

Основното раскажување за создавањето се наоѓа во првата книга на Библијата — Битие. Библискиот Бог се јавува како единствен творец и управител на светот, а сите етапи на создавањето се акти на Неговата творечка волја.

Толкувањата на ова раскажување и разбирањето на процесот на создавање меѓу верниците значително се разликуваат. Најраспространето е буквалното толкување за создавањето што траело шест дена, но постојат и други трактати.

Опис на текстовите

Главните библиски текстови за создавањето се содржани во две раскажувања во првата и втората глава на книгата Битие.

Првото раскажување за создавањето ја зафаќа целата прва глава на книгата Битие и почетокот на втората глава. Тоа го опишува процесот на создавањето во вид на работна седмица и ден за одмор (сабота). Во текстот се вели дека:

• На првиот ден: Бог ги создаде небото, земјата и светлината, и ја одвои светлината од темнината.
• На вториот ден: Создаде цврстина (свод) среде водата, ја одвои водата над сводот од водата под сводот, и ја нарече цврстината небо.
• На третиот ден: Ги создаде копното, морињата и растенијата.
• На четвртиот ден: Ги создаде светилата на небесниот свод.
• На петтиот ден: Создаде риби и птици.
• На шестиот ден: Создаде земни ѕверови, добиток, лазачи по земјата и човекот.

Раскажувањето завршува со првите три стиха од втората глава на книгата Битие, каде што се вели дека Творецот „си отпочина во седмиот ден од сите Свои дела што ги беше направил“, и „го благослови Бог седмиот ден и го освети, бидејќи во него си отпочина од сите Свои дела, што ги беше создал и направил“ (види Битие 1:1, 2:3).

Второто раскажување за создавањето е содржано во втората глава на книгата Битие, почнувајќи од четвртиот стих. Во текстот се зборува за создавањето на рајската градина и двете дрвја во неа: дрвото на животот и дрвото на познавање на доброто и злото. Се споменува првата заповед дадена на човекот — да не јаде од плодовите на дрвото на познавање на доброто и злото, а исто така содржи и расказ за создавањето на Ева од реброто на Адам (види Битие 2:4–25).

Создавањето на светот од Бога се споменува и на многу други места во Библијата (во книгите на пророците, псалмите, книгата Изреки Соломонови, Книгата на Јов, во второканонските/неканонските книги на Стариот завет и во книгите на Новиот завет), но не толку подробно како во книгата Битие. За создавањето на светот се зборува и во прологот на Евангелието според Јован.

Надворешни врски

• Библијата напишана на македонски јазик

• "Enuma Elish", at Encyclopedia of the Orient Архивирано на 25 декември 2024 г.
• ETCSL – Text and translation of the Eridu Genesis (alternate site) (The Electronic Text Corpus of Sumerian Literature, Oxford)
• "Epic of Gilgamesh" (summary) Архивирано на 30 декември 2005 г.
• British Museum: Cuneiform tablet from Sippar with the story of Atra-Hasis