Современи македонски раскажувачи, избор

„Современи македонски раскажувачи, избор“ — збирка раскази од повеќе македонски писатели, во избор на Георги Сталев. Книгата е објавена во 1990 година како заедничко издание на следниве издавачки куќи: Култура, Детска радост, Македонска книга, Мисла и Наша книга. Таа служела како лектира за осмо одделение во основните училишта во СР Македонија.

Содржина

Збирката ги содржи следниве раскази:

• Стале Попов, „Наследник“
• Ѓорѓи Абаџиев, „Господин Модијано“
• Владо Малески, „Гркинката со белузлава коса“
• Славко Јаневски, „Волчица“
• Јордан Леов, „Скалите до срцето на султанот“
• Јован Бошковски, „Човек без ѕвезда“
• Коле Чашуле, „Прекар“
• Блаже Конески, „Изложба“
• Томе Момировски, „Девојчето и коњот“
• Томе Арсовски, „Грдиот Нарцис“
• Бранко Пендовски, „Спомен“
• Мето Јовановски, „Случка во ноќта“
• Србо Ивановски, „Тажна радост“
• Димитар Солев, „Првата зима на слободата“
• Симон Дракул, „Туѓоземјанин“
• Петре М. Андреевски, „Пожар“
• Влада Урошевиќ, „Еднорог во задниот двор“
• Ташко Георгиевски, „Луѓе“
• Живко Чинго, „Губењето на водата“
• Трајан Петровски, „Темелко Аждерот“
• Зоран Ковачески, „Циркус“
• Васе Манчев, „Ридови и ѕидови“

Технички податоци

Приредувачот на збирката, Георги Сталев, исто така е автор и на поговорот. Рецензент на книгата бил Цане Здравковски, корицата, ликовното и графичкото уредување се дело на Жарко Туниќ, а Димче Исаиловски е автор на илустрациите. Книгата била испечатена во НИПРО „Нова Македонија“, ООЗТ Печатница и таа е каталогизирана во Народната и универзитетска библиотека, „Климент Охридски“, Скопје, но без меѓународната ознака ISBN.