Словенечка селанска буна (1515)

Словенечка селанска буна во Цеље во 1515 година

Словенечката селанска буна, позната и како Сесловенско селанско востание се случила во 1515 година и била најголемата селанска буна во Словенија. Буната го зафатила најголемиот дел од денешна Словенија, како и значителен дел од провинцијата Корушка, која денес е дел од Австрија. Имало околу 80.000 бунтовници кои барале повторно воведување на првобитните феудални обврски и трговски права (т.н. „стари права“), и право да одлучуваат за даноците. Искрата што го започнала ова востание била кога етничките германски селани од регионот Готче го убиле нивниот господар Јорг фон Турн. Тие ги нападнале замоците во регионот, освен на територијата на округот Герц, каде што конфликтите се решиле преку преговори. Востанието било задушено од платениците на Светото Римско Царство, со решавачката битка водена кај Цеље. Зборовите „Стара правда“ биле отпечатени во 1515 година во Виена во песна на германските платеници, и биле првите печатени словенечки зборови.