Снегот во Казабланка

Од Википедија — слободната енциклопедија
Прејди на прегледникот Прејди на пребарувањето
Снегот во Казабланка  
АвторКица Колбе
ЗемјаМакедонија Македонија
ЈазикМакедонија македонски
Жанр(ови)роман
ИздавачТри (прво издание), Магор (второ издание)
Издадена2005, 2007
Медиумпечатено издание
Страници352
ISBN9989183104, 9789989183102

Снегот во Казабланкамакедонска книга, роман напишани од Кица Колбе. Книгата е издадена во 2005 година од издавачката куќа Три, а во 2007 година се појавува и второто издание од издавачкото претпријатие Магор и е прогласена за роман на годината, 2006[1][2].

Содржина[уреди | уреди извор]

„Снегот во Казабланка“ - ова е роман-хроника, роман-повест за една бегалска фамилија во Македонија на почетокот на педесеттите години на 20 век, која може да биде парадигматска за темата на бегалството, воопшто. Клучна е идејата за тоа колку долго војната и по бегството невидливо се одигрува во бегалските фамилии. Таа војна по војната, или траума на траумата по бегството, трае долго откако војните завршиле и сите ги заборавиле, ама не и членовите на бегалските фамилии. Централна тема е разорната сила на војната и бегството, која не ги остава на мир оние кои „се спасиле“, но напуштиле и изгубиле сè, затоа што останале трауматизирани, со чувство на вина, со постојан страв, со чувство на неприпадност. За овие, во светската литература толку актуелни теми, многу малку е пишувано во македонската книжевност. Сугестивната нарација во романот Земја на бегалци е напишана од гледна точка на децата, со посебен акцент на психологијата на траумите, чувствата, стравовите и надежите. Во романот е тематизиран животот во бегалско гето, траумата на директно погодените членови во фамилијата за која се раскажува по загубата на татковината и домот, но и на оние родените по бегството, затоа што авторката многу добро знае дека многу нешта се откриваат и од визурата на децата на бегалците. Со еден збор, се работи за една тема , стара колку и историјата на војните, а можеби никогаш толку актуелна како денес.

„Снегот во Казабланка“ е роман со длабински поглед во интимата, но и со критичка отвореност кон светот. Реален и имагинарен, мозаик од сеќавања и очекувања. Романот на Кица Колбе е уште едно сведоштво за судбината на македонската бежанка која својата прокоба ја изразува преку творештвото[3].

Наводи[уреди | уреди извор]

  1. „Промоцијата на романот „Земја на бегалци" од Кица Колбе“. Макфакс. 12 мај 2018. Посетено на 25 јуни 2020.
  2. „Снегот во Казабланка“ - Роман на годината за 2006
  3. „Снегот во Казабланка“