Слатински Извор (пештера)
| Слатински Извор | |
|---|---|
| Слатинска Пештера | |
 Сталактити во пештерата Слатински Извор | |
  Слатински Извор Слатински Извор (Македонија) | |
| Место | Општина Македонски Брод, Македонија |
| Должина | > 4 км |
| Геологија | карстна, доломитска |
Слатински Извор — најголемата пештера во Македонија,[2] во околината на с. Слатина во областа Порече, на левата долинска страна на Слатинска Река, во непосредна близина на нејзината утока во реката Треска. Во 2011 г. пештерата со закон е прогласена за споменик на природата.[3]
Настанок и одлики[уреди | уреди извор]
Создадена е во доломитски мермери со проблематична старост. Пештерата е сочинета од еден долг канал од кој во неколку правци се разгрануваат подолги и покуси канали[4]. Досегашната вкупна и истражена должина на пештерата изнесува 800 метри, од кои 705 метри припаѓаат на главниот пештерски канал. На одделни места од главниот канал доминираат пештерски столбови и сталактити, а во најголемата пештерска сала (20 х 15 м) создадени се и поголеми сталагмити.
Истражена должина на пештерата изнесува 800 м, но досега е познато дека е долга повеќе од 4 км.[5] На одделни места од главниот канал преовладуваат пештерски столбови и сталактити, а во најголемата пештерска сала создадени се и поголеми сталагмити. Во пештерата протекува понорница во должина од 557 м, а исто така во неа се создадени и помали травертински езерца во кои е утврдена присутност на пештерски ракчиња, како и огромно зелено пештерско езеро.
Според должината, разновидната внатрешност и местоположбата, пештерата Слатински Извор има извонредни можности за туристичка намена.
Пештерски украси[уреди | уреди извор]
Според условите во кои се формирани, украсите во пештерата Слатински Извор припаѓаат на три групи: украси формирани од вода што тече и вода прокапница, украси формирани од капиларна вода и басенски депозити.
Галерија[уреди | уреди извор]
Процепот на вистинскиот отвор од каде е првпат пристапено во пештерата
Вистинскиот отвор од каде е првпат пристапено во пештерата
Отвор на пештерата
Отвор на пештерата
Внатрешноста на пештерата
Отвор кон една од салите на пештерата
Отвор кон една од салите на пештерата
Сталактити на таваницата на пештерата
Сталактити на таваницата на пештерата
Внатрешноста на една од салите на пештерата
_01.jpg)
_02.jpg)
_04.jpg)
_03.jpg)
_11.jpg)
_05.jpg)
_07.jpg)
_08.jpg)
_09.jpg)
_10.jpg)
Поврзано[уреди | уреди извор]
Наводи[уреди | уреди извор]
- ↑ Слатинска пештера — „Македонски бисер“ (ИДБЦ)
- ↑ "Најголема пештера во Македонија - Слатинска пештера". „Дали знаевте дека“. Посетено на 19 декември 2010.
- ↑ Закон за прогласување на пештерата „Слатински Извор“ за споменик на природата
- ↑ "Пештерата „Слатински Извор" споменик на природата". Општина Македонски Брод. 4 ноември 2010. Посетено на 3 октомври 2018.
- ↑ Пештера Слатински Извор — Урсус Спелеос посет. 12 септември 2013 г
