Слабиот херој

Слабиот херој
	Плакатот на втората сезона
Изворен наслов	Хангул: 약한영웅
Жанр	приказна за созревањето; акција; драмски трилер;
Заснована на	вебтунот Слабиот херој
Напишана од	Ју Су Мин; Ким Џин Сок;
Режирана од	Ју Су Мин; Парк Дан Хи;
Улоги	Парк Џи Хун; Чои Хјун Вук; Хонг Кјунг; Рјон; Чои Мин Јонг; Ли Мин Џе; Ју Су Бин; Бае На Ра; Ли Џун Јонг;
Композитор(и)	Primary
Земја на потекло	Јужна Кореја
Првичен јазик	корејски; + македонски (титла);
Бр. на сезони	2
Бр. на епизоди	16
Производство
Продуцент	Парк Дан Хи; Ју Су Мин;
Уредник	Парк Мин Сун
Времетраење	36 — 54 минути
Продукциска куќа	Playlist Studio; Shortcake;
Прикажување
Првична мрежа	Wavve (2022); Netflix (2025)
Првично прикажување	18 ноември 2022 – 25 април 2025

Слабиот херој (корејски: 약한영웅; англиски: Weak Hero) — јужнокорејска телевизиска серија напишана и режирана од Ју Су Мин, во соработка со Ким Џин Сок и Парк Дан Хи, со Парк Џи Хун во главната улога. Серијата е заснована на популарниот вебтун на Naver, Слабиот херој, од авторите Сопас и Ким Џин Сок (Разен), објавен во 2018 г.^[1]

Првите три епизоди премиерно биле прикажани на 27-миот меѓународен кинофестивал во Пусан, кој се одржал од 5 до 14 октомври 2022 г. Првата сезона била објавена на платформата Wavve на 18 ноември 2022 г. Втората сезона била објавена на Netflix на 25 април 2025 г.

Содржина

Клас 1 (прва сезона)

Јон Си Ун е меѓу најдобрите 1 % ученици во својата генерација и не го интересира ништо освен учењето. Иако е физички слаб, тој не отстапува пред насилниците во својата училница предводени од Џон Јонг Бин. Користејќи ги своите вештини за брзо донесување одлуки, знаењето од различни училишни предмети и предметите од неговата околина, Си Ун успева да се заштити од нивната секојдневна жестокост. Но кога ќе се најде во вистинска опасност, добива помош од Ан Су Хо, најсилниот борец во класот, и О Бом Сок, измачениот син на еден пратеник. Тројцата стануваат пријатели додека се обидуваат да го преживеат средношколскиот живот исполнет со насилство, учејќи што навистина значи да се биде силен.

Клас 2 (втора сезона)

Си Ун се префрла во ново средно училиште, „Унџанг“, но сѐ уште е прогонуван од траумите на неговите минати неуспеси. Тој гради нови пријателства со Парк Ху Мин, Со Џун Те и Го Хјун Так, но набрзо мора да се соочи со уште посурова група позната како „Сојузот“. Предводена од На Бек Џин и Гум Сонг Џе, оваа група го принудува Си Ун да се спротивстави на уште поголемо насилство и опасност.

Улоги

Глумец	Улога
Парк Џи Хун	Јон Си Ун
Чои Хјун Вук	Ан Су Хо
Хонг Кјунг	О Бом Сок

Наводи

↑ Kim, Seong-hyun (18 ноември 2022). [Y초점] 신예들의 기막힌 앙상블 '약한영웅'... 주목할 만한 문제작의 탄생 [[Y focus] A stunning ensemble of rookies, 'weak hero'... The birth of a notable problem] (корејски). YTN. Посетено на 4 јануари 2023.

Надворешни врски

Матична страница

[YTN-1] Kim, Seong-hyun (18 ноември 2022). [Y초점] 신예들의 기막힌 앙상블 '약한영웅'... 주목할 만한 문제작의 탄생 [[Y focus] A stunning ensemble of rookies, 'weak hero'... The birth of a notable problem] (корејски). YTN. Посетено на 4 јануари 2023.

[1]